Jeremiya 3:10 - La Bible en Otetela (Bible K'Ekila) 1991

¹⁰ Kuyanga mbake-nyi anengewo, asi Juda, akanga a lukesu akambu aso tshe, vo kunkalula le mi lʼutema otoi, keli paka la lukesu, mbata Latuyalaka.

Jeremiya 3:10 Iomraidhean Croise

2 Ekondo 34:33

Josiya akanya akambu tshe wa wononyi uma lu wedja tshe wʼasi Isariyele, akatshutshiya wane tshe wakatanema lu Isariyele dia ntemola Latuyalaka, Unyashungu awo. Lu nshi ya lumu landi tshe, vo kunkadimo uma le Latuyalaka, Unyashungu a washewo.

Esambu 18:44

Vo watukitanyiaka aui ami kamʼateketami. Asi wedja watumandulaka.

Esambu 66:3

Nyuteli Unyashungu nyati: Etsha aye dikambu dia mamba mbewo. Uma lu wuki a wulu aye, Mbayuyukitshakitshaka atunyi la ntundu kaye.

Isaya 10:6

Dimi layutuma dia ntolosha wudja wʼakanga a dionyo. Dimi layuwudjangela dia ndi ntsho le wudja wukami kele, Dia ntohotola la mumba diango diawo, La mbahotshahotsha lʼekulu awo uku loteke la lʼesese.

Isaya 29:13

Ku Khumadiondjo akati ati: Lamʼatusukanaka wudja one le mi, Vo watonemiaka lu enyo awo la lu elomo awo. Keli etema awo watuyalaka etali uma le mi, La woma watuwumbukaka, weli uku shimu wakaweki le antu.

Isaya 31:6

Nyu asi Isariyele nyukadimo utsha le one lakanyatombokwela!

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 12:2

We kakawaune; vo wambudja ediu, wambongona, wamboto elua. Vo nkeyaka lu elomo awo, keli etema awo weko etali uma le ye.

Jeremiya 9:1

Utunduyala ote ami waluli too lʼashi, La ashu ami wayali teko diʼasoi, Tshiki dimi lutulelaka andjakemi wʼona umuntu a wudja ami Ndu la yanyi ndu lʼutshu.

Hosea 7:14

Vo hawutundelelaka lʼutema otoi, Keli watukiyanaka lu mbetu yawo, Watusanganaka dia nkundja epunga la ashi wʼelua; Vo watontombokwelaka.

Amose 4:9

Dimi lakanyutumela elanyelu ka mbu ya nde. Endjo wakali efula ka diango dia lu dikambo dianyu, Ekodi anyu wa vinyo, etamba anyu wa fingu, La etamba anyu wa mbeli. Keli nyu kunkalula le mi, mbata Latuyalaka.

Malaki 2:11

Juda akatshi lukesu; akambu wa wononyi wakatshama lu Isariyele ndu la Jerusalema. Juda akalanya etemwelo ka Latuyalaka kakandukaka ngandji, akatemola etemolatemola kʼasi wedja.