Jeremiya 28:4 - La Bible en Otetela (Bible K'Ekila) 1991

⁴ Dimi layukaluya ndu Jekoniya, onʼa Jehoyakima, khumʼekanga ka Juda, kame la asi Juda wakatolama lu fumbi, ne dia dimi lutsha mbokola lokoho la khumʼekanga ka Babilona, mbata Latuyalaka.

Jeremiya 28:4 Iomraidhean Croise

Etatelu 27:40

Uma lu wulu wa yombo yaye mbayuyutshikala la lumu. We ayukambelaka onanyo ulimu. Lamʼayuyuhindula, we ayokola lokoho landi uma lu kingu kaye.

2 Khumi ya Dikanga 24:14

Ndi akatole Jerusalema tshe lu fumbi: ewandji tshe, ahuka a wulu; yediko yʼantu nunu dikumi wakatolama, kame la etshudi wʼabaya la wa mbulu. Paka asi wula atu mbakatshikala lu wudja.

Isaya 9:4

We ambulanya lokoho laki wutshu le ndi, Ukalimba wakokomolaka lʼokongo, la ohehela wa one lakusuyaka, Uku lu lushi la Midiyana.

Jeremiya 13:19

Esumba wa la Nengebe wambudihama, Nduku untu eko dia mbedihula. Wambotola Juda tshe lu fumbi, wambatola tshe tshe.

Jeremiya 2:20

Nshi yʼedjedja, nyu nyakatshatsha lokoho lanyu, Nyakahimbula ekodi anyu; Nyakati nyati: Shu hatuyulanga ndjala fumbi ntu. Ee, nyakanseke, nyakatemola Ladiku dia dikuna tshe diʼutali, Ndu la tshina diʼutamba tshe wʼuyuyu.

Jeremiya 22:10

Tanyulelaki one lambuvo kuyanga ntsha utanda andi. Keli nyuleli, nyuleli one latolama lu fumbi, Ne dia ndi hukalula, hena kete yakanduto ntu.

Jeremiya 22:24

Latuyalaka katshiba ati: Uku wemi la lumu! utunduyala we Koniya, onʼa Jehoyakima, khumʼekanga ka Juda, uyali lohete lʼematelu lu lunya lami la pami, dimi lutukunya uma loko.

Jeremiya 24:1

Lʼokongo a la nʼakatole Nebukadineza, khumʼekanga ka Babilona, Koniya, onʼa Jehoyakima, khumʼekanga ka Juda, ewandji wa Juda kame la etshudi wʼabaya la etshudi wa mbulu uma la Jerusalema utsha la Babilona, Latuyalaka akamenya asaka ahendi wa fingu wukitshami la ntundu kʼetemwelo kandi lu do.

Jeremiya 24:5

Latuyalaka, Unyashungu wa Isariyele, kata okone ati: Dimi layenaka fumbi yʼuma la Juda yakamatumi uma lu dihuli ne utsha la Kaladiya uku fingu nye yʼololo, dia mbalama ololo.

Jeremiya 27:8

Naka wudja omotshi, naka diulelu dimotshi hawetawo dia ndjala lʼokongo wa Nebukadineza, khumʼekanga ka Babilona, ndu hawetawo mbidja kingu yawo lu lokoho landi, dime layusuya wudja ako, la yombo, ndjala ka kasha, la elandu edja ndu lamʼayumashila ushiki, mbata Latuyalaka.

Jeremiya 28:10

Umvutshi Hananiya akanya lokoho uma lu kingu ka umvutshi Jeremiya, akalokola.

Jeremiya 28:2

Latuyalaka Kanga lulimbilimbi, Unyashungu wa Isariyele, kata ati: Dimi lambowela lokoho la khumʼekanga ka Babilona!

Jeremiya 29:1

Lanʼeli aui wa lu mukanda wakatumi umvutshi Jeremiya uma la Jerusalema utsha le atshikadi wa dihangamendi dia Isariyele diaki lu lohombo, le elombedi, le amvutshi, ndu le antu tshe wakatole Nebukadineza uma la Jerusalema utsha la Babilona lu fumbi.

Jeremiya 29:2

Laso ku khumʼekanga Jekoniya, nyangu, elenga, ewandji wa Juda la wa Jerusalema, etshudi wʼabaya la etshudi wa mbulu, wambumoka uma la Jerusalema.

Jeremiya 30:8

Lushi lone, dimi layokola lokoho landi uma lu kingu kaye, layata luweti laye, lʼasi wedja hawukete fumbi ntu, mbata Latuyalaka.

Akambu wʼAsi Lewi 26:13

Dimi keli Latuyalaka, Unyashungu anyu, lakanyutundja uma lu kete ya Edjibitu, lakanyutshungula uma lu fumbi. Dimi lakatshatsha lokoho lanyu, lakanyokendjakendja esimboki.

Nahuma 1:13

Kakiane dimi lutsha mbokola lokoho landi leli ladiku diaye, Ndu lutsha mpimbula ekodi aye tenyi tenyi.