Jeremiya 28:3 - La Bible en Otetela (Bible K'Ekila) 1991

³ Dimi layukaluya diango diʼulimu tshe dia luudu la Latuyalaka diakose Nebukadineza, khumʼekanga ka Babilona, uma lu lihuli ne, diakandatole utsha la Babilona la ntundu ka deku pendi diatakuki.

Jeremiya 28:3 Iomraidhean Croise

Etatelu 47:28

Jakoba akadjase lu kete yʼEdjibitu deku dikumi la esambeli. Okone nshi ya lumu tshe ya Jakoba yaki deku lukama akumi anei la esambeli.

Etatelu 47:9

Jakoba akûkaluya diui ati: Nshi ya lokendo lami yaya deku lukama la akumi asatu. Nshi yami yeki tshitshe ndu yo yaki too la akambu wa toshoko. Yo yatakuki lu yediko yaki kendo ya wapapa.

2 Khumi ya Dikanga 24:13

Ndi akatundja diango tshe uma lu waumbelu wa lu luudu la Latuyalaka, la uma lu waumbelu wa luudu la khumʼekanga. Ndi akudiudia diango diʼulimu tshe wa paunyi wakatatshi Solomona, khumʼekanga ka Isariyele, lu luudu la Latuyalaka, uku akati Latuyalaka.

2 Ekondo 36:10

Lʼetatelu kʼeleku kekina, khumʼekanga Nebukadineza akatumi akendji dia najotola utsha la Babilona, kame la diango diʼulimu diʼushinga a wulu dia luudu la Latuyalaka. Ndi akadji Zedekiya, onangu Jehoyakina, khumʼekanga ka Juda la Jerusalema.

2 Ekondo 36:7

Nebukadineza akembe ndu diango diʼulimu dia lu luudu la Latuyalaka utsha la Babilona, akatudikitsha lu luudu landi la khumʼekanga la Babilona.

Esambu 90:10

Nshi ya lumu lasu nkumaka lu deku akumi esambeli, Wane wuleki wulu pulu ndu deku akumi enanei. Keli nshi yawo ndjalaka paka pa la asui. Yo yatushilaka esadi, ku shu nfumbo.

Danyele 1:2

Khumadiondjo akakimo Jehoyakima, khumʼekanga ka Juda lu anya andi, kame la diango dimotshi diʼulimu diʼuma lu luudu la Unyashungu. Nebukadineza akaditole utsha lu kete ya Shinare, lu luudu la etemolatemola kandi. Ndi akatudiotshiya lu luudu la eumbelu lʼetemolatemola kandi.