Jeremiya 28:1 - La Bible en Otetela (Bible K'Ekila) 1991

¹ Lu eleku kako, lʼetatelu ka diulelu dia Zedekiya, khumʼekanga ka Juda, lʼeleku ka nei lu ngondo ka tanu, Hananiya, onʼa umvutshi Azura, usi Ngibiyona, akamvutela dimi Jeremiya lu luudu la Latuyalaka la ntundu ka elombedi lʼantu tshe ati:

Jeremiya 28:1 Iomraidhean Croise

1 Khumi ya Dikanga 3:4

Khumʼekanga akatshu la Ngibeyona dia ntulambula elambu, ne dia leko kaki dihuli dia ladiku diakaleki wuki. Solomona akatulambula elambu wa lutshumba kinunu lʼediakelu kako.

2 Khumi ya Dikanga 24:18

Zedekiya aki la deku akumi ahendi la otoi lamʼakandayala khumʼekanga. Ndi akulela deku dikumi la otoi la Jerusalema. Lukumbu la nyangu laki Amutala, onʼa Jeremiya, usi Libina.

2 Ekondo 36:11

Zedekiya aki la deku akumi ahendi la otoi lamʼakandayala khumʼekanga. Ndi akulela deku dikumi la otoi la Jerusalema.

Isaya 9:15

Ehangamendi la kanga lukumu weli ote, Ku umvutshi latetshaka kashi eli wela.

Jeremiya 23:28

Umvutshi lakenyi do, asakuli do diako, keli one lakuki diui diami, ataki diui diami la kolamelu. Okoko wana wasohanyawo puhudi la epunga? mbambula Latuyalaka.

Jeremiya 27:1

Lʼetatelu ka diulelu dia Zedekiya, onʼa Josiya, khumʼekanga ka Juda, diui ne diakayi le Jeremiya uma le Latuyalaka.

Jeremiya 27:12

Dimi lakatela Zedekiya, khumʼekanga ka Juda, aui aso tshe nti: Nyetawo mbidja kingu yanyu lu lokoho la khumʼekanga ka Babilona, dia ndjala lʼokongo andi, ndi la wudja andi, mbayunyulumba.

Jeremiya 27:3

Utumi diui le khumʼekanga ka Edome, le khumʼekanga ka Moaba, le khumʼekanga kʼasi Amona, le khumʼekanga ka Tura, ndu le khumʼekanga ka Sidona lu anya wʼakendji watuyakaka la Jerusalema le Zedekiya, khumʼekanga ka Juda.

Jeremiya 28:11

Hananiya akatela antu tshe ati: Latuyalaka kata ati: Ukuku mbayumokola lokoho la Nebukadineza, khumʼekanga ka Babilona, uma lu kingu ya wedja la ntundu ka deku pendi diatakuki. Ku umvutshi Jeremiya akatshu.

Jeremiya 28:17

Ku umvutshi Hananiya akavu lu eleku kako lu ngondo kʼesambeli.

Jeremiya 28:5

Umvutshi Jeremiya akakaluya umvutshi Hananiya diui la ntundu ka elombedi la antu tshe wakemadi lu luudu la Latuyalaka,

Jeremiya 29:15

Nyu nyakati nyati: Latuyalaka ambututundjiya amvutshi lu Babilona.

Jeremiya 36:12

ndi akahulo utsha lu luudu la khumʼekanga, lu luudu la lʼetei lʼufundji. Ndi akatani ewandji ene tshe wudjashi: ufundji Elishama, Delaya, onʼa Shemaya, Elenatana, onʼa Akebore, Ngemariya, onʼa Shafana, Zedekiya, onʼa Hananiya, la ewandji ekina tshe.

Jeremiya 37:13

Lamʼakakumi Jeremiya la suku dia Bendjamina, Iridja onʼa Shelemiya, onʼa Hananiya, olombodi wʼalami, aki leko. Ndi akandi umvutshi Jeremiya, ata ati: We ambukadimo lu wedi wʼasi Kaladiya!

Jeremiya 37:19

Kakiane, lendʼeli amvutshi anyu wakanyutelaka akambu wahatayi vati: Khumʼekanga ka Babilona huya dia ndjolo la nyu, kuyanga la kete nye?

Jeremiya 49:34

Diui dia Latuyalaka diakayi le umvutshi Jeremiya lʼetatelu ka diulelu dia Zedekiya, khumʼekanga ka Juda, lu dikambu dia Elame, ati:

Jeremiya 51:59

Aui aso mbakatela umvutshi Jeremiya, Seraya, onʼa Neriya, onʼa Masea, lamʼakandatshu ndi la Zedekiya, khumʼekanga ka Juda, utsha la Babilona lu eleku ka nei ka diulelu diandi. Seraya aki olombodi wa ekambi wa lu luudu la khumʼekanga.

Ezekiyele 13:6

Nyu nyakenyi waenelo wa lukesu, nyakasaki awulu wa kashi nyata nyati: Latuyalaka kakati, keli Latuyalaka kunyutuma. Nyu nyakasha antu elungamelu kʼaui anyu nshidiyama.

Hosea 7:3

Vo watongenyangenyaka khumʼekanga la kolo yawo, Ndu ewandji la kashi yawo.

Jashua 10:12

Lu lushi lakakimo Latuyalaka asi Amora lʼanya wʼasi Isariyele, Jashua akati lu ashu wa Isariyele ati: Unya li, emali ladiku dia Ngibiyona, Ndu we Ngondo, lʼukidi wa Aidjalona!

Jashua 9:3

Keli lamʼakuki asi Ngibiyona, uku akatshela Jashua Jeriko la Ai,