Jeremiya 27:9 - La Bible en Otetela (Bible K'Ekila) 1991

⁹ Keli nyu tanyukelaki amvutshi anyu, asaki wʼawulu anyu, amenyi anyu wʼalo, ambeyi anyu wa diango dia lʼulungu la akanga wʼaloho anyu, watunyutelaka vati: Nyu hanyuyala lʼokongo wa khumʼekanga ka Babilona!

Jeremiya 27:9 Iomraidhean Croise

Etumbelu 22:18

Tetawoki dia umuntu kanga doka ntshikala la lumu.

Etumbelu 7:11

Farayo aketi akanga a yimba la akanga wʼaloho wa lʼEdjibitu, ku ndu vo wakayutsha aloho awo pupu.

Tukedi 19:27

Onʼami, ukimo mbuka wetshelu, Naka vo watukanganyaka uma lu aui wa yimba.

Isaya 8:19

Lamʼayuwunyutela vati: Nyutuyangi wane watoteketshaka djimu ndu wetshi wʼawulu watendjaka, watudjoka, wudja hawuhumbi nyanga Unyashungu awo uka? Ololo vo mumbwela wasena akambu le wane wakavu uka?

Jeremiya 14:14

Latuyalaka akamvutela ati: Amvutshi watutaka kashi lu akambu wahatayi lu lukumbu lami. Dimi kumbatuma, kumbalakanya, kuyanga nteketa la wo. Vo watunyutelaka akambu wahatayi uma lu enelo ka kashi, uma lʼesakelu ka diwulu, uma lʼengo kʼanyanya ndu uma lu lukesu lʼetema two.

Jeremiya 23:16

Latuyalaka Kanga lulimbilimbi kata okone ati: Tanyulungaki aui w amvutshi watunyutelaka akambu wahatayi. Vo watunyulungamiyaka akambu ulungamiyalungamiya. Vo watunyutelaka waenelo wʼuma lʼetema awo, aha wʼuma lʼunyo ami, dimi Latuyalaka.

Jeremiya 23:25

Dimi lakuki aui wʼamvutshi wakataka akambu wahatayi wa kashi lu lukumbu lami, wata vati: Dimi lakenyi do! dimi lakenyi do!

Jeremiya 23:32

Nyulungi, dimi kema kame la amvutshi wʼalo wa kashi watasakulaka, watunganyiaka wudja la kashi yawo, ndu la ndjasema yawo yʼanyanya. Dim, kumbatuma, kuyanga mbatela diui. Vo hawukimanyia wudja one nduku yema, mbata Latuyalaka.

Jeremiya 29:8

Ne dia Latuyalaka Kanga lulimbilimbi, Unyashungu wa Isariyele, kata ati: Tanyetawoki amvutshi anyu weli lʼatei anyu, la etshi anyu wʼawulu nyukesa, kuyanga nunga aui wʼamenyi anyu wʼalo;

Ezekiyele 21:29

Vo wakanyutela waenelo wa kashi, wakanyusakwela waenelo wa kashi, wa-kanyendjiya awulu wʼanyanya, dia nyu nsuya antu wa kolo wambuhumo wulu ndu wambukuma lʼetena kawo kʼelumbwelu.

Danyele 4:7

Ku akanga wʼaloho, asaki wʼawulu, asi Kaladiya, la ateketshishi wa djimu wakayi. Dimi lakasakwela do, keli vo kumbeya nimbitshiyami kitshimudi yadio.

Mika 3:7

Amenyi wayutshama sonyi, La wane watendjaka wayolombo la sonyi. Vo tshe wayukumba elomo awo, Ne dia nduku diui uma le Unyashungu.

Zekariya 10:2

Dikishi diatutaka aui wʼanyanya; Asaki wʼawulu watenaka akambu wa kashi. Amenyi wʼalo watusakulaka alo wa lukesu. Vo watusambaka antu anyanya. Okone wudja vatekekoka uku ekoko, Watuyalaka la asui, ne dia vo kema la ulami.

Malaki 3:5

Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

Etsha wa Atumami 8:11

Vo wakuhukama, ne dia ndi akawambia la aloho andi edja.

Efeso 5:6

Untu tanyudimbiyaki lʼaui wʼanyanya, ne dia uma lu akambu ako mbatuyakaka kele ka Unyashungu le akanga wʼuhedia.

Euhwelu kʼElembe 13:2

ku lamʼayushndiyama djimbitelu kana dikambu dia mamba diku, diakandanyutela ati: Tuyeli ditemolatemola, diahanyeyi, tuditemole,

Euhwelu kʼElembe 18:14

Wedja ene watanyatshanya watukelaka amenyi wʼakambu wahatayi la asaki wʼawulu. Keli le nyu, Latuyalaka, Unyashungu anyu, hetawo nyu ntsha osoku.

Jashua 13:22

Asi Isariyele wakadiaki Balama, umvutshi wʼakambu wahatayi, onʼa Beore, la yombo kame la akina wakawadiaki.

Enyelo 18:23

Ndu tala hadiuyoheta lʼatei aye ntu; Hawuyuka diui dia utshuki a wadi Kuyanga dia umuntu lutshukami lʼatei aye ntu, Ne dia ambetshetshi wʼukanda waki antu a waki wa la kete, Ne dia wedja tshe wakakesama lʼekanga aye.

Enyelo 21:8

Keli akanga a woma, ndu waha la mbetawo, ndu wa kolo, ndu andjakanyi, ndu akanga a munanyi, ndu akanga wʼaloka, ndu atemodi wa dikishi, ndu akanga a kashi tshe, sangu diawo diayuyala lʼeduwa ka dja la mboko ya dja. Nyoi ka hendi keso.

Enyelo 22:15

Lʼandja wʼusumba keli fo, la akanga wʼaloka, la amunanyi, la andjakanyi, la atemodi wa dikishi, la One tshe latulangaka ndu latutaka kashi.

Enyelo 9:21

Vo kunkadimula etema uma lu diakanelu diawo kuyanga uma lʼekanga awo, kuyanga uma lu munanyi la evi awo.