Jeremiya 27:6 - La Bible en Otetela (Bible K'Ekila) 1991

⁶ Kakiane dimi lambukimo kete nye tshe lu anya wʼukambi ami Nebukadineza, khumʼekanga ka Babilona. Lambuwusha ndu nyama ya lʼukunda dia yo mbukambela ulimu.

Jeremiya 27:6 Iomraidhean Croise

2 Khumi ya Dikanga 25:28

Evile-Merodaka akasawulaka la ndi ololo, akedia kiti kandi ka diulelu ladiku dia kiti ya waulelu ya khumi ya dikanga yaki kame la ndi la Babilona.

2 Ekondo 36:23

Kuro, khumʼekanga ka Peresiya, kata ati: Latuyalaka, Unyashungu a lʼulungu, lakambisha waulelu tshe wa la kete, ndi kakambisha okende wa dimi ntuhikela luudu la Jerusalema ya la Juda. Untu tshe lʼatei anyu leli usi wudja wa Latuyalaka, Unyashungu andi, ayali la ndi, atshu utsha leko.

Isaya 44:28

Dimi katutaka dia Kuro nti: Ndi eli ulami ami wʼekoko. Ndi ayushidiya lulangu lami tshe. Ndi ayuta dia Jerusalema ati: Yo yahikami ntu; La dia etemwelo ati: Atshina ato wahikami.

Jeremiya 21:7

Lʼokongo diku, dimi layukimo Zedekiya, khumʼekanga ka Juda, ekambi andi, la wudja andi, waku wayuhanda elandu, tombo la ndjala ka kasha lʼusumba lu anya wa Nebukadineza, khumʼekanga ka Babilona, lu anya wʼatunyi watuyangaka mbadiaka. Ku ndi ayadiaka la yombo, ndi huyala lʼote vuvu kuyanga ketshi, mbata Latuyalaka.

Jeremiya 22:25

Dimi layukukimo lu anya a waku watuyangaka lumu laye, lu anya a waku watuyukaka woma, lu anya wa Nebukadineza, khumʼekanga ka Babilona, ndu lu anya wʼasi Kaladiya.

Jeremiya 24:1

Lʼokongo a la nʼakatole Nebukadineza, khumʼekanga ka Babilona, Koniya, onʼa Jehoyakima, khumʼekanga ka Juda, ewandji wa Juda kame la etshudi wʼabaya la etshudi wa mbulu uma la Jerusalema utsha la Babilona, Latuyalaka akamenya asaka ahendi wa fingu wukitshami la ntundu kʼetemwelo kandi lu do.

Jeremiya 25:9

dimi layeta wedja tshe wa la ngelʼa kushi, ndu ukambi ami Nebukadineza, khumʼekanga ka Babilona. Dimi layaela uya lu kete nye dia ndjolosha asi kete nye ndu wedja ene tshe wadingi. Dimi layashila ushiki, layuwaete engo ka nkashimo, engo ka dionyo, la elanyelu ka pundju.

Jeremiya 28:14

Dimi lambudja wedja ene tshe lokoho la lu wulu lu kingu yawo, dia vo ndjala lʼokongo wa Nebukadineza, khumʼekanga ka Babilona, ku vo wayulambulaka elambu. Dimi lambuwusha ndu nyama ya lʼukunda, mbata Latuyalaka Kanga lulimbilimbi, Unyashungu wa Isariyele.

Jeremiya 43:10

Kuwateli wati: Latuyalaka Kanga lulimbilimbi, Unyashungu wa Isariyele, kata ati: Nyuki, dimi layutuma diui dia nteta ukambi ami Nebukadineza, khumʼekanga ka Babilona. Ndi ayuyukitsha kiti kandi ka diulelu ladiku diʼave ane wambumososomiya. Ndi ayala ekuhu kandi ka koi ladiku diawo.

Jeremiya 49:30

Nyu asi Hazora, nyulawo, nyudiangani etali. Nyutushami lu minga, Ne dia Nebukadineza, khumʼekanga ka Babilona, Eko la kanyi ya nyutshela kolo, Ambusanguya nyolosha, mbata Latuyalaka.

Ezekiyele 29:12

Dimi layete kete ya Edjibitu tongo tu lʼatei a kete yeli atongo. Esumba awo wayuyala atongo atu enonyi akumi anei lʼatei wʼesumba wakawalanya. Dimi layudianganya asi Edjibitu lʼatei a wedja, layahandjula lu kete tshe.

Ezekiyele 30:24

Dimi layukikitsha anya wa khumʼekanga ka Babilona, layukitsha yombo yami lu lunya landi. Dimi layokola anya wa Farayo, ku ndi ayukhuma akhumu la ntundu kandi uku akhumu wʼuntu lakahumwi, layanga mvo.

Danyele 4:12

Akatshi awo waki amena, ndu elua awo waki efula. Vo wakatokaka elua wʼantu tshe nde. Nyama ya la kete yaketamaka lu dedi diawo, la fudu ya lʼulungu yakatshaka kefu lu tahi yawo, ndu engo tshe keli la lumu, kakalekaka mbu ya nde uma loko.

Danyele 4:22

oso eli we, we khumekanga! We kakahami, kakayala wulu. Ku wuki aye wakafulanela, wakambela pulu ndu lʼulungu; la diulelu diaye diakakumi pulu ndu la kuma ya kete.