Jeremiya 26:3 - La Bible en Otetela (Bible K'Ekila) 1991

³ Undu, vo wayulunga, wayukadimo untu lʼuntu uma lu mbuka kandi ka kolo, dia dimi nemba utema uma lʼelanyelu kakamasanguya mbatshela, ne dia etsha awo wa kolo.

Jeremiya 26:3 Iomraidhean Croise

1 Khumi ya Dikanga 21:27

Lamʼakuki Ahaba aui wa Elidja, ndi akatshatsha ahondo, akalote akutu. Ndi akakili ma, aketamaka lu dikutu, akakendakendaka kyoke.

1 Khumi ya Dikanga 21:29

We menaka uku ambuyakitshakitsha Ahaba la ntundu kami? Ne dia ndi ambuyakitshakitsha la ntundu kami, dimi halela elanyelu lu nshi ya lumu landi. Paka lu nshi ya onʼandi, mbayumela elanyelu lu khumbu kandi.

Jeremiya 26:13

Okone nyolongosole mbuka yanyu la etsha anyu kakiane, nyukitanyia diui dia Latuyalaka, Unyashungu anyu. Ku ndi ayolemba utema lu elanyelu kakandati lu dikambu dianyu.

Jeremiya 26:19

Hezekiya, khumʼekanga ka Juda, la Juda tshe wakudiaki uka? Undi, ndi kumbuka Latuyalaka woma? Ndi konsengasenga Latuyalaka dia ndi mbuka ketshi? Latuyalaka konemba utema lu elanyelu kakandati dikambu diawo uka? Shu tuyanga ndjatungela unungu a wuki.

Jeremiya 36:3

Ku lamʼayuka khumbu ka Juda lukumu la elanyelu tshe kamumusanguya mbatshela, undu, vo wayuka-dimo untu lʼuntu uma lu mbuka kandi ka kolo, ku dimi layadimanyia ehedia awo la kolo kawo.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Ezekiyele 12:3

Okone we onʼa untu, uyakelekeli tshumutshumu ya untu latatshu utsha lu fumbi. Umo uma lʼatei awo la yanyi, unela uma lu dihuli diaye utsha lu dihuli dikina lu ashu awo. Kuyanga mbewo khumbu kʼatomboki, vo wayukana yimba ntu.

Ezekiyele 18:21

Naka untu a kolo ayukadimo uma lu kolo yandi yakandatshaka, ndu ayulamaka elembe ami, la ayutshaka kene keli ololo ndu usimbwi, mete ndi ayulumba; ndi liuvo.

Hosea 11:9

Dimi halutsha uku kele kami ka wulu. Dimi handjulanya Efarayima ntu, Ne dia dimi keli Unyashungu, aha untu. Dimi keli lʼEkila lʼatei anyu, Dimi haluya dia ndjunyulanya.

Joele 2:14

Akona eya kana Latuyalaka hukalula, Ndu holemba utema? Akona eya kana ndi hutshika otshoko, Elambu wa shima a wa lutshumba Le Latuyalaka, Unyashungu anyu, lʼokongo andi?

Jona 4:2

Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa, latolembaka utema, diaha ntshela antu kolo.