Jeremiya 26:2 - La Bible en Otetela (Bible K'Ekila) 1991

² Latuyalaka kata ati: Utemali lu seke dia lukumbu la luudu lami, dimi Latuyalaka. Uteli waku wambuya uma lʼesumba tshe wa Juda dia ndjontemola lu luudu lami aui tshe wamumukudjangela dia we mbatela. Tutshikaki nduku diui.

Jeremiya 26:2 Iomraidhean Croise

Jeremiya 1:17

Uneli, ukikitsha uya, uwateli kene tshe kayumukutela. Tudidimaki la ntundu kawo, ne dia dimi latukukudidimia la ntundu kawo.

Jeremiya 1:7

Keli Latuyalaka akankaluya diui ati: Tutaki wati: Dimi leki dikenda. We ayutsho le wane tshe wayumukutuma, La we ayuta kene tshe kayumukutela.

Jeremiya 19:14

Lʼokongo liku, Jeremiya akakalula ima la Tofeta, lene akutumi Latuyalaka, dia ntuta akambu wahatayi. Ndi akayemula lu seke dia luudu la latuyalaka. Ndi akatela antu tshe ati:

Jeremiya 23:28

Umvutshi lakenyi do, asakuli do diako, keli one lakuki diui diami, ataki diui diami la kolamelu. Okoko wana wasohanyawo puhudi la epunga? mbambula Latuyalaka.

Jeremiya 25:2

Diui diako mbakatela umvutshi Jeremiya wudja tshe wa Juda la waku tshe wakadjashi la Jerusalema, ati:

Jeremiya 28:5

Umvutshi Jeremiya akakaluya umvutshi Hananiya diui la ntundu ka elombedi la antu tshe wakemadi lu luudu la Latuyalaka,

Jeremiya 36:10

Baruka akalela antu tshe aui wʼuma le Jeremiya lu buku u luudu la Latuyalaka, lu luudu la lʼetei la Ngemariya, onʼa ufundji Shafana, lu seke dia lukumbu dia ladiku, lu eotwelo ka Suku diʼUyuyu dia luudu la Latuyalaka.

Jeremiya 42:4

Umvutshi Jeremiya akawatela ati: Dimi lambuka. Kakiane, dimi lambutsho dia molomba Latuyalaka, Unyashungu anyu, uku elombelo kanyu. Dimi layuyunyulimbitshiya akambu tshe wayunyukaluya Latuyalaka, halunyushe nduku diui.

Jeremiya 7:2

Utemali la suku dia luudu la Latuyalaka. Ututi diui ne leko wati: Nyuki diui dia Latuyalaka, nyu asi Juda tshe watotoka lu asuku andi dia mbotemola.

Jeremiya 7:27

Kuyanga we ayuwatela aui ane tshe, hawukukela; kuyanga we ayuwaeta, vo hawuketawo.

Ezekiyele 3:10

Ndi akamvutela ati: Onʼa untu, udji aui ami tshe wayumukutela lʼutema aye, uhuke atui ololo.

Ezekiyele 33:7

We onʼa untu, dimi lakakutshiki ulami le khumbu ka Isariyele. Dieli la ye dia mpukama aui wʼuma lʼunyo ami, la mbewula wa lu leke lami.

Ezekiyele 40:4

Ku untu ako akamvutela ati: Onʼ a untu, enda la ashu aye ndu uki lʼatui aye, udji tukanyi taye lu akambu tshe wayangami nkenya, ne dia we akayi lindu dia dimi ndjukenyawo. Kutusanyiya khumbu ka Isariyele akambu tshe wenaye.

Mateu 28:20

Nyuwaetshaki dia ntsha akambu tshe wamumunyutela. Nyulungi, dimi leko la nyu nshi tshe, edja ndu ekumelu kʼandja.

Luka 19:47

Jesu aketshaka antu la lushi la lushi lu etemwelo. Keli elombedi a waki la afundji la dihangamendi wakayangi mbudiaka.

Joani 18:20

Jesu akûkaluya diui ati: Dimi lakatela antu diui diami lu seke. Dimi laketshaka antu nshi tshe lu temwelo, ndi lu etemwelo ka wuki lene atusanganaka asi Juda tshe. Dimi kumvuta nduku dikambu lu usheshe.

Joani 8:2

Jesu akayi la kiesekese lu etemwelo ntu. Antu efula wakayi le ndi. Ndi akadjase, akawaetsha.

Etsha wa Atumami 20:20

Dimi kumbuka woma wa nyutela akambu tshe wʼololo, lakanyetshaka lʼatei wʼantu, ndu lu luudu la luudu,

Etsha wa Atumami 20:27

ne dia dimi kumbuka woma wa nyutela yimba tshe ya Unyashungu.

Etsha wa Atumami 5:25

Untu omotshi akayi akayuwatela ati: Enda, antu wakanyadji lu lukanu ane wemadi lʼetemwelo, wetsha antu.

Etsha wa Atumami 5:42

La lushi la lushi lu etemwelo ndu la wakawo, vo kumpeko mbetsha antu la nsambisha Lukumu lʼOlolo vati: Jesu keli Kristu.

Euhwelu kʼElembe 12:32

Kanyulamaki la kanyutshaki akambu tshe wamumunyutela ololo. Tanyaheki nduku diui, ndu tanyahulaki.

Euhwelu kʼElembe 12:5

Keli kanyuyangi dihuli diayosonola Latuyalaka, Unyashungu anyu, lʼatei a wauhu anyu, dia ntukitsha lukumbu landi la ntsha edjaselu kandi leko.

Euhwelu kʼElembe 4:2

Tanyaheki nduku diui ladiku diʼaui wamumunyutela, ndu tanyunyaki nduku diui uma loko. Keli nyulamaki elembe wa Latuyalaka, Unyashungu anyu, uku amumunyutelawo.

Jashua 8:35

Nduku diui diakati Mose, diaki Jashua kumbala la ntundu kʼului tshe wa Isariyele, amantu, ana, la angendangenda wakadjashi lʼatei awo.

Enyelo 22:19

ndu naka untu ayunya aui wʼakambu wahatayi wufundami lu buku ne, Unyashungu ayuwunyiya etenyi kandi uma lʼutamba a lumu, ndu uma lʼusumba wʼekila, wufundami lu buku ne.