Jeremiya 26:19 - La Bible en Otetela (Bible K'Ekila) 1991

¹⁹ Hezekiya, khumʼekanga ka Juda, la Juda tshe wakudiaki uka? Undi, ndi kumbuka Latuyalaka woma? Ndi konsengasenga Latuyalaka dia ndi mbuka ketshi? Latuyalaka konemba utema lu elanyelu kakandati dikambu diawo uka? Shu tuyanga ndjatungela unungu a wuki.

Jeremiya 26:19 Iomraidhean Croise

2 Samuele 24:16

Lamʼakasimbula ondjelo lunya utsha la Jerusalema dia yilanya, Latuyalaka akalembe utema dikambu dia kolo kako. Ku ndi akatela ondjelo wakadiakaka antu ati: Ambukuka! ukitsha lunya. Ondjelo wa Latuyalaka aki lasuki la dihuli diʼesuswelu ka Arauna, usi Jebuse.

2 Ekondo 32:20

Khumʼekanga Hezekiya la umvutshi Isaya, onʼa Amoza, wakalombe lu dikambu ne, wakaleli utsha lʼulungu.

2 Ekondo 34:21

Nyutshu, nyutumumbweli Latuyalaka, dimi la atshikadi wa Isariyele ndu wa Juda, lu dikambu diʼaui wʼuma lu buku ne diakawashudi. Ududu wa Latuyalaka waya wuki le su, ne dia washesu kunkitanyia diui dia Latuyalaka, ndu kuntsha kene tshe kufundami lu buku ne.

Etumbelu 32:14

Latuyalaka akalembe utema uma lu kolo kakandakani dia ntshela wudja andi.

Isaya 26:21

Enda, Latuyalaka uyatumbi uma lu dihuli diandi, Dia ndjusuya wa la kete, ne dia kolo yawo. Ndu kete yayushula dikila dia andjakemi, Kete hayushe andjakemi nduku yema.

Isaya 37:1

Lamʼakuki Hezekiya aui aso, ndi akatshatsha ahondo andi, akalote akutu, akoto lu luudu la Latuyalaka.

Isaya 37:4

Undu, Latuyalaka, Unyashungu aye, akuki aui wʼolombodi wʼalimbi wakatumi khumendi, khumʼekanga kʼAsuriya, dia monyola Unyashungu a lumu. Latuyalaka, Unyashungu aye, ayuhangwela ne dia aui wakanduki, undu. Okone olombele atshikadi ane Unyashungu.

Jeremiya 26:15

Dikambu otoi, nyeyi nyati: Naka nyu nyayundjaka, nyayuyakitshiya dikila diaha la unungu lu ete anyu, nyu, usumba one, la wane wudjashi loko; ne dia mete, Latuyalaka kakantumi dia dimi nyutela aui aso tshe.

Jeremiya 26:3

Undu, vo wayulunga, wayukadimo untu lʼuntu uma lu mbuka kandi ka kolo, dia dimi nemba utema uma lʼelanyelu kakamasanguya mbatshela, ne dia etsha awo wa kolo.

Jeremiya 44:7

Diako mbata Latuyalaka Kanga lulimbilimbi, Unyashungu wa Isariyele, ati: Okoko wana wayatshelanyu kolo kene ka wuki, dia nshila apami, amantu, ana, la ana wʼashashi uma lʼatei wa Juda ushiki, wuhu waheya ntshikala nduku otoi lʼatei anyu?

Amose 7:3

Latuyalaka akalembe utema lu dika mbu so; Dio hadiuyala, mbata Latuyalaka.

Habakuka 2:10

We akasanguya dikambu dia sonyi le luudu laye, Dia ndjaka antu efula. Ndu we akatshela lumu laye kolo.

Zekariya 7:2

Ku asi Betele wakatumi Sharezere, la Rengeme-Meleke kame la antu awo, dia ntolomba Latuyalaka etshoko,

Walelu 16:38

La pusu yʼetuku yʼantu wa kolo aku wakashisha nyumu yawo, mbayuyutsha ufudi wʼediakelu. Ne dia vo wakayilambula la ntundu ka Latuyalaka, diako mbeyo ekila. Ku yo yayuyala euhwelu le asi Isariyele.

Mateu 23:35

Okone dikila tshe dia antu wʼololo diakako la kete diayuyala le nyu, uma ka dikila dia Abele untu ololo edja ndu dikila dia Zekamya, onʼa Barakiya, lakanyadiaki lʼasa etemwelo la ediakelu.

Etsha wa Atumami 5:39

Keli naka dio dieli uma le Unyashungu, nyu hanyeyi mbalembia: nyutukuyala uku wane walosha Unyashungu ta.

Enyelo 16:6

Ne dia vo wakatshulula dikila dia Ekilami ndu dia amvutshi, We akawasha dikila dia vo no. Vo mbukuki dino!