Jeremiya 24:9 - La Bible en Otetela (Bible K'Ekila) 1991

⁹ Dimi layuwata asulu, layatshela kolo lʼatei a waulelu tshe wa la kete dia vo ndjala engo ka dionyo, engo ka wela, engo ka mpongwela soi, la engo ka mananu lu ahuli tshe wayumutshanya.

Jeremiya 24:9 Iomraidhean Croise

1 Khumi ya Dikanga 9:7

ku dimi layunya Isariyele uma lu kete yakamawasha, ndu layunya luudu lone lamumukidia dikambu dia lukumbu lami uma lu ashu ami. Ku Isariyele ayuyala engo ka dionyo ndu ka tola lʼatei a wedja tshe.

2 Ekondo 7:20

ku aimi layunyunya uma lu kete yakamanyusha, ndu luudu lone lakamakidia dikambu dia lukumbu lami, ku layulete yukedi la engo ka dionyo lʼatei a wedja tshe.

Esambu 69:11

Lamʼakamalote ahondo wʼutanda, Ku wakambukana wela.

Isaya 43:28

Diako mbakamatuni elombodi wʼetemwelo. Lakakimo Jakoba lʼelanyelu, la Isariyele lu dionyo.

Isaya 65:15

Nyu nyayutshikela esonami ami lukumbu lanyu la mananu. Khumadiondjo, Latuyalaka ayunyudiaka. Ku ndi ayole ekambi andi lukumbu lukina.

Jeremiya 15:4

Dimi layuwaete engo ka wononyi lʼatei a waulelu tshe wa la kete, ne dia akambu wakatshi Manase, onʼa Hezekiya, khumʼekanga ka Juda, lu Jerusalema.

Jeremiya 19:8

Dimi layete usumba one engo ka woma, engo ka mpongwela soi. Wane he wayetaka loko, wayukashimo, wayohongwela soi lu asui awo tshe.

Jeremiya 25:18

Jerusalema la esumba wa Juda, khumi ya dikanga yawo la ewandji awo, dia mbaete elanyelu, engo ka nkashimo, engo ka dionyo ndu engo ka mananu uku wenamawo elo;

Jeremiya 26:6

ku dimi layete luudu lone uku Shilo, ndu layete usumba one engo ka mananu le wedja tshe wa la kete.

Jeremiya 29:18

Dimi layuwatshanya la yombo, ndjala ka kasha, la elandu, layakimo uku engo ka wononyi lʼatei a waulelu tshe wa la kete, dia vo ndjala engo ka mananu, engo ka nkashimo, engo ka mpongwela soi la engo ka dionyo lʼatei a wedja tshe wayumuwatshanya,

Jeremiya 29:22

Asi Juda tshe weli fumbi lu Babilona wayuwaete djimbitelu ya mvutaka vati: Latuyalaka akutsheli uku Zedekiya la Ahaba, wane wakatshumbi khumʼekanga ka Babilona lu dja.

Jeremiya 34:17

Okone mbata Latuyalaka ati: Nyu kumbukelami, dia nyu tshe ntshungula untu lʼuntu onangu, la untu lʼuntu unyandi. Nyendi, dimi lutsha nyusha ndjadjasela ka nyu ndjakema la tombo, elandu, la ndjala ka kasha. Dimi layunyete engo ka wononyi le waulelu tshe wa la kete.

Jeremiya 42:18

Latuyalaka Kanga lulimbilimbi, Unyashungu wa Isariyele, kata ati: Uku akatshulwama kele kami, la ududu ami le asi Jerusalema, osoku mbayutshulwama kele kami le nyu lamʼayunyukuma lʼEdjibitu. Ku nyu nyayutuyala engo ka mpongwela soi, engo ka nkashimo, engo ka mananu, engo ka dionyo. Nyu hanyuyena dihuli ne ntu.

Jeremiya 44:12

Dimi layunda atshikadi wa Juda wakediya dundji diawo utsha lu kete ya Edjibitu, dia ntudjase leko. Vo wayushila ushiki, wayoko lu kete ya Edjibitu, wayudiakema la yombo ndu la ndjala ka kasha. Vo wayuvo ndu wa waki ndu wa tshitshe la yombo ndu la ndjala ka kasha. Vo wayuyala engo ka mpongwela soi, engo ka nkashimo, engo ka mananu, la engo ka dionyo.

Jeremiya 44:13

Dimi layusuya waku wudjashi lu kete ya Edjibitu uku akamasuya Jerusalema la yombo la ndjala ka kasha ndu la elandu.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Ezekiyele 23:46

Khumadiondjo Latuyalaka kata ati: Dimi layutuma ului wʼantu dia ndo la wo, dimi layakimo lu anya awo dia vo mbasuya la mbahotola diango.

Ezekiyele 25:3

Uteli asi Amona wati: Nyulungi diui dia Khumadiondjo Latuyalaka. Khumadiondjo Latuyalaka kata ati: Ne dia nyu nyakati nyati: Nʼhi! lamʼakasana etemwelo kami, lamʼakalana wudja wa Isariyele, ndu lamʼakatolama khumbu ka Juda lu fumbi.

Ezekiyele 26:2

Onʼa untu, ne dia Tura wakati lu dikambu dia Jerusalema vati: Nʼhi! Lukuki la wudja lambuhandjo, lambudiho, laya le su. Shu tayongona, ne dia vo wamualanyema.

Ezekiyele 5:8

Diako mbata Khumadiondjo Latuyalaka ati: Enda, ndu dimi dime layendana la nyu; layunyulumbuya lu ashu wa wedja.

Euhwelu kʼElembe 28:25

Latuyalaka ayukimanyia atunyi anyu dia vo nyolembia. Nyu nyayutsho lu mbuka otoi dia ntalosha, ku nyu nyayalawo lu mbuka esambeli. Nyu nyayutasekasekamaka lʼatei a waulelu tshe wa la kete.

Euhwelu kʼElembe 28:37

Nyu nyayuyala engo ka nyetete le antu, engo ka yukedi ndu engo ka tola lʼatei a wedja tshe wayunyolombola Latuyalaka.