Jeremiya 24:5 - La Bible en Otetela (Bible K'Ekila) 1991

⁵ Latuyalaka, Unyashungu wa Isariyele, kata okone ati: Dimi layenaka fumbi yʼuma la Juda yakamatumi uma lu dihuli ne utsha la Kaladiya uku fingu nye yʼololo, dia mbalama ololo.

Jeremiya 24:5 Iomraidhean Croise

Esambu 119:67

Ntundu latasuyama, dimi lakanganela. Keli kakiane lulama aui aye.

Esambu 119:71

Aki ololo dimi nsuyama, Dia dimi mbeka elembe aye.

Jeremiya 24:4

Ku diui dia Latuyalaka diakayi le mi ati:

Jeremiya 29:11

Dimi mbeyaka sangweyu dia-tumusanguyaka lu dikambu dianyu, sangweyu dia ki, aha diʼelanyelu, dia nyusha elungamelu la nshi yayayi.

Jeremiya 29:20

Okone nyu tshe weli lu lohombo, nyu waku wakamatole uma la Jerusalema utsha la Babilona, nyulungi diui diami, dimi Latuyalaka.

Jeremiya 29:4

Dimi Latuyalaka, Kanga lulimbilimbi, Unyashungu wa Isariyele, katela wane tshe weli lu lohombo, wakamatole fumbi utsha la Babilona uma la Jerusalema nti:

Ezekiyele 11:17

Okone uti wati: Khumadiondjo Latuyalaka kata ati: Dimi layunyusanganya uma lʼatei a wedja, layunyukaluya uma lʼatei a waulelu wakamanyuhandjula, ku layunyusha kete ya Isariyele.

Ezekiyele 11:20

dia vo mbeya ndjela elembe ami la nama adjangu ami la mbatsha. Ku vo wayuyala wudja ami, la dimi layuyala Unyashungu awo.

Akambu wʼAsi Lewi 26:44

Keli lu akambu aso tshe, lamʼambuwuyala lu kete yʼatunyi awo, dimi haluwakadja, haluwauka wononyi lu wuhu wa mbashila ushiki, ndu wa nanya daka diami le wo. Dimi keli Latuyalaka, Unyashungu awo.

Nahuma 1:7

Latuyalaka eli ololo. Ndi eli eshamelu lu lushi la pa. Ndi mbeyaka wane watuyangaka eshamelu le ndi.

Zekariya 13:9

Dimi layudja etenyi otoi ka satu lu dja, Layuwaedia uku atuwediaka fesa. Dimi layahimba uku atuwuhimbaka paunyi. Vo wayetaka lukumbu lami, ku dimi layuwaukelaka. Dimi layutaka nti: Vo weko wudja ami! Ku vo wayutaka vati: Latuyalaka keli Unyashungu asu!

Mateu 25:12

Ku ndi akâkaluya diui ati: Mete kanyutelami ndi: Dimi halanyeyi.

Joani 10:27

Ekoko ami watukaka diui diami. Dimi mbaeyaka, vo watundjelaka.

Romo 8:28

Shu mbeyaka shati: Unyashungu atukambaka ololo kame la wane watuwukaka ngandji, wane wakandeti uku esangweyu kandi.

1 Koreto 8:3

Keli untu lalanga Unyashungu, untu oso ambeyama le ndi.

Ngalatiya 4:9

Keli kakiane nyu nyambeya Unyashungu, la nyambeyama le Unyashungu. Ya ukundi akalulanyu ntu lu ditshelu dia wodu la diʼanyanya? Ukundi alanganyu ndjala fumbi ya ditshelu diku ntu?

Euhwelu kʼElembe 8:16

lakanyulesha mana lʼusui, yaki washenyu kumbeya, dia nyukitshakitsha la dia nyedika, dia ndjunyutshela ololo lu nshi yʼekumelu.

2 Timote 2:19

Keli etshina ka Unyashungu kambushikimala wulu, keko la djimbitelu nye ati: Khumadiondjo mbeyaka wane weli wandi. La diui dikina ati: Untu tshe latetaka lukumbu la Khumadiondjo, angani uma lu akambu wa kolo.

Enyelo 3:19

Dimi latulakaka, latusuyaka wane wukami ngandji. Okone ukalangani, ukadimuli utema.