Jeremiya 24:10 - La Bible en Otetela (Bible K'Ekila) 1991

¹⁰ Dimi layatumela yombo, ndjala ka kasha, la elandu, edja ndu lamʼayuwushila lu kete yaka-mawasha, vo la washewo.

Jeremiya 24:10 Iomraidhean Croise

1 Khumi ya Dikanga 14:15

Latuyalaka ayusutshasutsha Isariyele uku atusutshasutshaka ashi sopo. Ndi ayukhundula Isariyele uma lu kete yʼololo nye yakandasha washewo. Ndi ayutahandjula la wedi wa Eyufarate ne dia vo wakayatshela dikishi dia mbukia Latuyalaka kele.

Isaya 51:19

Akambu ane ahendi wambukunda, ayukulela na? Ohenyohenyo la elanyelu, ndjala ka kasha la yombo. Ayukusamba na?

Jeremiya 14:12

Lamʼakilawo ma, dimi haluka esengosengo awo. Lamʼalambulawo elambu wa lutshumba la wa shima, dimi halelungula. Keli dimi layadiaka la yombo la ndjala ka kasha ndu la elandu.

Jeremiya 15:2

Lamʼayuwukumbula vati: Lendi ayututsho? Kakaluya diui wati: Latuyalaka kata ati: Waku wakasonwama lu nyoi, wayutsho lu nyoi; waku wakasonwama lu yombo, lu yombo; waku wakasonwama lu ndjala ka kasha, lu ndjala ka kasha; la waku wakasonwama lu fumbi, wayutsho lu fumbi.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 19:7

Dimi layulanya sangweyu dia Juda la Jerusalema lu dihuli ne. Dimi layakosha la ntundu kʼatunyi awo ndu lʼanya a waku watuyangaka mbadiaka. Dimi layukimo edu awo le fudu ya lʼu-lungu la nyama ya la kete, dia yo mbele.

Jeremiya 21:9

One layutshikala lʼusumba one, ayuvo la yombo, ndjala ka kasha, kana lʼulandu. Keli one layutumba layutsho le asi Kaladiya wunyudingi, ayutshikala la lumu. Ku lumu landi layuyala engo kandi ka dimbu,

Jeremiya 27:8

Naka wudja omotshi, naka diulelu dimotshi hawetawo dia ndjala lʼokongo wa Nebukadineza, khumʼekanga ka Babilona, ndu hawetawo mbidja kingu yawo lu lokoho landi, dime layusuya wudja ako, la yombo, ndjala ka kasha, la elandu edja ndu lamʼayumashila ushiki, mbata Latuyalaka.

Jeremiya 29:17

Nyuki, dimi layatumela yombo, ndjala ka kasha la elandu. Dimi layuwaete uku fingu yambohonda, yahakuki untu nde, ne dia yo yaya kolo, mbata Latuyalaka Kanga lulimbilimbi.

Jeremiya 29:18

Dimi layuwatshanya la yombo, ndjala ka kasha, la elandu, layakimo uku engo ka wononyi lʼatei a waulelu tshe wa la kete, dia vo ndjala engo ka mananu, engo ka nkashimo, engo ka mpongwela soi la engo ka dionyo lʼatei a wedja tshe wayumuwatshanya,

Jeremiya 32:24

Nyendi ngeli; yo yambutshimama dia nembia usumba. Usumba wayukimwama lu anya wʼasi Kaladiya walosha. Vo wayolembiama la yombo, ndjala ka kasha, ndu la elandu. Aui wakayati wambutshama, weme ukʼena.

Jeremiya 32:25

Latuyalaka li, we Khumadiondjo, we kakamvutela wati: Usumbi ekambo la falanga, eti emenyi. Ku usumba wambukimwama lu anya wʼasi Kaladiya!

Jeremiya 34:17

Okone mbata Latuyalaka ati: Nyu kumbukelami, dia nyu tshe ntshungula untu lʼuntu onangu, la untu lʼuntu unyandi. Nyendi, dimi lutsha nyusha ndjadjasela ka nyu ndjakema la tombo, elandu, la ndjala ka kasha. Dimi layunyete engo ka wononyi le waulelu tshe wa la kete.

Jeremiya 42:17

Antu tshe wayediya dundji diawo utsha lʼEdjibitu dia ntudjase leko, wayutuvo la yombo, ndjala ka kasha, ndu la elandu. Nduku untu ayutshikala kana mpanda elanyelu kayumatumela.

Jeremiya 42:22

Okone nyeyi nyati: Nyayutuvo la yombo, ndjala ka kasha, ndu la elandu lu dihuli dialanganyu ntsho la ntudjase.

Jeremiya 5:12

Vo wakangunela Latuyalaka vati: Ndi hutsha nduku dikambu! Elanyelu huya le su. Shu hatena yombo kuyanga ndjala ka kasha.

Jeremiya 9:15

Diako mbayumulesha wudja one kundju, mbayumanosha ashi wa lolengo, mbata Latuyalaka, Unyashungu wa Isariyele, Kanga lulimbilimbi.

Jeremiya 9:16

Ndu dimi layadianganya lʼatei a wedja waki washewo kumbeya, layutuma yombo lʼokongo awo edja ndu lamʼayumashila ushiki.

Ezekiyele 33:27

Uwateli wati: Khumadiondjo Latuyalaka kata ati: Uku wemi la lumu! Waku wudjashi lu ahuli wakalanyema, wayudiakema la yombo; waku weli lʼusui, wayuyala mbu ya nde ya nyama; ndu wane weli lu ahuli a wulu la lu weuku, wayuvo la elandu.

Ezekiyele 6:11

Khumadiondjo Latuyalaka kata ati: Nyuhumi shole, nyuhumeli lukulu. Nyuti nyati: Yee, lu akambu wa kolo wa wononyi wakatshaka khumbu ka Isariyele, ne dia vo wayudiakema la yombo, ndjala ka kasha la elandu!

Ezekiyele 7:15

Lʼandja yombo, lʼetei elandu la ndjala ka kasha: one leli lʼusui, ayudiakema la yombo; la one leli lʼusumba, ayuvo la ndjala ka kasha la elandu.

Euhwelu kʼElembe 28:21

Latuyalaka ayunyumamanya la asui, edja ndu lamʼayunyushila lu kete yatanyatshu dia ntukita.

Enyelo 6:8

Dimi lakendi, menyi ku falasa kʼekesekese kene. Lukumbu la one lakakiahemi laki Nyoi; Udimu a Pengandu akatuyelaka. Wakawasha wulu wa mbulela etenyi ka nei ka kete, dia vo mbadiaka la yombo, la ndjala ka kasha, la elandu, ndu le nyama ya lʼukunda ya la kete.