Jeremiya 23:9 - La Bible en Otetela (Bible K'Ekila) 1991

⁹ Lu dikambu diʼamvutshi, sulu diami diambate, Weka ami tshe wusaka lukumba. Dimi lambuyala uku untu lambudjo wanu, Uku untu lakandami la wanu, Ne dia Latuyalaka ndu dia aui andi wʼekila.

Jeremiya 23:9 Iomraidhean Croise

Esambu 60:3

We ambenya wudja aye akambu a wulu, Ambutonosha wanu wa wulu wambutudjuya.

Esambu 69:20

Tengo yambukhunyamia utema ami khunya. Dimi latuyangaka wane wa mbuka ketshi, ku nduku untu; Latuyangaka wane wa nsamba, ku nduku untu.

Isaya 28:1

Mananu kayali le dembo dia kusu diʼutaku diʼambidjoki wa la Efarayima. Ndu le dembo diambolengela, diateteka elengalenga kandi ngaingai. Lʼote wʼukidi wʼeteto wa wane watudjoka wanu!

Isaya 29:9

Nyukashimo, nyuhukusani, Nyudihe ashu, nyuyali tutshungu! Nyudjo, keli aha la wanu; Nyusukosuko, keli aha la dinono dia wulu.

Isaya 51:21

Okone ulungi, we omenyi fono, latudjoka aha la wanu.

Isaya 6:5

Okone dimi lakati nti: Ye! nduku engo kekimi; dimi lambusumbo, ne dia kanga elomo wa mindu kemi, latudjaseka lʼatei akanga wʼelomo wa mindu, ne dia ashu ami wambena Khumʼekanga, Latuyalaka Kanga lulimbilimbi.

Jeremiya 20:9

Naka dimi layuta nti: Dimi haludimula lukumbu landi ntu, Dimi haloteketa ntu lu lukumbu landi, Ku ndjalaka lʼutema ami uku dja yadikita, Mbambudihama lu weka ami. Dimi mpimbaka mbikike, keli hakuki.

Jeremiya 36:16

Lamʼakawuki aui aso tshe, vo wakandama la woma, wakatela Baruka vati: Shu tayututela khumʼekanga aui aso tshe.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Jeremiya 8:18

Dimi lambukumbula okei ami nshila. Utema ami ambokomo.

Jeremiya 9:1

Utunduyala ote ami waluli too lʼashi, La ashu ami wayali teko diʼasoi, Tshiki dimi lutulelaka andjakemi wʼona umuntu a wudja ami Ndu la yanyi ndu lʼutshu.

Delu dia Jeremiya 3:15

Ndi akandudia la lunyangu, Akandutsha lʼukayi.

Ezekiyele 13:3

Khumadiondjo Latuyalaka kata ati: Mananu kayali le amvutshi wa dinginya, watuyelaka tukanyi tawo, ndu wahatenyi nduku enelo.

Ezekiyele 9:4

Latuyalaka akawutela ati: Utshu lʼatei wʼusumba, lʼatei a Jerusalema, utudji djimbitelu lu fumu yʼantu tshe wakhuma akhumu ndu walela, ne dia akambu tshe wa wononyi wambutshama lʼatei awo.

Ezekiyele 9:6

Nyutudiaki esumbi wʼapami, elongo wʼapami, esekaseka wʼamantu, ana wʼashashi, ndu amantu. Keli tanyaheki untu leli la djimbitelu lunya. Nyutateli lʼetemwelo kami. Ku vo wakatatela ndjaka esumbi wʼapami waki la ntundu ka luudu.

Danyele 8:27

Ku dimi Danyele lakako balakata, lakayala la kandji nshi motshi. Lʼokongo diku, dimi laketo, lakatshaka elimu wa khumʼekanga. Dimi lakakanana dia enelo kako, keli nduku untu lakakilimbetela.

Habakuka 3:16

Dimi lakuki diui diako, ku dimba diami diakasaki lukumba. Elomo ami wakadidima. Ehondelo kambuyala lu weka ami, Ekulu ami wusaka lukumba. Ne dia dimi mpumbaka nkunga lushi la sui la ki. Eyelu ka wudja wayayi dia ndjutolosha.

Romo 7:9

Dimi laki la lumu ntundu elembe watayi. Keli lamʼakayi elembe, kolo kakulo, ku dimi lakavu.