Jeremiya 23:4 - La Bible en Otetela (Bible K'Ekila) 1991

⁴ Dimi layukitsha alami dia mbalamaka. Vo wayaleshaka; hawuyuka woma kuyanga mundama la sasi. Nduku otoi awo ayushisho, mbata Latuyalaka.

Jeremiya 23:4 Iomraidhean Croise

Isaya 11:11

Lushi lako, Khumadiondjo ayusimbula lunya landi etena ka hendi dia nshimbela atshikadi wa lu wudja andi wakadiangana lu Asuriya, ndu lʼEdjibitu, la Patorose ndu la Etiyopiya, la Elame, la Shinare ndu la Hamata, ndu lu asenga wa lu ashi a waki.

Jeremiya 30:10

Okone tukaki woma we ukambi ami Jakoba, Tateki asulu, we Isariyele, Ne dia dimi layukushimbela uma lu kete yʼetali, La tukanula taye uma lu kete yewo lu lohombo. Jakoba ayukalula, Ayuyala la mumuya ndu la ki, Ku nduku untu layohenyahenya, mbata Latuyalaka.

Jeremiya 31:10

Nyu wedja, nyuki diui dia Latuyalaka, Nyutudisanya lu asenga tshe weli etali, Nyututi nyati: One lakahandjula Isariyele, ayasanganya ntu, Ayalama uku atulamaka ulami ekoko andi,

Jeremiya 33:26

keti dimi layukadja tukanula ta Jakoba, la tʼukambi ami Davidi, diaha dimi mbosa tukanula tandi dia vo ndjala embuledi wa tukanula tʼAbarahama, Isaka, la Jakoba. Dimi layuwakaluya ekundji awo, layauka ketshi, mbata Latuyalaka.

Ezekiyele 36:11

Dimi layunyufudiya antu la nyama; vo wayufulanela, wayutana. Dimi layunyuladia lʼantu uku akinyu ntundu, ndu layunyutshela ololo uleki one wa lʼetatelu; ku nyu nyayeya nyati: Dimi keli Latuyalaka.

Akambu wʼAsi Lewi 26:9

Dimi layunyolemia, layunyete akanga a diwutshi, layunyufudia efula. Ku layushikike la nyu sheki yami.

Mika 4:4

Keli vo wayudjase, untu lʼuntu la tshina diʼokodi andi wa vinyo, Ndu la tshina dia utamba andi wa fingu. Ku nduku untu ayuwautsha woma, Ne dia unyo wa Latuyalaka Kanga lulimbilimbi wakati dikambu diako

Mika 5:2

Keli we Betelehema, Efarata, Leli tshitshe lʼatei a wauhu wa Juda, Uma le ye kayutumba one layuyala Umbuledi lu Isariyelea dikambu diami, Ndi akatongo umaka nshi yʼediedja, umaka mombokombola.

Mika 7:14

Ulesha wudja aye la ukalimba, Limba la dungalunga lʼukito aye, Latudjaseka la mi lʼukunda, Lʼatei wa kete ya dikambo. Vo wali lu Bashana ndu lu Ngiliyade Uku lu nshi yʼedjedja.

Zefaniya 3:13

Atshikadi wa Isariyele hawutsha kolo. Vo hawuta kashi, Kuyanga aui wa lukesu ntanema lʼenyo awo. Vo wayolekaka, wayetamaka, ku nduku lawautsha woma

Walelu 31:49

Wakayuwutela vati: Shu ekambi aye takali efula kʼandoshi wa ta wakatshu la su lu ta, ku nduku otoi akashisho.

Joani 17:12

Lamʼakimi la wo, dimi lakalamaka lu lukumbu laye, lakayambisha. Dimi lakalamaka wane wakayambisha. Nduku otoi awo akashisho, tshikima ona eshishwelu, dia afundelu nshidiyama.

Joani 18:9

dia nshidiya diui diakandati ati: Dimi kunshisha nduku omotshi a wane wakayambisha.

1 Petero 1:5

Nyu ane wambulamema lu wulu a Unyashungu dia mbetawo kanyu, nyayuyala la panda kayenyama le nyu lʼetena kʼekumelu.