Jeremiya 23:2 - La Bible en Otetela (Bible K'Ekila) 1991

² Diako mbatami, dimi Latuyalaka, Unyashungu wa Isariyele, lu dikambu dia alami watuleshaka wudja ami nti: Nyu nyakahandjula ekoko ami, nyakawetshanya etali, nyu kumbelama ololo. Kakiane dimi lutsha nyela elanyelu ne dia etsha anyu wa kolo.

Jeremiya 23:2 Iomraidhean Croise

Etumbelu 32:34

Keli utshu kakiane, olombole wudja one utsha lene akamakutela. Enda, ondjelo ami ayokendakendaka la ntundu kaye. Keli lushi layumasomboya, dimi layasomboya ne dia kolo kawo.

Jeremiya 10:21

Alami wʼekoko wambuyala dipoka, Hawutumbulaka Latuyalaka. Diako mbahawangone, ndu mbambudiangana ekoko awo tshe.

Jeremiya 11:22

Okone Latuyalaka Kanga lulimbilimbi kata lu dikambu diawo ati: Mete, dimi layasuya, elongo wʼapami wayudiakema la yombo, anʼawo wʼapami la anʼawo wʼamantu wayuvo la ndjala.

Jeremiya 13:17

Keli na ka nyu hanyulanga mbuka, Utema ami ayulela lʼusheshe dikambu diʼutaku anyu. Dimi layulela wulu, layokedia asoi, Ne dia ekoko wa Latuyalaka wambotolama lu fumbi.

Jeremiya 13:20

Edia ashu aye, endi waku wayayi uma la ngelʼa kushi. Ekoko aye wʼamena wakayakundja okende awo, lendʼewo na?

Jeremiya 13:21

Ayuyuta na, lamʼayuwukitsha waku wakayetshaka Dia ndjala engenyi aye latiku diaye? Undi okei hawukundi uku atuwundaka umuntu latata lono?

Jeremiya 17:10

Dimi Latuyalaka latendaka tukanyi, latedikaka wongo, Dia nfuta untu lʼuntu uku ditshelu diandi, Uku elua wʼetsha andi.

Jeremiya 21:12

Nyu khumbu ka Davidi, mbata Latuyalaka; nyusambulaki ololo umaka pindju, Nyutshungulaki omenyi fono uma lʼanya wʼusuyanyi, Kele kami atukufato uku dja, la mpeta wuhu waheyi untu nyima, Ne dia etsha anyu wa kolo.

Jeremiya 23:34

Naka umvutshi, olombedi kana usi wudja ayuta ati; Endelu ka Latuyalaka, dimi layusuya pami kako ndi la wa lu luudu landi.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Jeremiya 5:29

Undi, dimi halasuya ne dia akambu aso? Dimi hasombweya utema ami le wudja wa wuhu oso? Mbata Latuyalaka.

Jeremiya 5:9

Undi, dimi haluwalumbuya lu akambu ane? Dimi halosombweya utema ami wuhu one wa wudja? Mbambula Latuyalaka.

Jeremiya 8:12

Vo wakuki sonyi lamʼakawatshi akambu wa wononyi? Kema, vo konombo, kumbuka sonyi nduku yema. Diako mbajuwoko lʼatei a waku watokokaka. Vo wayolemba lamʼayumasuya, mbata Latuyalaka.

Ezekiyele 34:5

Vo wakadiangana ne dia vo tawaki la ulami; vo wakayala dia nde dia nyama tshe ya lʼusui, ndu vo wakadiangana vwa.

Hosea 2:13

Dimi layûsuya, ne dia nshi yandi ya waki, Yakandatshumbela WaBala malashi. Yakandayalengaka tungunga tʼatui la adidi andi, Yakandayelaka eseka andi. Ndu yakandambuhelaka, mbata Latuyalaka.

Mika 7:4

One luleki ololo lʼatei awo, Eko uku tende dia dungu; One luleki nsimbo lʼatei awo, Eko uku lukumbu lʼatende. Lushi lʼalami awo, la sui diawo, lambukuma. Kakiane sonyi kawo kaya suki.

Zekariya 10:3

Kele kami kamboheta uku dja le alami wʼekoko. Dimi layusuya elombodi, Ne dia dimi Latuyalaka Kanga lulimbilimbi Latulamaka limba lami lʼekoko, khumbu ka Juda. Dimi layuwaete uku falasa yami yʼamena ya lu ta.

Zekariya 11:16

Ulungi, dimi layutundja ulami wʼekoko omotshi la kete, lahenda wako wambudiakema, kuyanga nyanga wako wakahandiwama, kana nkonoya ene wambuhumo, kuyanga ndesha ene weli la wulu. Keli ndi ayole emunyi wʼekoko weli la wata; ayatshatsha sanga yawo betshi betshi.

Mateu 25:36

Dimi laki utakataka, nyu nyakandotsha; dimi laki la hemo, nyu nyakayumenda; dimi laki lu lukanu, nyu nyakayi le mi.

Mateu 25:43

Dimi laki ongendangenda, nyu kunungulami; dimi laki utakataka, nyu kondotshami; dimi laki la hemo ndu lu lukanu, nyu kundja dia ndjumendia.

Jakoba 1:27

Otemwelo weli pudipudi, waha la vadi lu ashu a Unyashungu Shesu, weko okone: ntsho dia ntenda ana wa tshiki la wadi waki edu lu asui awo, la dia untu ndjalama diaha ndi ndjala la akambu wa kolo wa la kete.