Jeremiya 23:16 - La Bible en Otetela (Bible K'Ekila) 1991

¹⁶ Latuyalaka Kanga lulimbilimbi kata okone ati: Tanyulungaki aui w amvutshi watunyutelaka akambu wahatayi. Vo watunyulungamiyaka akambu ulungamiyalungamiya. Vo watunyutelaka waenelo wʼuma lʼetema awo, aha wʼuma lʼunyo ami, dimi Latuyalaka.

Jeremiya 23:16 Iomraidhean Croise

1 Khumi ya Dikanga 22:11

Zedekiya, onʼa Kenana, akayatshulela seki ya mbulu, akati ati: Latuyalaka kata ati: La seki nye mbayuyutshutshiya asi Suriya edja ndu we ambalanya.

2 Khumi ya Dikanga 17:15

Vo wakatuni elembe andi, la sheki yakandadji la washewo, lʼaui wakandawatelaka. Vo wakayelaka akambu wʼanyanya, wakayala paka pusu tshu, wakayelaka wedja wakadingi, wakawatela Latuyalaka ati: Tanyuwaukuyaki.

2 Ekondo 18:5

Khumʼekanga kʼIsariyele akasanganya amvutshi yediko ya kama nyei. Ndi akawambula ati: Ololo shu ntsho utsha la Ramata-Ngiliyade lu ta, kana ntshiki dikambu? Vo wakûkaluya diui vati: Tshoka, ne dia Unyashungu ayukikimo lu anya aye, we khumʼekanga.

Tukedi 19:27

Onʼami, ukimo mbuka wetshelu, Naka vo watukanganyaka uma lu aui wa yimba.

Jeremiya 14:14

Latuyalaka akamvutela ati: Amvutshi watutaka kashi lu akambu wahatayi lu lukumbu lami. Dimi kumbatuma, kumbalakanya, kuyanga nteketa la wo. Vo watunyutelaka akambu wahatayi uma lu enelo ka kashi, uma lʼesakelu ka diwulu, uma lʼengo kʼanyanya ndu uma lu lukesu lʼetema two.

Jeremiya 2:5

Latuyalaka kambula ati: Munga kakona kakatani washenyu le mi, kakawamo uma le mi? Kakawayeli diango diʼanyanya, ndu kakawayaete anyanya?

Jeremiya 23:21

Dimi kuntuma amvutshi ane, keli vo wakatshu. Dimi konteketa la wo, keli vo wakataka akambu wahatayi.

Jeremiya 23:26

Edja ndu etena kakona kayukimo amvutshi ane mvuta akambu wahatayi wa kashi, mvuta akambu wahatayi wa lukesu uma lʼetema awo?

Jeremiya 29:23

Dikambu ne diayuyala le wo, ne dia vo wakatshi akambu wutshatsha lu Isariyele, wakunana la wadi a wanyawo, ndu ne dia wakataka aui wa kashi lu lukumbu lami, wakimi kumbatela. Dimi mbeyaka dikambu ne, ndu omenyi adio mbemi, mbata Latuyalaka.

Jeremiya 29:8

Ne dia Latuyalaka Kanga lulimbilimbi, Unyashungu wa Isariyele, kata ati: Tanyetawoki amvutshi anyu weli lʼatei anyu, la etshi anyu wʼawulu nyukesa, kuyanga nunga aui wʼamenyi anyu wʼalo;

Jeremiya 9:12

Untu akona eli kanga yimba lukuki nimbitela dikambu ne? One lakatela Latuyalaka, adisanya. Okoko wana wambulanyema kete, wambuyutshumbama uku usui wa shenga, lene ahatetaka untu?

Jeremiya 9:20

Nyu amantu, nyuki diui dia Latuyalaka, Nyuhuke atui lu aui watandi, Nyetsha anʼanyu wʼamantu kimbu yʼutanda. Nyu tshe untu lʼuntu etsha unyandi djuwa,

Delu dia Jeremiya 2:9

Kuki yawo yakakhundema lu kete. Ndi akokola ndu akalanya tukingiti tawo. Khumʼekanga kawo la ewandji awo waya lʼatei a wedja; Elembe kema ntu; ndu amvutshi awo hawuyena Nduku enelo uma le Latuyalaka.

Ezekiyele 13:16

Vo weli amvutshi wa Isariyele watutaka akambu wahatayi lu dikambu dia Jerusalema, ndu watenaka waenelo wa ki lu dikambu diawo, lamʼeli ki kema, mbata Khumadiondjo Latuyalaka.

Ezekiyele 13:23

Diako mbahanyena waenelo wa kashi ntu, kuyanga nsaka awulu. Dimi layushimbela wudja ami uma lu anya anyu. Ku nyu nyayeya nyati: Dimi keli Latuyalaka.

Ezekiyele 13:3

Khumadiondjo Latuyalaka kata ati: Mananu kayali le amvutshi wa dinginya, watuyelaka tukanyi tawo, ndu wahatenyi nduku enelo.

Ezekiyele 13:6

Nyu nyakenyi waenelo wa lukesu, nyakasaki awulu wa kashi nyata nyati: Latuyalaka kakati, keli Latuyalaka kunyutuma. Nyu nyakasha antu elungamelu kʼaui anyu nshidiyama.

Ezekiyele 22:28

Amvutshi awo watumbaka eheli kʼusumba la kete ya wodu. Vo watenaka alo wa kashi, watusakaka awulu wʼanyanya, wata vati: Khumadiondjo Latuyalaka kakati, lamʼakimi, dimi Latuyalaka, kumbatela.

Mika 2:11

Utunduyala untu omotshi ayeteta, Ayutataka aui wa lukesu lu aihuli la dihuli, Ati: Oimi layunyusambisha dia wanu la dinono dia wulu, Tshiki ndi kutuyala usumbisha wa wudja one!

Mateu 7:15

Nyewo amvutshi wa kashi watuyakaka le nyu, wolotshi dikuhu dia ekoko, keli lʼetema awo weli ndjaundu ya ngala.

Romo 1:21

ne dia vo wakeyi Unyashungu, keli vo kumbutumbula uku Unyashungu, kumbuka lusaka. Vo wakanganela lu tukanyi tawo. Etema awo wa dinginya wakayala tshududu.

1 Joani 4:1

Elangimi ami, tanyetawoki nyuma tshe, keli nyuhimbi nyuma, kana yo yeko ya Unyashungu; ne dia amvutshi