Jeremiya 22:9 - La Bible en Otetela (Bible K'Ekila) 1991

⁹ Ku wayakaluya diui vati: Ne dia vo wakaseke sheki ya Latuyalaka, Unyashungu awo, wakatemola ditemolatemola, wakadikhusamela.

Jeremiya 22:9 Iomraidhean Croise

1 Khumi ya Dikanga 9:8

Luudu lone layuyala elanyelu ka wuki. Untu tshe layeta laawo ayukashimo, ayusemala ati: Dikambu kuna diakatshela Latuyalaka kete nye la luudu lone okone?

2 Khumi ya Dikanga 22:17

Vo wakanseke, wakatshumbela ditemolatemola malashi dia mbukiami kele uma lʼelimu tshe wakawatshi lʼanya. Diako mbambufula kolo kami wulu lu dihuli ne; to hushila.

2 Ekondo 34:25

Vo wakanseke, wakatshumbela ditemolatemola malashi dia mbukiami kele uma lʼulimu tshe wakawatshi lʼanya. Diako mbambufula kele kami wulu lu dihuli ne; to hushila.

Jeremiya 11:10

Vo wakakadimo utsha lu kolo ya washewo wa ntundu, wakatunaka aui ami. Vo wambuyela ditemolatemola dia ditemola. Khumbu ka Isariyele ndu ka Juda wakalanya sheki yami, yakamadji la washewo.

Jeremiya 11:3

Uwateli wati: Latuyalaka, Unyashungu wa Isariyele, kata ati: Mananu kayali le untu lahalungi aui wa sheki nye!

Jeremiya 16:11

Ku we ayakaluya diui wati: Latuyalaka kata ati: Ne dia washenyu wakanseke, wakayelaka ditemolatemola, wakaditemolaka, la waka-dikhuselaka adui. Vo wakanseke, kunkitanyia elembe ami.

Jeremiya 50:7

Waku tshe wakahumana la wo, wakamani. Atunyi awo wakataka vati: Shu kema la unungu, ne dia vo wakatshela Latuyalaka, edjaselu ka sambu kʼololo, kolo, Latuyalaka, elungamelu ka washewo.

Jeremiya 9:13

Latuyalaka kata ati: Vo wakaseke elembe ami, wakamakitsha la ntundu kawo. Vo kumbetawo aui ami kuyanga nkendakenda loko.

Ezekiyele 12:16

Keli dimi layuhandja atoi awo uma lu yombo, uma lu ndjala ka kasha, la uma lu elandu, dia vo ntusanya dia akambu awo tshe wa wononyi. Ku vo wayeya vati: Dimi keli Latuyalaka.

Ezekiyele 14:23

Vo wayunyusamba lamʼayunyena lokewo lawo la etsha awo. Nyu nyayulimbitela nyati: Dimi kuntsha akambu tshe wakamatshi la Jerusalema utshatsha, mbata Khumadiondjo Latuyalaka.

Ezekiyele 39:23

Wedja wayeya vati: Khumbu ka Isariyele wakatolama lu fumbi ne dia uhedia awo. Vo wakantombokwela, mbakamashe elundji kami uma le wo, ndu mbakamakimo lu anya wʼatunyi awo, dia vo tshe ndjakema la tombo.

Ezekiyele 5:15

Lamʼa-yumunyulumbuya lu kele kami, ududu ami, la luhangu lami la wulu, nyu nyayuyala engo ka wononyi, engo ka mpongwela soi, engo ka mbewula antu, ndu engo ka nkashimo le wedja tshe weli lʼutshimba anyu. Dimi Latuyalaka kateketa.

Euhwelu kʼElembe 29:24

Ee, wedja tshe wayumbwana vati: Okoko wana wambutshela Latuyalaka kete nye okone? Na kitshimudi ka luhaladi la kele kene ka mamba?