Jeremiya 22:6 - La Bible en Otetela (Bible K'Ekila) 1991

⁶ Latuyalaka kata okone lu dikambu dia khumbu ka khumʼekanga ka Juda ati: We eli uku Ngiliyade le mi, uku ote wa Lebanona. Keli mete, dimi layukete shenga, usumba waha la antu.

Jeremiya 22:6 Iomraidhean Croise

Etatelu 37:25

Lʼokongo diku wakayudjase lu nde ma. Wakedia ashu, wenyi ku ului wʼasi Ishamele one wayayi uma la Ngiliyade. Kamelo yawo yakayembaka diango diʼupumu, uku biso diʼushinga a wulu la mura, wateti la dio utsha lʼEdjibitu.

Esambu 107:34

Ndu kete yʼeteto, shenga ya leho, Ne dia kolo ya waku watudjaseka loko.

Limbu la Solomona 4:1

Ndi dimena dieye, we wademi la ngandji, we eko dimena! Ashu aye weli uku fudu ya binga Lʼedia dihondo diukumbiye. Divu diaye dieko uku limba la mbudi, Mbayahulo uma lʼukungu wa Ngiliyade.

Limbu la Solomona 5:15

Ekulu andi weko uku dikoho diʼave wa wema, Diakawakitsha lu dikitshelu dia paunyi ka pudipudi. Diema diandi dieko uku Lebanona, Diʼusimbwi uku usasi.

Isaya 27:10

Usumba waki la lukumbu la wulu wambutshikala hwe, Uku edjaselu kambutunama la kambosekama, Uku usui wa shenga. Yana ya ngombe yayolekaka adiyu la akatshi, yayetamaka leko.

Isaya 37:24

Lu dikambu diʼekambi aye, mbakayatenge Khumadiondjo. We atuyasemaka wati: Uma lʼefula ka pusupusu yami, Mbamumumbela ladiku diʼekungu ene pulu ndu la Lebanona. Layokota esasi wuleki etali, la weoto wuleki amena wa loko. Dimi layukuma kʼatei a ngamba, lu dihuli diuleki eteto.

Isaya 6:11

Ku dimi lakambula nti: Khumemi, edja ndu kaandi? Ku ndi akakaluya diui ati: Edja ndu esumba wambulanyema, wambuyala aha la antu; Edja ndu mvudu yambuyala aha la untu; Edja ndu kete yambuyala shenga tshu;

Jeremiya 21:11

Kututeli luudu la khumʼekanga ka Juda wati: Nyuki diui dia Latuyalaka.

Jeremiya 21:14

Dimi layunyusuya uku eli elua wa etsha anyu. Dimi layudja dja lʼukunda anyu, Ku yo yayutshumba diango tshe dieli lʼutshimba, Mbata Latuyalaka.

Jeremiya 22:24

Latuyalaka katshiba ati: Uku wemi la lumu! utunduyala we Koniya, onʼa Jehoyakima, khumʼekanga ka Juda, uyali lohete lʼematelu lu lunya lami la pami, dimi lutukunya uma loko.

Jeremiya 26:18

Mika, usi Moreshete, akataka akambu wahatayi lu nshi ya Hezekiya, khumʼekanga ka Juda. Ndi akatela wudja wa Juda tshe ati: Latuyalaka Kanga lulimbilimbi kata ati: Siona ayufusama uku lafusa ekambo. Jerusalema ayuyala tuta diʼave La ukungu wa luudu la Latuyalaka ayuyala uku ukunda wa lʼukungu

Jeremiya 4:20

Wambuta dia elanyelu ladiku diʼelanyelu, Ne dia wudja tshe wambulanyema. Mvudu yami yʼapema yambulanyema shashimuya, Apema ayo wambate lʼetena otoi.

Jeremiya 4:7

Tambwe kambukhunguso uma lu hyuka yato. Unanyishi a wedja aya lu ndjakendakenda, Ambuya uma lu edjaselu kato, dia nanya kete yanyu. Esumba anyu wayulanyema, wayuyala atongo atu.

Jeremiya 50:12

Nyengenyu ayutshama sonyi. One lakanyuti ayate asulu. Nyuki, ndi ayuyala wela wa wedja tshe, Oso eli usui wa shenga, kete yambuma, ndu yʼufumbu.

Jeremiya 7:34

Ku dimi layukumiya ongenongeno, ongenongeno a wuki, kimbu yʼutshuki la kimbu yʼutshukami lu esumba wa Juda ndu lʼesese wa la Jerusalema, ne dia kete yayuyala elanyelu ketu.

Jeremiya 8:22

Undi, diombo kema la Ngiliyade, wetshi kema leko uka? Ku ya ukundi aki konkono ona umuntu a wudja ami?

Jeremiya 9:11

Dimi layete Jerusalema tuta diʼelanyelu, edjaselu ka wambulu. Dimi layete esumba wa Juda atongo atu, waha lʼantu.

Mika 3:12

Okone, lu dikambu dianyi mbayukambema Siona uku ekambo, Mbayuyala Jerusalema tuta diʼelanyelu. Ukungu wa luudu wayuyala ukunda utu ladiku.

Zekariya 11:1

Lebanona, udihuli asuku aye Dia dja ntshumba esasi aye.

Walelu 32:1

Asika Rubena la asika Ngada waki la dungalunga efula. Vo wakendi kete ya lazera la kete ya Ngiliyade, ku wakenyi vati: Dihuli diako, diaki dihuli dia dungalunga.

Euhwelu kʼElembe 3:25

Lambukosengasenga nti: Etawo dimi ntelio dia ntena kete yʼololo sho ya la wedi wa Jorodana, leke loso lʼakuna wʼamena, ndu Libanona.