Jeremiya 22:3 - La Bible en Otetela (Bible K'Ekila) 1991

³ Latuyalaka kata ati: Nyusambulaki akambu ololo ndu usimbwi. Nyushimbelaki omenyi fono uma lʼanya wʼusuyanyi. Tanyutshelaki ongendangenda, ona etshiki, la wadi aki udu kolo kana akambu wa ngala. Tanyutshululaki dikila diʼuntu laha la unungu lu dihuli ne.

Jeremiya 22:3 Iomraidhean Croise

2 Samuele 23:3

Unyashungu wa Isariyele akateketa, Ee, Dive dia Wuki dia Isariyele akamvutela ati: One latulelaka antu la sambu kʼololo, Latulelaka la woma wa Unyashungu,

2 Khumi ya Dikanga 24:4

ndu ne dia dikila diaha la unungu diakandadianganya, diakandaludia Jerusalema la dio. Okone Latuyalaka kumbetawo nyimanyia dikambu so.

Jobo 22:9

We akakendja wadi waki edu anya atu; Anya wʼana wa ditshiki wakawele.

Jobo 24:9

Antu amotshi weko, watohotolaka ana wa ditshiki awele, Watosaka ekole uma le akanga a weula.

Esambu 68:5

Unyashungu ludjashi lu edjaselu kʼekila, Ndi keli shi ana wa ditshiki, La umbadi a wadi waki edu.

Esambu 82:4

Nyamelaki asi wula la amenyi fono, Nyatshunguli uma lʼanya wʼantu wa kolo.

Esambu 94:21

Vo watusanganaka dia ntshela lumu la untu ololo kolo, Ndu dia ndjaka untu laha la unungu.

Esambu 94:6

Vo watuhimbulaka wadi waki edu la angendangenda ete, Watudiakaka ana wa ditshiki.

Etumbelu 22:21

Tutshelaki ongendangenda kolo kuyanga mbusuya, ne dia ndu nyu mbaki angendangenda lu kete ya Edjibitu.

Etumbelu 22:22

Tusuyaki wadi aki udu, kuyanga ona etshiki.

Tukedi 23:10

Tosekolaki ulelu wʼedjedja. Totoki lu dikambo dia ana wa tshiki,

Tukedi 6:17

Ashu wa lahi, lulimi la kashi, Anya watutundjaka dikila diaha la unungu,

Isaya 1:23

Ewandji aye wambuyala akanga wʼehedia, Ndu ambekesanedi wa evi. Vo tshe watulangaka mbu yʼutshu, Watuyangaka diango dia sanbu. Vo hawutusambulaka dikambu dia onʼetshiki ololo, Ndu dia wadi aki udu luyi le wo.

Isaya 58:6

Aha wuhu one wa kilu katumulangaka: Nkelekula molola wa kolo, Nkelekula okodi wa lohombo, Ntshungula asuyami, La mpimbula weuhu tshe wa koho?

Isaya 58:7

Aha dia mbisha one leli la ndjala ma, Ndu dia mbotshiya one laha la dihuli dia mbidjase lu luudu laye? Aha dia lamʼenaye untu utakataka, ku we mbolotsha dihondo, Ndu diaha mboka unyaye untu okongo?

Jeremiya 19:4

Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu.

Jeremiya 21:12

Nyu khumbu ka Davidi, mbata Latuyalaka; nyusambulaki ololo umaka pindju, Nyutshungulaki omenyi fono uma lʼanya wʼusuyanyi, Kele kami atukufato uku dja, la mpeta wuhu waheyi untu nyima, Ne dia etsha anyu wa kolo.

Jeremiya 22:17

Keli ashu aye la utema aye ntshokaka paka lu saki ka diango, Dia ntshulula dikila diaha la unungu, La dia ntsha akambu a wengiya la wa ndjawudi.

Jeremiya 26:16

Ku ewandji la wudja tshe wakatela elombedi la amvutshi vati: Untu one hakuki ndjakema, ne dia ndi akatutedi aui lu lukumbu la Latuyalaka, Unyashungu asu.

Jeremiya 5:28

Vo watununaka, watuyalaka la alimba wa lonyengo. Vo watutshaka kolo ndeka yediko. Vo hawutoteketelaka ana wa ditshiki dia vo mpumo lukulu lʼolo. Vo hawutusambwelaka ehumbi la sambu kʼololo.

Jeremiya 7:23

Keli dikambu ne mbakamawadjangela nti: Nyulungaki aui ami, ku dimi layuyala Unyashungu anyu, la nyu nyayuyaia wudja ami. Nyokendakendaki lu mbuka tshe yamumunyenya, ku nyu nyayuhumo lukulu lʼolo.

Jeremiya 9:24

Keli one lalanga ndjasema, ayaseme dia ndjala la ewu la dia nimbitelami, dia mbeya ati: Dimi keli Latuyalaka. Dimi leli Latuyalaka, latutshaka akambu wa mamba, sambu kʼololo la akambu wʼusi-mbwi lu kete, ne dia lu akambu ako mbatumongenangenaka, mbata Latuyalaka.

Delu dia Jeremiya 3:36

Khumadiondjo hetawo antu nanya untu Ulanyalanya lu elumbwelu kandi.

Ezekiyele 18:12

atusuyaka amenyi fono la ehumbi, atahotolaka diango lohotola, hatukaluyaka kene kakandose okole, atedi-yaka ashu andi utsha le dikishi, atutshaka akambu wa wononyi,

Ezekiyele 18:7

naka ndi kuntshela untu ukina kolo, naka ndi akasombola engo kakandasombe, naka ndi kompotola engo lohotola, naka ndi akasha akanga a ndjala mbu ya nde, akalotsha wane waki etakataka ahondo;

Ezekiyele 22:7

watonyolaka washewo la anyengewo, watusuyaka angendangenda, watutshelaka ana wa ditshiki la wadi waki edu kolo lʼatei anyu.

Ezekiyele 45:9

Khumadiondjo Latuyalaka kata ati: Ambukuka! nyu ewandji wa Isariyele, nyunya akambu wa ngala la etshelu ka mpotola diango: nyutshaki akambu wʼusimbwi ndu wʼololo. Nyukimo etshelu ka nkambia antu ulimu la khudu, mbata Khumadiondjo Latuyalaka.

Joele 3:19

Edjibitu ayulanyema, Edome ayuyala usui wa shenga wʼelanyelu, Ne dia akambu wa ngala wakawatshela asi Juda; Ne dia wakatshulula dikila diaha la unungu lu kete yawo.

Akambu wʼAsi Lewi 19:15

Tusambulaki usambulasambula lʼelumbwelu: tekamaki usi wula kana nemia untu a wuki. Keli kusambuiaki anyaye la sambu kʼololo.

Amose 5:15

Nyuhetsha kolo, nyulangi ololo, Nyushikike sambu kʼololo la suku, Undu Latuyalaka, Unyashungu Kanga lulimbilimbi, Mbeyaka mbuka atshikadi wa Josefu ketshi.

Amose 5:24

Keli sambu kʼololo kakele uku ashi, La akambu wʼusimbwi uku eteko kahumi.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Mika 6:8

We untu, ndi akakenya kene keli ololo, Kakona katuyanga Latuyalaka uma le ye? Paka dia ntsha akambu wʼololo, dia nanga ketshi, Ndu dia nkendakendaka la ndjakitshakitsha kame la Unyashungu aye?

Malaki 3:5

Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

Mateu 23:23

Fono kayayi le nyu, afundji la Afarise, akanga a lukesu! ne dia nyu nyatukimoka tenyi dia dikumi dia nyumba, ndu luhuhu, ndu samimbala, ku nyatukaltka akambu wuleki waki lu elembe, uku dialelu dʼololo, ketshi, la mbetawo. Aki ololo dia nyu ntsha akambu aso, keli aha nkale akambu akina.

Euhwelu kʼElembe 10:18

Ndi atusambwelaka ona etshiki la wadi aki udu ololo. Ndi atukaka ongendangenda ngandji, atuwushaka mbu ya nde la eloto.

Euhwelu kʼElembe 24:17

Tanyudimaki ongendangenda kana onʼetshiki sambu kʼololo, tanyosaki dihondo dia wadi aki udu okole.

Euhwelu kʼElembe 24:7

Naka wayena untu lakavi onangu, usi Isariyele, la ndi ambulunga fumbi kana ambusundja, uvi ako ayudiakema. Osoku mbayunyunya kolo uma lʼatei anyu.

Euhwelu kʼElembe 25:1

Naka antu wambama, wambutsho lʼelumbwelu, embadi kawalumbuya, kawuyindja untu laha la munga, kawusha one leli la munga unungu.

Euhwelu kʼElembe 27:19

Mananu kayali le one ladima ongendangenda, onʼetshiki, la wadi aki udu sambu kʼololo! Ku wudja tshe wayukitshiya vati: Ayali osoku!

Jakoba 1:27

Otemwelo weli pudipudi, waha la vadi lu ashu a Unyashungu Shesu, weko okone: ntsho dia ntenda ana wa tshiki la wadi waki edu lu asui awo, la dia untu ndjalama diaha ndi ndjala la akambu wa kolo wa la kete.