Jeremiya 22:26 - La Bible en Otetela (Bible K'Ekila) 1991

²⁶ Dimi layukutshanya, we la nyo lakakuti, utsha lu kete kina, lene akinyu kumbuto. Nyu nyayutuvo leko.

Jeremiya 22:26 Iomraidhean Croise

2 Khumi ya Dikanga 24:15

Ndi akasekola Jehoyakina utsha la Babilona. Ndi akatole ndu nyangu khumʼekanga, wadi wa khumʼekanga, elohe andi, la dihangamendi dia wudja, fumbi uma la Jerusalema utsha la Babilona.

2 Khumi ya Dikanga 24:8

Jehoyakina aki la deku dikumi la enanei lamʼakandayala khumʼekanga. Ndi akulela ngondo shatu la Jerusalema. Lukumbu la nyangu laki Nehushita, onʼa Elenatana, usi Jerusalema.

2 Khumi ya Dikanga 25:27

Lʼeleku kʼakumi asatu lʼesambeli ka lohombo la Jehoyakina, eleku ka ntundu ka diulelu dia Evile-Merodaka, khumʼekanga ka Babilona, lu lushi lʼakumi ahendi lʼesambeli lu ngondo ka dikumi lʼahendi, kakutundja Evile-Merodaka, khumʼekanga ka Babilona, uma lu lukanu.

2 Khumi ya Dikanga 25:29

Ndi akukulula ahondo andi wa lukanu, akolotsha ahondo akina. Ku Jehoyakina akalekaka ma laka khumʼekanga, nshi tshe ya lumu landi.

2 Khumi ya Dikanga 25:30

Khumʼekanga akawushaka ehumba andi la lushi la lushi, nshi ya lumu landi.

Isaya 22:17

Enda, we kanga wulu, Latuyalaka ayukulimbula la wulu. Ndi ayukukimela wulu,

Jeremiya 10:18

Latuyalaka kata ati: Enda, dimi luyanga mbikadja asi kete nye lu etena kene. Dimi yahenyahenva dia vo mbuka wutshu wa dikambu ne.

Jeremiya 13:18

Uteli khumʼekanga la nyangu lakawuti wati: Nyudjase lu kete, Ne dia dembo diaye dia kusu dia dimena diamboko uma lʼote ave.

Jeremiya 16:13

Diako mbayumunyutshanya uma lu kete nye, utsha lu kete yahanyeyi ndu yaki washenyu kumbeya. Nyu nyayutotemolaka ditemolatemola leko ndu la yanyi ndu lʼutshu, ne dia dimi halunyenya olo.

Jeremiya 22:27

Lu kete yakumbulanyu nkalula, nyu hanyukalula leko ntu.

Jeremiya 28:4

Dimi layukaluya ndu Jekoniya, onʼa Jehoyakima, khumʼekanga ka Juda, kame la asi Juda wakatolama lu fumbi, ne dia dimi lutsha mbokola lokoho la khumʼekanga ka Babilona, mbata Latuyalaka.

Jeremiya 29:2

Laso ku khumʼekanga Jekoniya, nyangu, elenga, ewandji wa Juda la wa Jerusalema, etshudi wʼabaya la etshudi wa mbulu, wambumoka uma la Jerusalema.

Jeremiya 44:14

Lʼatei wʼatshikadi wa Juda wakatshu utsha lu kete ya Edjibitu dia ntukutudjase leko, nduku otoi ayuhanda kana ntshikala dia nkalula lu kete ya Juda lene alangawo ntudjase, tshikima amotshi mbulawi.