Jeremiya 22:21 - La Bible en Otetela (Bible K'Ekila) 1991

²¹ Dimi lakateketaka la ye lamʼakiye lʼongonyi, Keli we akataka wati: Dimi halungi. Osoku mbakayatshaka umaka nshi yaye ya dikenda. We kunkitanyiaka diui diami.

Jeremiya 22:21 Iomraidhean Croise

2 Ekondo 33:10

Latuyalaka akateketa la Manase la wudja andi, keli vo kumbukela.

Esambu 129:1

Kakiane Isariyele ati ati: Vo wakansuyaka tena efula umaka nshi yami ya dikenda.

Tukedi 30:9

Dimi ntukuluta, ku ndjukanguna, La mumbula nti: Akona eli Latuyalaka? Kana dimi ntukuyala usi wula, ku dimi ndjuva, La nyimula lukumbu la Unyashungu ami udimuladimula.

Isaya 48:8

We kumbauka, kumbaeya nduku yema, Ee, uma lu nshi yʼedjedja atui aye waki khu, Ne dia dimi lakeyi nti: We kuludi too la lukesu, Ndu we aketama uma lʼutema wa nyo ati: Kanga uhedia.

Jeremiya 13:10

Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

Jeremiya 19:15

Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.

Jeremiya 2:25

Tanyutshikaki ekulu anyu hwe, tanyumiaki weudi anyu tu! Keli nyu mvutaka nyati: Kema, aui aso anyanya, Ne dia shu tatulangaka ditemolatemola dia wedja, tayudiyelaka.

Jeremiya 2:31

Nyu wa lolonga lone, nyuki diui dia Latuyalaka ati: Undi, usui wa shenga mbakimi le Isariyele, Kana wudja wa udjima wa tshududu? Mbata wudja ami vati: Shu tambutshungo, shu hatuyukalula le ye?

Jeremiya 25:3

Lʼatei wa deku akumi ahendi la satu ne, umaka eleku ka dikumi lʼasatu ka diulelu dia Josiya, onʼa Amona, khumʼekanga ka Juda, edja ndu kakiane, diui dia Latuyalaka diatuyakaka le mi. Dimi latunyutelakadio umaka pindju, keli nyu kumbuka.

Jeremiya 25:4

Keli nyu kumbuka kana mpuke atui dia nunga aui wa Latuyalaka, kuyanga ndi akanyutumelaka amvutshi andi umaka pindju wata vati:

Jeremiya 25:7

Keli nyu kumbukelami, dia nyu mbukiami yenyi la ditemolatemola diakanyatshi lʼanya dia nyutungela elanyelu, mbata Latuyalaka.

Jeremiya 25:8

Diako mbata Latuyalaka Kanga lulimbilimbi ati: Ne dia nyu kununga aui ami,

Jeremiya 3:24

Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu.

Jeremiya 3:25

Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Jeremiya 32:30

Asi Isariyele la asi Juda wakatshaka paka akambu waki kolo lu ashu ami umaka nshi yawo yʼakenda. Asi Isariyele watutshaka dikishi lu anya awo paka dia mbutshami dikeli, mbata Latuyalaka.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 48:11

Moaba akenaka olo umaka nshi yandi ya dikenda, Atatolama etali lu fumbi. Ndi akadjase uku wanu ladiku diʼekongo kawo. Ndi konengwama uma lʼuhundi omotshi utsha lʼuhundi ukina. Mpe kandi keko pupu, sulu kandi atakadimo.

Jeremiya 6:16

Latuyalaka kata okone ati: Nyemali lu mbuka, nyendi, Nyumbuli mbuka yʼedjedja lenʼeli mbuka kʼololo. Nyokendekende loko, ku nyu nyayutana ki lu etema anyu. Keli vo wakakaluya diui vati: Shu hatokendakenda loko.

Ezekiyele 20:13

Keli khumbu ka Isariyele wakantombokwela lʼusui wa shenga. Vo kundjela elembe ami, wakatuni adjangu ami wahumba untu nama, dia ndi numba loko. Vo wakaleki nanya nshi yami ya mumuya. Ku dimi lakasanguya lʼutema nti: Dimi layatshulwela kele kami lʼusui wa shenga dia mbashila ushiki.

Ezekiyele 20:21

Keli anʼawo wakantombokwela, kundjela elembe ami, kuyanga nama adjangu ami dia mbatsha, wahumba untu lʼuntu ndjela dia ndi numba loko. Vo wakalanya nshi yami ya mumuya. Ku dimi lakasanguya nti: Layuwatshulwela kele kami dia nshidiya udukuduku ami lʼusui wa shenga.

Ezekiyele 20:28

Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

Ezekiyele 20:8

Keli vo wakantombokwela; vo kumbukelami. Vo tshe untu lʼuntu kuminya diango dia wononyi uma la ntundu kandi. Vo konseka dikishi dia Edjibitu. Ku dimi lakasanguya nti: Dimi layatshulwela kele kami, dia nshidiya kele kami lʼatei a kete ya Edjibitu.

Zefaniya 3:2

Vo kunkitanyia diui, kumbetawo wetshelu, Kombekama le Latuyalaka, kunsukana le Unyashungu awo.

Zekariya 7:7

Nyu kumbuka aui wa Latuyalaka aso, wakataka amvutshi wa ntundu, lamʼaki Jerusalema la antu ndu la ongonyi kame la esumba ayo wa lʼutshimba, kete ya la diku dia kushi ndu kete ya lʼukidi la antu uka?

Euhwelu kʼElembe 31:27

Dimi mbeyaka nti: Nyu nyeko akanga wʼuhendudi la ete wulu. Enda, naka nyu nyeko la uhendudi le Latuyalaka lamʼekemi la lumu lʼatei anyu elo, keti huki lambuvo!

Euhwelu kʼElembe 9:24

Nyu nyatuhendwelaka Latuyalaka umaka lushi lakamanyeyi.

Euhwelu kʼElembe 9:7

Nyuho, tanyuhelaki uku akanyukia Latuyalaka, Unyashungu anyu, kele lʼusui wa shenga. Nyu nyakayahendwelaka Latuyalaka umaka lushi lakanyatumbi lu kete ya Edjibitu, edja ndu lamʼambunyukuma lu dihuli ne.