Jeremiya 22:16 - La Bible en Otetela (Bible K'Ekila) 1991

¹⁶ Ndi akasambulaka dikambu diʼusi wula ndu diʼuhumbi ololo. Ndi akenaka olo. Oso taki dikambu dia mbeyami uka? mbambula Latuyalaka.

Jeremiya 22:16 Iomraidhean Croise

1 Ekondo 28:9

We onʼami Solomona ulimbiteli Unyashungu a sho, ukambeli ulimu lʼutema otoi la lumu tshe, ne dia Latuyalaka atukembaka etema tshe, atulimbitelaka dikanyiakanyia dia tukanyi. Naka we ayuyanga, ndi ayuyakimo dia we mbutana. Keli naka we ayoseka, ndi ayukukadja pundju.

Esambu 109:31

Ndi atemalaka lu lunya la pami lʼusi wula, Dia mbushimbela uma le waku watuwudjaka mananu.

Esambu 36:10

Utetemalaki mbuka wane watukeyaka ngandji ka shikaa, Ndu panda kaye le wane well la etema wʼusimbwi!

Esambu 9:10

Wane wateyaka lukumbu laye, watukekamaka, Ne dia we Latuyalaka haseke wane watukuyangaka.

Tukedi 31:9

Ufululi unyo, usambulaki ololo, Ndu usambwelaki asi wula la amenyi fono, aha la shonodi.

Isaya 1:17

Nyeki dia ntsha ololo; Nyuyangi akambu wʼuluwanyi, nyukimanyia usuyami. Nyusambweli ona etshiki ololo, Nyoteketele wadi aki udu.

Jeremiya 5:28

Vo watununaka, watuyalaka la alimba wa lonyengo. Vo watutshaka kolo ndeka yediko. Vo hawutoteketelaka ana wa ditshiki dia vo mpumo lukulu lʼolo. Vo hawutusambwelaka ehumbi la sambu kʼololo.

Jeremiya 9:16

Ndu dimi layadianganya lʼatei a wedja waki washewo kumbeya, layutuma yombo lʼokongo awo edja ndu lamʼayumashila ushiki.

Jeremiya 9:24

Keli one lalanga ndjasema, ayaseme dia ndjala la ewu la dia nimbitelami, dia mbeya ati: Dimi keli Latuyalaka. Dimi leli Latuyalaka, latutshaka akambu wa mamba, sambu kʼololo la akambu wʼusi-mbwi lu kete, ne dia lu akambu ako mbatumongenangenaka, mbata Latuyalaka.

Jeremiya 9:3

Vo watukutulaka nimi yawo uku eta dia mbuka kashi; Aha uma lu mete kambuwuyala la wulu lu kete. Vo watutshokaka uma lu kolo utsha lu kolo, Hawumbeyi, mbata Latuyalaka.

Mika 6:8

We untu, ndi akakenya kene keli ololo, Kakona katuyanga Latuyalaka uma le ye? Paka dia ntsha akambu wʼololo, dia nanga ketshi, Ndu dia nkendakendaka la ndjakitshakitsha kame la Unyashungu aye?

Joani 16:3

Vo wayutsha akambu aso, ne dia vo haweyi Papa, hawumbeyi.

Joani 17:3

Lumu la pundju lone, eli nkeya, weme Unyashungu wa mete, la Jesu Kristu, lakayatumi.

Joani 17:6

Dimi lakenya lutumbu laye le antu wakayambisha uma le wa la kete. Waye mbakiwo, we kakambishawo. Vo wakakitanyia diui diaye.

Joani 8:19

Vo wakawumbula vati: Lendʼeli sho na? Jesu akâkaluya diui ati: Nyu hanyumbeyi, hanyenyi Papa. Utunyumbeya, tshiki nyu mbeyaka ndu Papa.

Tito 1:16

Vo watutaka vati: Shu mbeyaka Unyashungu, keli vo watuwangunaka lu etsha awo. Vo watuyalaka wononyi, ndu akanga wʼuhedia, hawututshaka nduku dikambu diʼololo.

1 Samuele 2:2

Nduku leli ekila uku we Latuyalaka; Nduku Unyashungu ukina, paka we, Nduku dive dieli uku we Unyashungu asu.