Jeremiya 22:13 - La Bible en Otetela (Bible K'Ekila) 1991

¹³ Mananu kayali le one lahika luudu landi lu akambu wa kolo, La mvudu yandi ya mbetama aha la sambu kʼololo. Mananu kayali le one latukambiaka unyandi ulimu ukambiakambia, aha la difutu;

Jeremiya 22:13 Iomraidhean Croise

2 Ekondo 36:4

Khumʼekanga kʼEdjibitu akadji Eliyakima, onangu Jehoahaza, khumʼekanga ka Juda la Jerusalema. Ndi akakadimula lukumbu landi dia lo ndjala Jehoyakima. Keli Neko akose Jehoahaza, onangu, akotole lʼEdjibitu.

2 Ekondo 36:5

Jehoyakima aki la deku akumi ahendi la tanu lamʼakandayala khumʼekanga. Ndi akulela deku dikumi la otoi la Jerusalema. Ndi akatshaka kene kaki kolo lu ashu wa Latuyalaka, Unyashungu andi.

Jobo 31:39

Naka dimi lakali elua ayo olele, aha ndjifuta, Naka lakadiaki akanga ayo;

Isaya 5:8

Mananu kayali le waku waturaamanyaka Luudu lomotshi la lukina, Ndu ekambo kemotshi la kekina, Edja ndu dihuli hadiutanema ntu. Ku vo vame wayudjase lʼatei a wudja.

Jeremiya 17:11

Uku engwe kudami lu ekeli wakito kumumba, Osoku mbeli untu latukundjaka Ekundji uma lu mbuka ka kolo. Ndi ayetshika lʼatei a nshi yandi, Ku lʼekumelu, ndi ayuyala paka enginya.

Jeremiya 22:18

Diako mbata Latuyalaka dikambu dia Jehoyakima, onʼa Josiya, khumʼekanga ka Juda ati: Tawulelaki vati: Yee, onengesu! yee, kadiyesu! Tawulelaki vati: Yee, khumesu! yee, Khumadiondjo!

Akambu wʼAsi Lewi 19:13

Tengiyaki unyaye, kuyanga mbohotola engo kandi. Tukimelaki difutu diʼukambi aye utshu tshe edja ndu la pindju.

Mika 3:10

Nyu nyeli wane watuhikaka Siona la dikila, La Jerusalema la kolo.

Habakuka 2:12

Mananu kayali le one lahika usumba la dikila, Ndu lahika dihata la akambu wa kolo.

Malaki 3:5

Dimi layusukana lasuki la nyu lu elumbwelu. Dimi layusamanya dia ndjala omenyi lu dikambu dia akanga wʼaloka, dia akanga wa munanyi, dia atshibi wa lu kashi, dia wane watukimelaka afutu wʼasi ulimu, watusuyaka wadi waki edu la ana wa ditshiki, dia wane watukadimulaka sambu kʼololo uma le ongendangenda, ndu wahatumbukaka woma, mbata Latuyalaka Kanga lulimbilimbi.

Euhwelu kʼElembe 15:13

Ku lamʼayuyukimo dia ndi ndjala la ndjadjasela, tukimoki anya atu.

Jakoba 5:4

Nyulungi, difutu dia asi ulimu wakanyukambela dikambo dianyu diakanyakimela la lukesu, diambawana! Ndu alelu wa amunyi wa diango dianyu wambukuma lʼatui wa Khumadiandja Kanga lulimbilimbi.