Jeremiya 21:7 - La Bible en Otetela (Bible K'Ekila) 1991

⁷ Lʼokongo diku, dimi layukimo Zedekiya, khumʼekanga ka Juda, ekambi andi, la wudja andi, waku wayuhanda elandu, tombo la ndjala ka kasha lʼusumba lu anya wa Nebukadineza, khumʼekanga ka Babilona, lu anya wʼatunyi watuyangaka mbadiaka. Ku ndi ayadiaka la yombo, ndi huyala lʼote vuvu kuyanga ketshi, mbata Latuyalaka.

Jeremiya 21:7 Iomraidhean Croise

Isaya 27:11

Lamʼayolengela avundja, vo wayuhimbwama, Ku amantu wayuya, wayatshumba. Wudja one kema la yimba, Okone one lakatungi huwauka ketshi, Ee, one lakatungi huwahumuya lukulu lʼolo.

Isaya 47:6

Dimi lakuki wudja ami kele, Lakonyola ukito ami, lakakimo lʼanya aye, We kumbauka ketshi. We akasuya esumbi la elimu a wulu.

Jeremiya 13:14

Dimi layaloshanya, untu la unyandi, ambutshi la anʼawo, mbata Latuyalaka. Dimi haluwauka ketshi, haluwamela kuyanga mbatshela la memakana, diaha dimi mbashila ushiki.

Jeremiya 14:12

Lamʼakilawo ma, dimi haluka esengosengo awo. Lamʼalambulawo elambu wa lutshumba la wa shima, dimi halelungula. Keli dimi layadiaka la yombo la ndjala ka kasha ndu la elandu.

Jeremiya 15:5

We Jerusalema, akona ayukuka ketshi, akona ayukulela, Akona ayetola dia nkumbula kana we la wulu?

Jeremiya 15:9

Umuntu lakuti ana esambeli ambokomo, ambukitshiya; Unya akawudjela eki yanyi. Ndi akutshama sonyi, akakanana. Dimi layukimo waku wakatshikala lu tombo tʼatunyi awo, Mbata Latuyalaka.

Jeremiya 19:7

Dimi layulanya sangweyu dia Juda la Jerusalema lu dihuli ne. Dimi layakosha la ntundu kʼatunyi awo ndu lʼanya a waku watuyangaka mbadiaka. Dimi layukimo edu awo le fudu ya lʼu-lungu la nyama ya la kete, dia yo mbele.

Jeremiya 20:4

Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Jeremiya 22:25

Dimi layukukimo lu anya a waku watuyangaka lumu laye, lu anya a waku watuyukaka woma, lu anya wa Nebukadineza, khumʼekanga ka Babilona, ndu lu anya wʼasi Kaladiya.

Jeremiya 27:6

Kakiane dimi lambukimo kete nye tshe lu anya wʼukambi ami Nebukadineza, khumʼekanga ka Babilona. Lambuwusha ndu nyama ya lʼukunda dia yo mbukambela ulimu.

Jeremiya 32:4

La wati: Zedekiya, khumʼekanga ka Juda, huhanda le asi Kaladiya, keli ayukimwama lu anya wa khumʼekanga ka Babilona, ayutusawula la ndi lʼunyo lʼunyo, ayutenana la ndi la ashu?

Jeremiya 34:3

We huhanda uma lʼanya andi. Wayukunda, wayukukimo lu anya andi. We ayenana la khumʼekanga ka Babilona lʼashu aye. Ndi ayoteketa la ye lu unyo lʼunyo. We ayutsho utsha la Babilona.

Jeremiya 36:29

Kuti diui ne lu dikambu dia khumʼekanga ka Juda wati: Latuyalaka kata ati: We akatshumbi buku ne, ata wati: Okoko wana wufundami aui aso loko ati: Khumʼekanga ka Babilona ayuyulanya kete nye, ayushila ndu antu ndu nyama ushiki?

Jeremiya 37:17

Ku khumʼekanga Zedekiya akatumi untu dia ntuwosa. Khumʼekanga akawumbula lu luudu landi lu usheshe ati: Undi, diui dimotshi dia Latuyalaka dieko? Ku Jeremiya akûkaluya diui ati: Dimotshi dieko! Ndi akawutela ntu ati: We ayukimwama lu anya wa khumʼekanga ka Babilona.

Jeremiya 50:17

Isariyele eli okoko wakanganela, wakatshanya tambwe. Khumʼekanga kʼAsuriya akuli ntundu. Kakiane Nebukadineza, khumʼekanga ka Babilona, ambotetshatetshaka weka.

Delu dia Jeremiya 2:20

Latuyalaka li, endi wane wambuyuntshela okone! Undi, ololo amantu nde anʼawo wakawembaka lu anya awo? Ololo olombedi la umvutshi ndjakema Lu etemwelo ka Khumadiondjo uka?

Delu dia Jeremiya 2:22

We aketi atunyi ami wa lʼutshimba tshe. Uku lu lushi la lusanganya lʼekila. Nduku lakahandi, nduku lakatshikala la lumu. Lu lushi la kele ka Latuyalaka. Utunyi akadiaki wane tshe wakamembaka, ndu wakamudiaki.

Ezekiyele 23:28

Ne dia Khumadiondjo Latuyalaka kata ati: Dimi lutsha nkukimo lu anya a waku watukuhetshaka, lu anya a waku wakayaseke.

Ezekiyele 7:9

Ashu ami hawunyuhandja; dimi halunyuka ketshi. Dimi layunyutshela uku etsha anyu, la akambu anyu a wononyi weli lʼatei anyu. Ku nyu nyayeya nyati: Dimi Latuyalaka kanyusuya.

Ezekiyele 8:18

Diako mbayumasuya la ududu ami. Ashu ami hawahandja; dimi haluwauka ketshi. Kuyanga vo wayulela lʼatui ami la delu dia wulu, dimi haluwaukela.

Ezekiyele 9:10

Okone ashu ami hawahandja; dimi haluwauka ketshi, layukaluya kolo yawo lʼete awo.

Euhwelu kʼElembe 28:50

Wudja weli la dundji dia ngala, wahalemia usumbi, kuyanga mbuka ona ketshi.