Jeremiya 21:12 - La Bible en Otetela (Bible K'Ekila) 1991

¹² Nyu khumbu ka Davidi, mbata Latuyalaka; nyusambulaki ololo umaka pindju, Nyutshungulaki omenyi fono uma lʼanya wʼusuyanyi, Kele kami atukufato uku dja, la mpeta wuhu waheyi untu nyima, Ne dia etsha anyu wa kolo.

Jeremiya 21:12 Iomraidhean Croise

2 Samuele 8:15

Davidi akulela Isariyele tshe. Ndi akalombolaka wudja la sambu kʼololo ndu lʼakambu wʼusimbwi.

Jobo 29:17

Dimi lakokolaka manga yʼantu wa kolo, Lakahatulaka diango diakawose uma lʼanyu awo.

Esambu 101:8

Pindju tshe, mbayumulanyaka antu wa kolo wa lu wudja, Dia nshila antu wa kolo ushiki uma lʼusumba wa Latuyalaka.

Etumbelu 18:13

La wedi a pindju, Mose akadjase lu elumbwelu dia mbala akambu wʼantu. Ku antu wakemala la ntundu kandi umaka pindju edja ndu la dikolo.

Isaya 1:17

Nyeki dia ntsha ololo; Nyuyangi akambu wʼuluwanyi, nyukimanyia usuyami. Nyusambweli ona etshiki ololo, Nyoteketele wadi aki udu.

Isaya 1:31

Kanga wulu ayuyala uku aaiyu wambuma La ulimu andi uku fuki ya dja. Vo ahendi wayulungula kame, Nduku untu layeya mbadima.

Isaya 7:13

Ku Isaya akati ati: Nyu khumbu ka Davidi, nyulungi, dikambu dia tshitshe mbedio dia nyu mpekuya antu, ndu dia nyu mpekuya Unyashungu ami uka?

Isaya 7:2

Wakayutela khumbu ka Davidi vati: Asi Suriya wambudja la asi Efarayima sheki. Ku utema wa Ahaza la etema wʼasikandi wakasutshasutshama uku atusutshasutshamaka etamba la lopepe.

Jeremiya 17:4

Nyu nyayangana uma lʼetenyi kʼukito kakamanyusha. Dimi layunyukimo dia nyu nkambela atunyi anyu ulimu lu kete yahanyeyi, ne dia nyu nyakatshutshiya kele kami. To kayohetaka pundju.

Jeremiya 21:5

Dimi layolo la nyu la lunya la wulu lʼusimbwi, la yenyi, kele, la ududu wa mamba.

Jeremiya 23:19

Nyuki, ngimbi ka Latuyalaka, Ududu andi, ambudiangana, Luhunga la wulu layokomola lu ete wʼantu wa kolo.

Jeremiya 23:2

Diako mbatami, dimi Latuyalaka, Unyashungu wa Isariyele, lu dikambu dia alami watuleshaka wudja ami nti: Nyu nyakahandjula ekoko ami, nyakawetshanya etali, nyu kumbelama ololo. Kakiane dimi lutsha nyela elanyelu ne dia etsha anyu wa kolo.

Jeremiya 23:5

Nyulungi, nshi yukuyala, yayumomongia Davidi dimonga diʼololo, ku dio diayuyala khumʼekanga. Ndi ayuyala khumʼekanga, ayongona, ayusambulaka ololo ndu usimbwi lu kete nye, mbata Latuyalaka.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Jeremiya 4:4

Nyuyakidia le Latuyalaka, Nyunya akambu wa kolo uma lʼetema anyu, Nyu asi Juda, nyu asi Jerusalema, Kele kami atukutuwo uku dja, La mpeta lumbi wuhu wahakuki untu nyima, Ne dia kolo kʼetsha anyu.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Jeremiya 5:14

Diako mbata Latuyalaka, Unyashungu Kanga lulimbilimbi, okone ati: Ne dia wudja aye wakati osoku, dimi layete aui ami lʼunyo aye uku dja, La wudja one uku kunyi, ku dio diayatshumba.

Jeremiya 5:28

Vo watununaka, watuyalaka la alimba wa lonyengo. Vo watutshaka kolo ndeka yediko. Vo hawutoteketelaka ana wa ditshiki dia vo mpumo lukulu lʼolo. Vo hawutusambwelaka ehumbi la sambu kʼololo.

Jeremiya 7:20

Diako mbata Khumadiondjo Latuyalaka okone ati: Nyulungi, kele kami la ududu ami wayutshulo lu dihuli ne, ladiku diʼantu, ladiku dia nyama, ladiku diʼetamba wa lu dikambo, ndu ladiku diʼelua wa la kete. To kayoheta, haweyi nkidima.

Jeremiya 7:5

Naka nyu nyayolongosola akambu anyu la etsha anyu tshe, naka nyu nyayusambula untu la unyandi ololo,

Delu dia Jeremiya 4:11

Latuyalaka akafudia kele kandi, akatshulula ududu andi. Ndi akahetsha dja lu Siona yakatshumbi ndu atshina ayo.

Ezekiyele 22:31

Diako mbayumatshulwela ududu ami. Dimi layashila ushiki la dja ya kele kami. Dimi layukaluya kolo yawo lu ete awo, mbata Khumadiondjo Latuyalaka.

Akambu wʼAsi Lewi 26:28

ndu dimi layosemanela la nyu lʼududu, dime layunyusuya tena esambeli ntu ne dia kolo yanyu.

Nahuma 1:6

Akona eya memala la ntundu ka kele kandi? Akona eya nshikikala lu luhaladi la kele kandi? Ududu andi wambutshulo uku dja. Ave watatateka betshi betshi la ntundu kandi.

Zefaniya 1:18

Fesa yawo kuyanga paunyi yawo hayeya mbashimbela Lu lushi lʼududu la latuyalaka. Keli kete tshe yayutshumbama la dja ya kandjema kandi, Ne dia ndi ayukumia ekumelu ka woma Le waku tshe watudjaseka la kete.

Zefaniya 3:5

Latuyalaka eko ololo lʼatei awo, ndi hutsha kolo. Pindju tshe, ndi atelaka sambu kandi kʼololo, Ndi hatuhekoka la kesekese. Keli untu a kolo hateyaka sonyi.

Luka 1:69

Ndi akatutudjiya ushimbedi a wulu Lu khumbu kʼukambi andi Davidi,

Romo 13:4

ne dia ndi eko ukambi wa Unyashungu, dia nduwanya ololo aye. Keli naka we mungaka, ukaki woma, ne dia ndi hembe yombo ya ta wembemba. Ndi eko ukambi a Unyashungu, dia nsuya untu latutshaka kolo.

Euhwelu kʼElembe 32:22

Ne dia dja ya kele kami yamboheta wulu, Yambulunguya pulu ndu lʼesi a Dihuli diʼedu, Yambulunguya kete la diango diayo, Yambulunguya atshina wʼekungu.