Jeremiya 20:6 - La Bible en Otetela (Bible K'Ekila) 1991

⁶ Ndu we Pashura, we la waku tshe wudjashi lu luudu laye, nyayutsho lu fumbi. We ayukuma la Babilona, ayutuvo leko. Leko kayuyutukhundema, we la engenyi aye tshe wakayatelaka akambu wahatayi wa kashi.

Jeremiya 20:6 Iomraidhean Croise

Isaya 9:15

Ehangamendi la kanga lukumu weli ote, Ku umvutshi latetshaka kashi eli wela.

Jeremiya 14:13

Dimi lakati nti: Yee! Khumadiondjo Latuyalaka! Mete, amvutshi wakawatela vati: Nyu hanyudiakema la yombo, kuyanga mvo la ndjala ka kasha. Keli Latuyalaka ayunyusha ki ka mete lu dihuli ne.

Jeremiya 14:16

Ndu antu watuwutelaka akambu wahatayi, wayukadjema lu esese wa Jerusalema dikambu dia ndjala ka kasha la yombo. Nduku untu ayuyala leko dia mbakhunde: vo, wadiewo, anʼawo wʼapami kuyanga anʼawo wʼamantu. Dimi lajakaluya kolo yawo lu ete awo.

Jeremiya 20:1

Pashura, onʼa olombedi Imere, olombedi a ladiku lu luudu la Latuyalaka, akukaka Jeremiya ata akambu aso wahatayi.

Jeremiya 20:4

Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Jeremiya 23:32

Nyulungi, dimi kema kame la amvutshi wʼalo wa kashi watasakulaka, watunganyiaka wudja la kashi yawo, ndu la ndjasema yawo yʼanyanya. Dim, kumbatuma, kuyanga mbatela diui. Vo hawukimanyia wudja one nduku yema, mbata Latuyalaka.

Jeremiya 29:32

mbayumusuya, ndi la tukanula tandi. Nduku untu luto la ndi layudjase lʼatei a wudja one, ndu ndi hena ololo wayumutshela wudja ami, ne dia ndi akataka aui wa ntombokwelami, dimi Latuyalaka.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Delu dia Jeremiya 2:14

Amvutshi aye wakakenyi waenelo wa kashi ndu wʼanyanya, Vo hawushula kolo kaye dia nkukaluya uma lu fumbi, Vo wakakendjiyaka awulu wa kashi dia nkunganyiya.

Ezekiyele 22:28

Amvutshi awo watumbaka eheli kʼusumba la kete ya wodu. Vo watenaka alo wa kashi, watusakaka awulu wʼanyanya, wata vati: Khumadiondjo Latuyalaka kakati, lamʼakimi, dimi Latuyalaka, kumbatela.

Akambu wʼAsi Lewi 26:17

Dimi layendana la nyu, ku nyu nyayolembiama, la ntundu kʼatunyi anyu. Wane watunyuhetshaka wayunyulela, la nyu nyayulawo ulawolawo lamʼahanyutshanya nduku untu.

Mika 2:11

Utunduyala untu omotshi ayeteta, Ayutataka aui wa lukesu lu aihuli la dihuli, Ati: Oimi layunyusambisha dia wanu la dinono dia wulu, Tshiki ndi kutuyala usumbisha wa wudja one!

Zekariya 13:3

Naka untu omotshi ayumuta akambu wahatayi, ku shi la nyangu, wane wakawuti, wayuwutela vati: We huyala la lulumbi! ne dia ve mvutaka aui wa kashi lu lukumbu la Latuyalaka. Shi la nyangu, wane wakawuti, wayutundutunduya dihumo lamʼatandi akambu wahatayi.

Euhwelu kʼElembe 28:25

Latuyalaka ayukimanyia atunyi anyu dia vo nyolembia. Nyu nyayutsho lu mbuka otoi dia ntalosha, ku nyu nyayalawo lu mbuka esambeli. Nyu nyayutasekasekamaka lʼatei a waulelu tshe wa la kete.