Jeremiya 20:5 - La Bible en Otetela (Bible K'Ekila) 1991

⁵ Dimi layukimo ekundji tshe wʼusumba one, engonyi awo tshe, diango diawo tshe diʼushinga a wulu, waumbelu wa khumi ya dikanga ya Juda, lu anya wʼatunyi awo. Vo wayuwamba, wayuwaosa, wayatola utsha la Babilona.

Jeremiya 20:5 Iomraidhean Croise

2 Ekondo 36:10

Lʼetatelu kʼeleku kekina, khumʼekanga Nebukadineza akatumi akendji dia najotola utsha la Babilona, kame la diango diʼulimu diʼushinga a wulu dia luudu la Latuyalaka. Ndi akadji Zedekiya, onangu Jehoyakina, khumʼekanga ka Juda la Jerusalema.

Isaya 39:6

Enda etena kukuyala, wayemba diango tshe dieli lu luudu laye, la kene tshe kakatakumbedi washo edja ndu elo, utsha la Babilona. Nduku engo kayutshikala, mbata Latuyalaka.

Jeremiya 12:12

Ananyishi wambudela lu ete wʼakuna tshe wa lʼusui, Ne dia yombo ya Latuyalaka yatudiakaka Uma lu kuma ka kete kemotshi edja ndu kuma kekina. Nduku untu leli la ki.

Jeremiya 15:13

Dimi layukimo diango dianyu la engonyi anyu ukimokimo, dia vo ndjala diango dia dimbu dikambu dia kolo yanyu tshe, lu kete yanyu tshe.

Jeremiya 17:3

Ekungu ami wa lʼusui li, dimi layukimo ukundji anyu la ongonyi anyu diango dia dimbu, ndu ahuli anyu wa ladiku lu kete yanyu tshe, ne dia kolo yanyu.

Jeremiya 3:24

Ditemolatemola dia sonyi diakamani waho wʼulimu washesu uma lu nshi yasu yʼakenda: dungalunga diawo, la ngombe yawo, anʼawo wʼapami ndu wʼamantu.

Jeremiya 32:24

Nyendi ngeli; yo yambutshimama dia nembia usumba. Usumba wayukimwama lu anya wʼasi Kaladiya walosha. Vo wayolembiama la yombo, ndjala ka kasha, ndu la elandu. Aui wakayati wambutshama, weme ukʼena.

Jeremiya 39:2

Ku lu eleku ka dikumi lʼotoi ka diulelu dia Zedekiya, lushi la divwa, lu ngondo ka nei, mbakawatundula wushu wa eheli ka lukumbu lʼusumba.

Jeremiya 39:8

Asi Kaladiya wakatshumbi luudu la khumʼekanga ndu mvudu yʼantu, wakanyukula peli dia lukumbu la Jerusalema.

Jeremiya 4:20

Wambuta dia elanyelu ladiku diʼelanyelu, Ne dia wudja tshe wambulanyema. Mvudu yami yʼapema yambulanyema shashimuya, Apema ayo wambate lʼetena otoi.

Delu dia Jeremiya 1:10

Utunyi ambusimbula anya andi Ladiku dia diango diayo tshe diʼushinga a wulu. Ee, yo yakenyi wedja wamba Diango dia lu etemwelo kayo, Waku wakaseke dia mboto lʼului wʼantu aye!

Delu dia Jeremiya 1:7

Jerusalema ambuho diango tshe diʼushinga a wulu, Diaki la yo lu nshi yakiyo la asui ndu okei, Ee, diango diaki la yo lu nshi yʼedjedja. Lamʼakoto antu ayo lu anya wʼutunyi, Nduku lakiko dia mbukimanyia. Atunyi ayo wakayenyi, wakayisoke, Ne dia elanyelu kayo.

Delu dia Jeremiya 4:12

Khumi ya dikanga ya la kete Ndu antu wa la kete tshe kumbetawoka vati: Uhetshan yi kana utunyi mbeyaka mboto lu asuku wa Jerusalema.

Ezekiyele 22:25

Amvutshi awo weli uku tambwe kadikita, kahatula nyama kundjito. Vo wakali nyumu yawo, wakose ukundji la diango diʼushinga a wulu, wakete amantu efula lʼatei awo wadi waki edu.

Danyele 1:2

Khumadiondjo akakimo Jehoyakima, khumʼekanga ka Juda lu anya andi, kame la diango dimotshi diʼulimu diʼuma lu luudu la Unyashungu. Nebukadineza akaditole utsha lu kete ya Shinare, lu luudu la etemolatemola kandi. Ndi akatudiotshiya lu luudu la eumbelu lʼetemolatemola kandi.

Hosea 13:15

Kuyanga Efarayima ambuluwana latei wʼanangu, Lopepe lʼuma lʼehutwelu ka unya layuya, Lopepe la Latuyalaka layopepa uma lʼusui wa shenga. Eteko kawo kayuma, la ushima awo wayuma tu Lo layulanya waumbelu wa diango tshe, diʼushinga a wulu.