Jeremiya 20:4 - La Bible en Otetela (Bible K'Ekila) 1991

⁴ Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Jeremiya 20:4 Iomraidhean Croise

2 Khumi ya Dikanga 25:7

Vo wakadiaki ana apami wa Zedekiya la ntundu kandi, wakutundula ashu, wakukeleka molola wʼohotela, wakatshu la ndi la Babilona.

Esambu 73:19

Enda, wambulanyema shashimuya, Woma wa mamba wambuwanda.

Jeremiya 13:10

Wudja one wa kolo, watutunaka aui ami, watekamaka saki yʼetema awo, watuyelaka ditemolatemola dia ditemola la dikhusela adui. Vo wayuyala uku uya one wambuyala anyanya.

Jeremiya 13:19

Esumba wa la Nengebe wambudihama, Nduku untu eko dia mbedihula. Wambotola Juda tshe lu fumbi, wambatola tshe tshe.

Jeremiya 19:15

Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.

Jeremiya 20:6

Ndu we Pashura, we la waku tshe wudjashi lu luudu laye, nyayutsho lu fumbi. We ayukuma la Babilona, ayutuvo leko. Leko kayuyutukhundema, we la engenyi aye tshe wakayatelaka akambu wahatayi wa kashi.

Jeremiya 25:9

dimi layeta wedja tshe wa la ngelʼa kushi, ndu ukambi ami Nebukadineza, khumʼekanga ka Babilona. Dimi layaela uya lu kete nye dia ndjolosha asi kete nye ndu wedja ene tshe wadingi. Dimi layashila ushiki, layuwaete engo ka nkashimo, engo ka dionyo, la elanyelu ka pundju.

Jeremiya 29:21

Latuyalaka Kanga lulimbilimbi, Unyashungu wa Isariyele, kata lu dikambu dia Ahaba, onʼa Kolaya, ndu lu dikambu dia Zedekiya, onʼa Maseya, watunyutelaka akambu wahatayi wa kashi lu lukumbu lami vati: Nyuki, dimi layakimo lu anya wa Nebukadineza, khumʼekanga ka Babilona, ku ndi ayadiaka lu ashu anyu.

Jeremiya 46:5

Kakona kenami? Vo wambuka woma, wambukalula ekongokongo. Ahuka awo wambolembiama, wambulawo aha mbewo lʼokongo. Woma wa mamba weko lu beke tshe, mbata Latuyalaka.

Jeremiya 52:24

Olombodi wʼalami akandi olombedi wa la diku Seraya, olombedi a hendi Zefaniya, kame la alami wa suku dia luudu la Latuyalaka.

Jeremiya 52:27

Khumʼekanga ka Babilona akakomola, akadiaki la Ribila lu kete ya Hamata. Osoku mbakatolama Juda fumbi uma lu wudja awo.

Jeremiya 6:25

Tanyutshokaki utsha lu dikambo, tanyetaki lu mbuka, Ne dia yombo yʼutunyi la woma wa mamba weko lʼutshimba tshe.

1 Samuele 2:33

Dimi layutshika usikaye omotshi lʼediakelu kami, dia ndi nkelula ashu, la nyangia utema aye. Keli wane tshe wa lu luudu laye, wayuvokaka weki elongo wʼapami.