Jeremiya 20:16 - La Bible en Otetela (Bible K'Ekila) 1991

¹⁶ Pami kako ayali uku esumba Wakalanya Latuyalaka, wakindi kumbuka ketshi. Ndi ukaki akhumu la pindju La alelu wa ta unya lʼatei ote,

Jeremiya 20:16 Iomraidhean Croise

Jeremiya 18:22

Alelu watumbi uma lu mvudu yawo, Lamʼayuwayela andoshi wa ta shashimuya dia mbalosha, Ne dia vo wakatshimi difuku dia mundami, Wakashe tulunga ta munda ekulu ami.

Jeremiya 18:8

naka wudja ako wakamataka aui wayukadimo uma lu kolo yawo, dimi layolemba utema dia kolo kakamasanguya mbatshela.

Jeremiya 23:14

Dimi lakenyi dikambu dia wononyi Ndu le amvutshi wa la Jerusalema. Vo watunanaka, watokendakendaka lu kashi. Vo watukikitshaka anya wʼatshi wa kolo, Wuhu waheyi untu nkalula untu uma lu kolo kandi. Vo tshe wambuyala le mi uku Sodoma la asi Jerusalema uku Ngomora.

Jeremiya 26:13

Okone nyolongosole mbuka yanyu la etsha anyu kakiane, nyukitanyia diui dia Latuyalaka, Unyashungu anyu. Ku ndi ayolemba utema lu elanyelu kakandati lu dikambu dianyu.

Jeremiya 4:19

Lambuvo lʼutema, lambuvo lʼutema; Utema ami ambomenya pa, sulu diami diambatate. Dimi haleyi nembohala, Ne dia we utema mi imbuka lundju la dimama, lundju la ta.

Delu dia Jeremiya 4:6

Uhedia wa ona umuntu a wudja ami ambuleka kolo ka Sodoma Kakalanyema shashimuya, aha la lunya la untu.

Ezekiyele 21:22

Lu lunya landi la pami kaki endelu ka Jerusalema, dia nshikike etamba a waki wa nyukula lukumbu, dia mbufula unyo dia ndela, dia mbedia diui dia luhangu, dia nshikike etamba a waki wanyukula lukumbu, dia ntshima ngeli ndu dia ntsha kumbu ya wulu.

Hosea 10:14

Okone lufungusu layutumba lʼatei a wudja anyu, Ku ngeli yanyu ya ta tshe yayulanyema, Uku akalanya Shalamana Bete-Arebele lu lushi la ta, Lakawatshatsha umbutshi a umuntu la anʼandi.

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Hosea 13:14

Undi, dimi layatshungula, Uma lu wulu wʼudimu a Pengandu? Dimi layashimbela uma le Nyoi? We Nyoi, lendʼeli asui aye? Udimu a Pengandu elanyelu kaye eto? Ketshi kambushama uma lu washu ami.

Amose 1:14

Keli dimi layuhetsha dja lu peli dia Raba. Yo yayutshumba mvudu ya khumʼekanga ya loko, Kame la tukuku tʼalelu lu lushi la ta, Ndu kame la luhunga lu lushi la ngimbi.

Amose 2:2

Dimi layutuma dja lu Moaba, Ku yo yayutshumba mvudu ya khumʼekanga ya la Keriyote. Moaba ayuvo lʼatei a lufungusu, La tukuku, ndu a lundju lʼamama.

Amose 4:11

Dimi, Unyashungu, lakalanya esumba anyu, Uku akamalanya Sodoma la Ngomora. Nyu nyakayala uku efuki ka dja Kakawatundja uma lu etshumbelu, Keli nyu kunkalula le mi, Mbata Latuyalaka.

Jona 3:4

Jona akatatela mboto lʼusumba lokendo la lushi otoi, akahangohango, akati ati: Nshi akumi anei tshu mbambutshikala dia Niniva nanyema.

Jona 4:2

Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa, latolembaka utema, diaha ntshela antu kolo.

Zefaniya 1:16

Lushi la ama na la tukuku ta ta, Dia ndo la esumba a wulu, ndu la tangelu diʼetali.

Zefaniya 2:9

Diako mbata Latuyalaka Kanga lulimbilimbi, Unyashungu wa Isariyele, ati: Uku wemi la lumu! Moaba ayuyala uku Sodoma, La asi Amona uku Ngomora. Kete yakakiti atende la afuku wa leho, ndu elanyelu ka pundju. Atshikadi wa wudja ami wayakita.

Luka 17:29

Keli lushi lakatshu Lota uma la Sodoma, dja ya tsho yakahulo uma lʼulungu, yakadiaki vo tshe —

Euhwelu kʼElembe 29:22

Lu lolonga layayi, anʼanyu wayula lʼokongo anyu, la angendangenda wayuya uma lu kete yʼetali, lamʼayuwena asui la kandji yambutumela Latuyalaka wudja uku, — wayuta vati:

Euhwelu kʼElembe 29:23

Kete yako tshe yaya mboko ya dja la leho lutu, utshumba a wuki, wahatumbi wuhu, wahangonya elua kuyanga mbudia adiyu, uku akalanya Latuyalaka Sodoma la Ngomora, Adema la Zeboyima lamʼakindi la kele la ududu.

2 Petero 2:6

naka ndi akahiluya esumba wa Sodoma la Ngomora, wakayala eduwu, akawamia la dihandjwelu, akawete uku djimbitelu le antu wayutshaka akambu wa kolo,

Jude 1:7

Uku Sodoma la Ngomora, ndu esumba waki lasuki lawo, wakayakimo pupu lu akambu wa munanyi, wakukuya antu akina, wakayala uku djimbitelu ya nsuwa lu dja ya pundju.