Jeremiya 20:10 - La Bible en Otetela (Bible K'Ekila) 1991

¹⁰ Dimi mbukaka dionyo uma le antu efula, Woma wa mamba weko lʼutshimba tshe. Engenyi ami tshe waki kame la mi, Watulungamelaka ekwelo kami, wata vati: Nyufundi; tufundi, undu ndi ayukesama, Ku shu tayolembia, tayosomboya.

Jeremiya 20:10 Iomraidhean Croise

1 Khumi ya Dikanga 19:2

Ku Jezebele akatumi dikendji le Elidja ata ati: Ditemolatemola kadiundjaki naka lui lʼushidi one dimi hakutshedi uku akayatshela otoi lʼotoi lʼatei wʼamvutshi aku.

1 Khumi ya Dikanga 21:20

Ahaba akambula Elidja ati: We utunyi ami, ambumbishula? Ndi akûkaluya diui ati: Ee, lambukushula, ne dia we akayasundja dia ntsha kene kaki kolo lu ashu wa Latuyalaka.

1 Khumi ya Dikanga 22:27

Nyutuwateli nyati: Khumʼekanga kata ati: Nyudji untu one lu lukanu, kanyuwushaki ma la ashi wʼasui edja ndu lamʼayumukalula la ki.

1 Khumi ya Dikanga 22:8

Khumʼekanga ka Isariyele akûkaluya diui ati: Untu omotshi lukukisu mumbula uma le Latuyalaka eko, lukumbu landi Mikaya, onʼa Imila. Keli dimi mbuhetshaka, ne dia ndi hatoteketaka akambu wahatayi ololo lu dikambu diami, paka kolo ketu. Keli Jehoshafata akûkaluya diui ati: Khumʼekanga, tutaki osoku!

Jobo 19:19

Engenyi ami wa ngandji tshe womenga waengekhu, La wane wakamukaka ngandji, wambontombokwela.

Esambu 31:13

Dimi lakuki aui wa lotengo uma le antu efula, Eutshelu ka woma ambulula lʼutshimba tshe. Lamʼakawasangana kame lu dikambu diami, Vo wakadji sheki vati: Katudiaki.

Esambu 31:14

Keli dimi latukekamaka, we Latuyalaka; Latutaka nti: We keli Unyashungu ami.

Esambu 41:10

Keli we Latuyalaka, umbuki ketshi, umunyiya Dia dimi nsomboya kolo kakawantshela.

Esambu 41:9

Ndu ongenyi ami lakambekamaka, Lakalekaka la mi ma, Ambompota ina.

Esambu 57:4

Lumu lami leko lʼatei wa tambwe. Lu dja kemi lʼatei awo: Anyu awo mbesaka uku akonga la akuwa, Nimi yawo mbesaka uku tombo ta pemo.

Tukedi 10:18

One latusheka luhetshu lʼutema, eli la lulimi la kashi, One latumamanyiaka, eli enginya.

Isaya 29:21

Watutakanyaka untu lu aui andi, Watambaka one latemalaka la suku dia ndaka antu djunga, La watunganyiyaka untu lʼusimbwi la aui wa lukesu.

Jeremiya 1:19

Vo wayukolosha, keli vo hawukolembia, ne dia dimi leko kame la ye dia nkutshungula, mbatami, dimi Latuyalaka.

Jeremiya 11:19

Dimi laki uku onʼokoko latawalombola utsha lʼediakelu. Dimi kumbeya sheki yakawambidjela vati: Tulanya utamba kame la elua awo! Tuwunya uma lu kete ya wasena, Diaha antu mbuho lukumbu landi ntu.

Jeremiya 11:21

Okone Latuyalaka la diui dimotshi lu dikambu diʼasi Anatota, ane watuyangaka lumu lami, wata vati: Tutaki akambu wahatayi lu lukumbu la Latuyalaka, we utukuvo lu anya asu.

Jeremiya 18:18

Vo wakatanela vati: Nyeso, tudjeli Jeremiya sheki, ne dia elembe hawushisho le elombedi, alaka le akanga a yimba, kuyanga aui le amvutshi. Nyuyeti, tutudiaki lʼaui, tatulungaki aui andi nduku yema.

Jeremiya 20:3

La wedi a pindju, Pashura akatundja Jeremiya uma lu luweti, ku Jeremiya akawutela ati: latuyalaka kunkole lukumbu ati: Pashura, keli ati: Woma wa Mamba lu beke tshe, mbakandakole.

Jeremiya 37:13

Lamʼakakumi Jeremiya la suku dia Bendjamina, Iridja onʼa Shelemiya, onʼa Hananiya, olombodi wʼalami, aki leko. Ndi akandi umvutshi Jeremiya, ata ati: We ambukadimo lu wedi wʼasi Kaladiya!

Jeremiya 6:25

Tanyutshokaki utsha lu dikambo, tanyetaki lu mbuka, Ne dia yombo yʼutunyi la woma wa mamba weko lʼutshimba tshe.

Ezekiyele 22:9

Antu amotshi weko lʼatei anyu watumanyiaka akina dia ntshulula dikila, watolekaka mbu ya nde lʼete wʼekungu, watutshaka akambu wa sonyi lʼatei anyu.

Danyele 6:4

Ewandji la elohe wakatayangaka Danyele la dikambu dia mbufunda lu akambu wa diulelu. Keli vo kumbutana nduku la dikambu kana munga ka mbufunda, ne dia ndi aki la kolamelu. Vo kumbena la munga kuyanga la kiambukambu.

Luka 20:20

Vo wakokeshanya, wakatumi atopi dia vo ndjafanya uku antu wʼololo, dia mbosa aui andi la mbukimo le umbuledi, kanga diulelu.

Etsha wa Atumami 24:13

Vo haweyi nshikike akambu wansongwelawo kakiane.

Etsha wa Atumami 5:33

Keli lamʼakawuki diui so, vo wakuki kele ka wulu, wakalangi mbadiaka.

Etsha wa Atumami 7:54

Lamʼakawuki aui aso, etema awo wakaluli too la ududu, wakayalumata lu dikambu diandi.