Jeremiya 2:6 - La Bible en Otetela (Bible K'Ekila) 1991

⁶ Vo kumumbula vati: Lendʼeli Latuyalaka, Lakatutundja uma lu kete yʼEdjibitu, Lakatolombola lʼusui wa shenga, Lu kete ya shenga yuludi too lʼafuku, Lu kete ya wumuma la udjima a tshududu, Lu kete yahatetaka antu, ndu yahatudjaseka antu?

Jeremiya 2:6 Iomraidhean Croise

2 Khumi ya Dikanga 2:14

Ndi akose koti diakahosoya Elidja, akadikomola lu ashi, ambula ati: Lendʼeli Latuyalaka, Unyashungu wa Elidja? Lamʼakandakomola ashi, vo wakatana lene la lene, ku ndi akatenanya.

Jobo 3:5

Udjima la dedi dia nyoi walundi, Wangi walukumbi! La kene tshe kateteka yanyi utshu kalukia woma!

Jobo 35:10

Nduku lambula ati: Lendʼeli Unyashungu, Utungi ami, Latushanaka esambu wʼongenongeno lʼutshu,

Esambu 23:4

Ee, lamʼatumetaka lʼukidi a udjima a tshududu, Dimi hatukaka kolo woma, ne dia we eli la mi. Ukalimba aye la danga diaye watunsambaka.

Esambu 77:5

Dimi latukanaka yimba dia nshi ya ntundu, Latuhoka deku diʼedjedja.

Etumbelu 20:2

Dimi keli Latuyalaka, Unyashungu aye, lakakutundja uma lu kete ya Edjibitu, uma lu luudu la lohombo.

Isaya 63:9

Lʼatei asui awo tshe, ndi akasuwi kame la wo, Ana uma le olohe kana dikendji, Keli ndi ndame kakashinbela. Lu ngandji kandi la ketshi kandi mbakandashimbela; Ndi akasukelaka, akawaembaka tena tshe lu nshi yʼedjedja.

Isaya 64:7

Nduku untu latetaka lukumbu laye, Latuhasahasaka dia nkumamema. Ntu, we akatushela elundji, We akatukimo dia shu nanyema lu kolo yasu.

Jeremiya 13:16

Nyutumbuli Latuyalaka, Unyashungu anyu, ntundu ndi atela udjima; Ntundu ekulu anyu watatakana lu ekungu wa udjima; Ntundu ndi atakadimula usasi watunyuyangaka didjidji dia nyoi, La mbete udjima wa tshududu.

Jeremiya 2:2

Tshoka, tuleleli Jerusalema wati: Latuyalaka kata ati: Dimi mbuhoka ngandji kaye lu nshi yaye yʼusekaseka, Lulangu laye lamʼakiye wadi uyuyu, Uku akayayandjelaka lʼusui wa shenga, lu kete yaki kundjala la dikambo.

Jeremiya 2:8

Elombedi kumumbula vati: Lendʼeli Latuyalaka? Ndu embetsha wʼelembe kumbeyakami, Ndu elombodi wakampediaka, Ndu nmvutshi wakateketaka akambu wahatayi uma le Bala, Wakayelaka diango diaki kumbeya mbakimanyia.

Jeremiya 5:12

Vo wakangunela Latuyalaka vati: Ndi hutsha nduku dikambu! Elanyelu huya le su. Shu hatena yombo kuyanga ndjala ka kasha.

Jeremiya 5:2

Kuyanga vo watutshibaka vati: Uku eli Latuyalaka la lumu! Mete, anyanya mbatuwutshibaka.

Jeremiya 51:43

Esumba awo wambulanyema. Kete yambuyala wumu ndu shenga, kete yahadjashi untu. Nduki untu ayeta leko.

Hosea 12:13

Uma le umvutshi, mbakatundja Latuyalaka Isariyele uma lʼEdjibitu; La uma le umvutshi, mbakandalamaka Isariyele.

Hosea 13:4

Dimi leko Latuyalaka, Unyashungu anyu, Umaka kete ya Edjibitu. Nduku Unyashungu weyanyu paka dimi; Nduku ushimbedi weko, tshikuna dimi.

Amose 2:10

Dimi lakanyutundja uma lu kete ya Edjibitu, Lakayanyolombolaka deku akumi anei lʼusui wa shenga, Dia nyu nkita kete yʼasi Amora.

Mateu 4:16

Antu wakadjaseka lu udjima Wakenyi usasi a wuki. Usasi wakahetela antu wakadjaseka Lu dihuli dia didjidji dia nyoi.

Euhwelu kʼElembe 1:19

Shu takunela uma la Horeba, takakindula utundu wʼusui wa shenga uku a wuki ndu a woma tshe wakanyenyi. Takakimela mbuka ka lu leke lʼakuna lʼasi Amora, uku akatudjangela Latuyalaka, Unyashungu asu. Ku shu takakumi la Kadeshe-Baranea.

Euhwelu kʼElembe 32:10

Ndi akutani lʼusui wa shenga, Ndu lʼusui wa shenga weli la adikitu a woma. Ndi akudingi, akawumbi ololo, Akulami uku onʼa su.

Euhwelu kʼElembe 8:2

Nyuho mbuka tshe kakanyolombola Latuyalaka, Unyashungu anyu, deku akumi anei ne lʼusui wa shenga, dia nyukitshakitsha la nyedika, dia mbeya uku aki lu etema anyu, kana nyu nyatulamaka elembe andi kana kema.

Embadi 6:13

Ngidiyona akûkaluya diui ati: Khumemi, naka Latuyalaka eko la su, ukundi ambuyala akambu ane tshe le su? Lendʼeli akambu andi wa mamba wakatusanyiaka washesu vati: Latuyalaka, kunyutundja uma lʼEdjibitu uka? Keli kakiane Latuyalaka ambutukadja, ambutukimo lu anya wʼasi Midiyana.