Jeremiya 2:3 - La Bible en Otetela (Bible K'Ekila) 1991

³ Isariyele aki ekila le mi, dimi Latuyalaka, Olonga wa dinela diami. Wane tshe wayuwole, wayuyala la unungu. La elanyelu kayuya le wo.

Jeremiya 2:3 Iomraidhean Croise

Etumbelu 22:29

Tutshimbatshimbaki dia nambula olonga aye wa mbu ya nde, ndu wʼelua wa dinela diaye. Kumbishaki onʼaye a pami lʼenundu.

Etumbelu 23:16

Kuyalaki la lushi la wuki la dinela diʼoionga wa ulimu aye uma lu diango diayuyuneka lu dikambo. Kuyalaki la lushi la wuki la dinela lʼekumelu kʼeleku lamʼayuyushidiyaka mbotshiya dinela dia ulimu aye wa dikambo lu dihuli diʼeumbelu.

Isaya 41:11

Enda, waku tshe watukukaka kele, Wayukanana, wayutshama sonyi. Wane watolokaka la ye, wayulanyema, wayushila ushiki.

Isaya 47:6

Dimi lakuki wudja ami kele, Lakonyola ukito ami, lakakimo lʼanya aye, We kumbauka ketshi. We akasuya esumbi la elimu a wulu.

Jeremiya 12:14

Latuyalaka kata okone lu dikambu diʼasukanyi andi wa kolo, wambahe etenyi kʼukito kakandasha wudja andi Isariyele lunya ati: Enda, dimi layuwanya uma lu kete yawo, dimi layunya khumbu ka Juda uma lʼatei awo.

Jeremiya 2:4

Nyulungi diui dia Latuyalaka, nyu luudu la Jakoba, nyu khumbu tshe ka wudja wa Isariyele.

Jeremiya 30:16

Waku tshe watukolekaka, wayolema. Atunyi aye tshe otoi lʼotoi ayotolama lu fumbi. Waku watukumbaka la diango, wayumbama. Waku tshe watukundaka lu fumbi, Dimi layakimo lu fumbi.

Jeremiya 50:7

Waku tshe wakahumana la wo, wakamani. Atunyi awo wakataka vati: Shu kema la unungu, ne dia vo wakatshela Latuyalaka, edjaselu ka sambu kʼololo, kolo, Latuyalaka, elungamelu ka washewo.

Joele 1:3

Nyusanyia anʼanyu dikambu ne, la vo kawudisanyia lolonga lukina.

Amose 6:1

Mananu kayali le amenyi olo wa la Siona, Ndu le wane weli la lutui tshitshi lʼukungu wa Samariya, Le antu a waki wa lu wudja wuleki wedja, Wako watuyakaka khumbu ka Isariyele le wo.

Habakuka 1:11

Ku vo wayeta leko esadi uku lopepe, wayuyala la unungu. Wulu awo weli etemolatemola kawo!

Zekariya 1:15

Dimi lambuka wedja wena olo yenyi efula, ne dia dimi lakuki Juda yenyi paka yema tshitshe tshu, keli wedja ako wakafudia asui awo.

Zekariya 2:8

Lʼokongo wa lutumbu la Latuyalaka Kanga lulimbilimbi, Latuyalaka akantumi le wedja wakanyumbaka diango. Ndi akati ati: One lakanyunanda, akananda onʼa su diandi.

Walelu 18:12

Dimi lambukusha elonga tshe watulambulaka asi Isariyele le Latuyalaka: iso kuleki dimena, ashi wʼelua wuleki amena, la epunga wuleki amena.

Romo 11:16

Naka kiama ya ma ya minya doka yeli ekila keti ndu ukama pupu. Naka udiu wʼutamba weko ekila, keti ndu tahi yawo pupu.

Romo 16:5

Nyumbishiya ndu asi Ekelizia watusanganaka lu luudu lawo moyo. Moyo ndu le ulangimi ami Epayineto. Ndi kaki ulua ami a ntundu lu Asiya.

Efeso 1:4

Uku akandatosonola la ntundu kʼetungelu kʼandja, dia shu ndjala wʼekila, waha la unungu la ntundu kandi lu ngandji,

Euhwelu kʼElembe 14:2

ne dia nyu nyeko wudja wʼekil a wa Latuyalaka, Unyashungu anyu. Latuyalaka akanyosonola uma lʼatei a wedja tshe wa la kete, dia nyu ndjala wudja andi wʼukito.

Euhwelu kʼElembe 26:19

dia nyedia lu diandu, lu lukumu, ndu lu nemo ladiku dia wedja tshe wakandatungi, ndu dia nyu ndjala wedja wʼekila le Latuyalaka, Unyashungu anyu, uku akandanyutela.

Euhwelu kʼElembe 7:6

Nyu nyeli wudja wʼekila le Latuyalaka, Unyashungu anyu. Latuyalaka, Unyashungu anyu, akanyosonola dia nyu ndjala wudja andi hita lʼatei a wedja tshe weli ladiku dia kete.

Jakoba 1:18

Dia lulangu landi mbakandatutungi la diui diandi dia mete, dia shu ndjala elua wa ntundu wa ditungelu diandi tshe.

1 Petero 2:9

Keli nyu nyeko wudja wakawasonola, nyeko elombedi wa lu diuhu dia khumʼekanga, la wudja wʼekila, antu wa Unyashungu ndame, dia nyu menya akina ololo wa one lakanyeti uma lu udjima utsha lu yanyi yandi ya mamba.

Enyelo 14:4

Vo kumunana la amantu, ne dia vo weko uku amantu wa dimuma. Vo mbatuyelaka Ona-Okoko lu ahuli tshe watshondi. Vo wakasumbama uma lʼatei wʼantu, ne dia ndjala elua wa ntundu le Unyashungu ndu le Ona-Okoko.