Jeremiya 2:20 - La Bible en Otetela (Bible K'Ekila) 1991

²⁰ Nshi yʼedjedja, nyu nyakatshatsha lokoho lanyu, Nyakahimbula ekodi anyu; Nyakati nyati: Shu hatuyulanga ndjala fumbi ntu. Ee, nyakanseke, nyakatemola Ladiku dia dikuna tshe diʼutali, Ndu la tshina diʼutamba tshe wʼuyuyu.

Jeremiya 2:20 Iomraidhean Croise

1 Khumi ya Dikanga 12:32

Jeroboama akadjanga dia vo ndjalaka la lushi la wuki lu lushi la dikumi lʼatanu, lu ngondo kʼenanei, uku lushi la wuki laki la Juda. Ku ndi akalambulaka elambu lʼediakelu. Osoku mbakandatshaka la Betele, dia vo nambulaka tana ta ngombe takandatshi. Ndi akakitsha elombedi lu alunga wakandatshi la Betele.

1 Khumi ya Dikanga 14:23

Ndu vo wakayahikela alunga kame la dimeta, la dikishi ladiku dia akuna tshe wʼetali, ndu latshina diʼutamba tshe wʼuyuyu.

Esambu 107:14

Ndi akatundja uma lu udjima, ndu uma lu didjidji dia nyoi, Akahimbula ekodi.

Esambu 2:3

Tuhimbuli molola awo, Tuyatshunguli uma lʼekodi awo.

Esambu 78:58

Vo wakawukia kele lu temwelo diawo dia lu alunga, Wakawukia kandjema la dikishi diawo.

Etumbelu 19:8

Wudja tshe wakûkaluya diui vati: Shu tayutsha akambu aso tshe wakati Latuyalaka. Ku Mose akatole aui a wudja le Latuyalaka.

Etumbelu 24:3

Mose akayi, akayusanyia antu aui tshe wa Latuyalaka, ndu adjangu andi. Ku antu tshe wakûkaluya diui kame vati: Tayutsha aui tshe wakati Latuyalaka.

Etumbelu 3:8

Okone lambuhulo dia ndjatshungula uma lʼanya wʼasi Edjibitu, la mbatundja uma lu kete ku, utsha lu kete yʼololo ya wuki, lu kete yuludi too lʼawele la usanga. Dimi layalombola utsha lʼahuli wudjashi asi Kanana, asi Hiti, asi Amora, asi Perizi, asi Hiwi, la asi Jebuse.

Isaya 1:21

Ndi usumba wa kolamelu, Wambuyala umuntu kanga luseka li! Vo waki too la sambu kʼololo, Akambu wʼololo mbakayalaka loko. Keli kakiane aya adjakanyi atu loko.

Isaya 10:27

Lu lushi lako, wutshu wa khumʼekanga kʼAsuriya wayumo uma lʼaheka anyu, la lokoho landi layukamo uma lu kingu yanyu. Ndi ambunela uma la Rimona.

Isaya 14:25

Dimi layowediawedia usi Asuriya lu kete yami, Layohotshahotsha lʼakaka ladiku diʼekungu ami. Ku lokoho landi layumo uma ladiku diawo, La ushiko andi uma lʼaheka awo.

Isaya 9:4

We ambulanya lokoho laki wutshu le ndi, Ukalimba wakokomolaka lʼokongo, la ohehela wa one lakusuyaka, Uku lu lushi la Midiyana.

Jeremiya 13:27

Dimi lakenyi akambu anyu wa wononyi, Akambu anyu wa lukesu, ndjawi yanyu ya luseka, Engeno ka seka yanyu lu ete wʼakuna wa lʼesui. Yee! Jerusalema, mananu kayali le ye! Edja ndu etena kakona kayuyukimo ntuna mbediama?

Jeremiya 17:2

Osoku mbatuhoka ndu anʼawo diakelu diawo la Wa-Ashera weli la tshina diʼetamba wʼeyuyu lu akuna wʼetali.

Jeremiya 2:31

Nyu wa lolonga lone, nyuki diui dia Latuyalaka ati: Undi, usui wa shenga mbakimi le Isariyele, Kana wudja wa udjima wa tshududu? Mbata wudja ami vati: Shu tambutshungo, shu hatuyukalula le ye?

Jeremiya 3:13

Dikambu otoi, nyetawo nyati: Nyu nyakampedia, dimi Latuyalaka, Unyashungu anyu, Nyakediya ekulu anyu utsha lene la lene, Utsha le ditemolatemola diʼasi wedja, la tshina diʼutamba wʼuyuyu. Ndu nyu kunkitanyia diui diami.

Jeremiya 30:8

Lushi lone, dimi layokola lokoho landi uma lu kingu kaye, layata luweti laye, lʼasi wedja hawukete fumbi ntu, mbata Latuyalaka.

Jeremiya 5:5

Dimi layutsho le antu a waki, layutoteketa la wo, Ne dia vo mbeyaka mbuka ka Latuyalaka la elembe a Unyashungu awo. Keli ndu vo tshe wakawediawedia lokoho, Wakahimbula ekodi.

Ezekiyele 16:28

We akatemola dikishi diʼasi Asuriya, ne dia pusa kaye kumunduyama. We akadikhusamelaka, keli pusa kaye kumunduyama.

Ezekiyele 16:31

We akayihikela luudu la ladiku la kuma kʼosese tshe, akayatshela dihuli dia ladiku lu ahuli tshe wa hwe. We kundjala uku kanga luseka mete, ne dia we akonyola tshindu.

Ezekiyele 16:41

Vo wayu-tshumba mvudu yaye dja, wayukulumbuya la ntundu kʼamantu tshe. Dimi layukumiya luseka laye; we hutshindana tshindu ntu.

Ezekiyele 20:28

Lamʼakamakumia lu kete yakamatshibi dia mbasha, vo wakedia ashu utsha lu dikuna tshe diʼutali, utsha lʼutamba tshe wa pukaa. Vo wakalambulaka elambu awo leko, wakambukia kele la elambu awo. Vo wakalambulaka elambu awo wa malashi ndu elambu awo wa lutela.

Ezekiyele 23:5

Lamʼaki Ohola wadiemi, ndi akunana luseka; ndi akaleki nanga eseka andi, asukanyi andi, asi Asuriya.

Hosea 1:2

Etena ka ntundu kakateketa Latuyalaka le Hosea, Latuyalaka akatela Hosea ati: Tshoka, ututshuki umuntu kanga luseka, kuti la kanga luseka ana, ne dia wudja one watekamaka ditemolatemola, wambumo uma le mi, dimi Latuyalaka.

Hosea 2:5

Nyengewo akunanaka, one lakawauti akayasuwula. Ndi akati ati: Dimi layuyela eseka ami, Watumbishaka ma diami la ashi ami, Ahondo ami wa diosa diʼekoko, ndu wa linene, iso la dinono.

Hosea 3:3

Dimi lakawutela nti: Dieli la ye dia ntshikala la mi nshi efula. Tuyakimuki lu luseka, tuyalaki la pami kekina; ndu dimi layuyala pupu le ye.

Hosea 4:13

Vo watulambulaka elambu lʼete wʼekungu, Watutshumbaka malashi ladiku diʼakuna, La tshina diʼutamba wʼulungu, diʼusumba la diʼuwamba, Ne dia dedi diawo ndjalaka yoo-yoo. Uma lu dikambu so, mbatunanaka anʼanyu wʼamantu, Ndu mbatuyalaka alokayi anyu la luseka.

Hosea 9:1

Isariyele, tongenangenaki, Tulekaki ngenangena uku wedja ekina, Ne dia we akatemola dikishi, akaseke Unyashungu aye. We akalangi difutu dia mindu Lu anuli tshe wʼesuswelu kʼepunga.

Akambu wʼAsi Lewi 26:13

Dimi keli Latuyalaka, Unyashungu anyu, lakanyutundja uma lu kete ya Edjibitu, lakanyutshungula uma lu fumbi. Dimi lakatshatsha lokoho lanyu, lakanyokendjakendja esimboki.

Nahuma 1:13

Kakiane dimi lutsha mbokola lokoho landi leli ladiku diaye, Ndu lutsha mpimbula ekodi aye tenyi tenyi.

Euhwelu kʼElembe 12:2

Kanyutalanyaka ahuli tshe watotemolaka wedja wayunyutatshanyaka ditemolatemola diawo lʼekungu wʼetali, lu akuna ndu la tshina diʼutamba tshe weli la lumu.

Euhwelu kʼElembe 15:15

Nyuho nyati: Nyu nyaki fumbi lu kete ya Edjibitu, ku Latuyalaka, Unyashungu anyu, akanyutshungula. Diako mbamumunyudjela olembe one elo.

Euhwelu kʼElembe 26:17

Elo, nyu nyambetawo Latuyalaka ndjala Unyashungu anyu. Nyu nyambulaka dia nkendakenda lu mbuka yandi, la dia nama elembe andi, adjangu andi, welu andi la aui andi.

Euhwelu kʼElembe 4:20

Keli Latuyalaka akanyose, akanyutundja uma lu khuka ka mbulu, uma lʼEdjibitu, dia nyu ndjala wudja andi hita, uku wenyu elo kene.

Euhwelu kʼElembe 4:34

Undi, etemolatemola kemotshi kakiko, kakahimbi ntuyaosela wudja omotshi uma lʼatei a wudja ukina lʼahimbilu, tulimbitelu, akambu a mamba la ata, la lunya la wulu ndu lʼusimbwi, la sasi, uku akatshi Latuyalaka, Unyashungu anyu, lu ashu anyu lʼEdjibitu lu dikambu dianyu?

Euhwelu kʼElembe 5:27

Usukani, we, utulungi kene tshe kayuta Latuyalaka, Unyashungu asu. Weme kuyututeli kene tshe kayundutukutela. Shu tayukilunga, ndu tayukitsha.

Jashua 1:16

Ku vo wakakaluya Jashua diui vati: Shu tayutsha uku ambuyututela, ndu tayutsho lu ahuli tshe wayuyututuma.

Jashua 24:24

Ku antu wakûkaluya diui vati: Shu tayotemolaka Latuyalaka, Unyashungu asu, tayukitanyiaka diui diandi.

Jashua 24:26

Jashua akafundi aui ane lu buku diʼelembe wa Unyashungu. Ndi nkose dive dia wuki, akadieme lʼesi utamba wʼulungu waki lu etemwelo ka Latuyalaka.

Enyelo 17:1

Ondjelo omotshi uma lʼatei wʼandjelo esambeli waki la akoho akayi; akayumvutela ati: Uyi lindu keli ndjukenya elumbwelu ka umuntu kanga munanyi efula, ludjashi ladiku dia ashi efula.

Embadi 10:6

Asi Isariyele wakatshi kolo lu ashu wa Latuyalaka ntu. Vo wakatemola WaBala, WaAshetarota, ndu ditemolatemola diʼasi Suriya, diʼasi Sidona, diʼasi Moaba, diʼasi Amona, ndu diʼasi Filistiya. Vo wakaseke Latuyalaka, kumbotemola ntu.

Embadi 2:11

Asi Isariyele wakatshi kolo lu ashu wa Latuyalaka, wakatendela WaBala.

Embadi 2:13

Vo wakaseke Latuyalaka, wakatemola Bala la WaAshitarota.

1 Samuele 12:10

Ku vo wakaleli le Latuyalaka, vati: Shu takatshi kolo, ne dia takakutuni, we Latuyalaka. Shu takatendela WaBala la WaAshitarota. Kakiane, utushimbeli uma le atunyi asu, ku tayukotemolaka.