Jeremiya 19:4 - La Bible en Otetela (Bible K'Ekila) 1991

⁴ Vo wakanseke, wakalanya dihuli ne, wakatshumbela ditemolatemola diakiwo kumbeya, vo la washewo la khumi ya dikanga ya Juda, malashi loko. Vo wakaludia dihuli ne la dikila diʼantu waha la unungu.

Jeremiya 19:4 Iomraidhean Croise

2 Khumi ya Dikanga 21:16

Ndu Manase akatshulula dikila efula diaha la unungu, edja ndu ndi akadiludia Jerusalema uma la kuma pulu ndu la kuma kekina, ladiku dia kolo kakandanganyia Juda dia ntsha kene kaki kolo lu ashu wa Latuyalaka.

2 Khumi ya Dikanga 23:10

Ndi akafutanya Tofeta, kaki lʼukidi wʼana wa Hinome, diaha untu mbetsha onʼandi a pami kana umuntu lu dja dia nemia Moleke.

2 Khumi ya Dikanga 24:4

ndu ne dia dikila diaha la unungu diakandadianganya, diakandaludia Jerusalema la dio. Okone Latuyalaka kumbetawo nyimanyia dikambu so.

Esambu 106:38

Vo wakatundja dikila diʼantu waha la unungu, Ee, dikila dia ana awo wʼapami ndu dia anʼawo wʼamantu, Wakadiakela dikishi diʼasi Kanana, Ku kete yakalana la dikila.

Isaya 59:7

Ekulu awo watulawoka utsha lu kolo. Vo watusamanyaka dia ntutundja dikila diaha la unungu. Tukanyi tawo teli tukanyi ta kolo. Ohenyohenyo la elanyelu weko lu mbuka kawo.

Isaya 65:11

Keli nyu wane watonsekaka, dimi Latuyalaka, Watuhelaka ukungu ami wʼekila, Wakalela Lukulu lʼOlo mesa, Ndu wane wakasohanyia Wendjudi wanu.

Jeremiya 1:16

Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo.

Jeremiya 11:13

We Juda, uku eli efula kʼesumba anyu, mbeli efula ka ditemolatemola dianyu! Uku eli efula kʼesese wa la Jerusalema, mbakanyatshela engo kene ka sonyi diakelu, diakelu dia ntshumbela Bala malashi.

Jeremiya 15:6

We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 16:11

Ku we ayakaluya diui wati: Latuyalaka kata ati: Ne dia washenyu wakanseke, wakayelaka ditemolatemola, wakaditemolaka, la waka-dikhuselaka adui. Vo wakanseke, kunkitanyia elembe ami.

Jeremiya 17:13

Latuyalaka, we keli elungamelu ka Isariyele. Waku tshe watukosekaka, wayutshama sonyi. Waku wambangana uma le ye, Wayufundama kumbu la kete, Ne dia vo wambukoseka we Latuyalaka, eteko kʼashi wa lumu.

Jeremiya 17:20

Kutuwateli wati: Nyu khumi ya dikanga ya Juda, Juda tshe la asi Jerusalema tshe watotoka lu asuku ane, nyulungi diui dia Latuyalaka.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 2:13

Wudja ami wambutsha kolo hyendi: Vo wakanseke, dimi eteko kʼashi wa lumu, Ndu wakayatshimela afuku wʼashi, Wako weli la elonge, waheyi nkimela ashi.

Jeremiya 2:17

Aha ne dia nyu nyakaseke Latuyalaka, Unyashungu anyu, Lamʼakandayanyolombolaka lu mbuka, Mbambuyala dikambu ne le nyu?

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 2:30

Dimi lakayaenya pa anyanya dia nsuya anʼanyu. Vo kumbidja tukanyi nduku yema lu wetshelu. Nyu nyakadiaki amvutshi anyu la tombo. Uku atuwudiakaka tambwe kadiakana.

Jeremiya 2:34

Dikila diʼasi wula diaha la unungu, Diatutanemaka lu ahondo anyu, wakinyu kumunda wava diango. Keli ladiku diʼakambu aso tshe,

Jeremiya 22:17

Keli ashu aye la utema aye ntshokaka paka lu saki ka diango, Dia ntshulula dikila diaha la unungu, La dia ntsha akambu a wengiya la wa ndjawudi.

Jeremiya 22:3

Latuyalaka kata ati: Nyusambulaki akambu ololo ndu usimbwi. Nyushimbelaki omenyi fono uma lʼanya wʼusuyanyi. Tanyutshelaki ongendangenda, ona etshiki, la wadi aki udu kolo kana akambu wa ngala. Tanyutshululaki dikila diʼuntu laha la unungu lu dihuli ne.

Jeremiya 26:15

Dikambu otoi, nyeyi nyati: Naka nyu nyayundjaka, nyayuyakitshiya dikila diaha la unungu lu ete anyu, nyu, usumba one, la wane wudjashi loko; ne dia mete, Latuyalaka kakantumi dia dimi nyutela aui aso tshe.

Jeremiya 26:23

Vo wakatosa Uriya uma lʼEdjibitu, wakatuya la ndi le khumʼekanga Jehoyakima, ndi akudiaki la yombo, akakadja udu andi lu waumbu wʼantu kʼantu.

Jeremiya 44:3

ne dia kolo kakawatshi dia mbutshami dikeli lamʼakawatshokaka dia ntutshumbela ditemolatemola malashi la ditemola, diakiwo kumbeya, vo, nyu, kuyanga washenyu.

Jeremiya 5:6

Diako mbayadiaka tambwe ka lʼukunda, Mbayalanya laundu la lʼusui wa shenga, Mbayahulanela koi lu esumba awo. Wane tshe wayutumba uma loko, wayundama, Ne dia diakelu diawo diʼelembe diaya efula, La ehedia awo wambufulanela.

Jeremiya 7:6

naka nyu hanyengiya ongendangenda, ona etshiki, wadi aki udu; naka nyu hanyutshulula dikila diʼuntu laha la unungu lu dihuli ne, ndu naka nyu hanyuyeli dite-molatemola dia ndjatungela elanyelu,

Jeremiya 7:9

Undi, nyu nyayuvaka, nyayudiakaka antu, nyayunanaka luseka, nyayutshibaka utshibatshiba, nyayutshumbelaka Bala malashi, nyayuyelaka ditemolatemola diahanyeye?

Delu dia Jeremiya 4:13

Dikambu so diakayala, ne dia kolo yʼamvutshi awo. La ehedia wa elombedi awo, Wakatshulula dikila diʼantu wʼololo lʼatei awo.

Ezekiyele 20:26

Dimi lakasanya uma lʼelambu awo, ne dia vo waketsha yata kundu yawo tshe lu dja. Diako mbakamatshiki anyanya, dia vo mbeya vati: Dimi keli Latuyalaka.

Ezekiyele 7:22

Dimi layukadimula elundji kami uma le wo. Vo wayulanya dihuli diami dia ngandji. Evi wayoto loko, wayudilanya,

Ezekiyele 8:11

Apami akumi esambeli uma lʼatei a dihangamendi dia khumbu ka Isariyele wakemala la ntundu kadio. Kʼatei awo kakemadi Jazaniya, onʼa Shafana. Untu tshe akakimela lukinga landi la ntshumba malashi lu lunya, ku dinga dia malashi diakambela.

Danyele 11:31

Alimbi wayuya uma lu diui diandi, wayusanya etemwelo la lungeli lato, wayotola ulambu wa lutshumba wa la lushi la lushi. Vo wayei engo ka wononyi, katutungaka elanyelu.

Luka 11:50

Okone akila tshe wakatshulwama uma lʼetatelu kʼandja, wayali dikambu dia wa lolonga lone,

Euhwelu kʼElembe 13:13

Tufumbofumbo tomotshi tʼantu takatumbi uma lʼatei anyu, wakatukesa wane wudjashi lʼusumba vati: Tutshu, tutotemole ditemolatemola diahanyeyi,

Euhwelu kʼElembe 13:6

Naka onanyo la pami, lakuto laye utema otoi, kana onʼaye la pami kana la umuntu, kana umuntu lukaye ngandji, kana ongenyi aye lalangaye uku ayalangaye, ayukotombosha lu usheshe ati: Tutshu, tutotemole ditemolatemola diahayeyi ndu diaki washo kumbeya,

Euhwelu kʼElembe 28:20

Latuyalaka ayunyutumela mananu, ufutanu ndu lukulu lʼengeno lu akambu tshe wayunyushak, edja ndu lamʼayunyulanyema la nshila shashimuya dikambu dia etsha anyu wa kolo, ne dia nyu nyambonseka.

Euhwelu kʼElembe 28:36

Latuyalaka ayunyotola, nyu la khumʼekanga kanyu, utsha lu wudja wahanyeyi, ndu waki washenyu kumbeya. Ku nyu nyayutotemola ditemolatemola, diʼetamba ndu diʼave leko.

Euhwelu kʼElembe 28:64

Latuyalaka ayunyuhandjula lʼatei a wedja tshe, uma la kuma kemotshi ka kete pulu ndu la kuma kekina. Nyu nyayutatemolaka ditemolatemola diʼetamba la diʼave diahanyeyi, ndu diaki washenyu kumbeya.

Enyelo 16:6

Ne dia vo wakatshulula dikila dia Ekilami ndu dia amvutshi, We akawasha dikila dia vo no. Vo mbukuki dino!

Embadi 5:8

Vo wakasonola ditemolatemola diʼeyuyu, Ku ta diakayala lu asuku a ngelu yawo; Undi, engawu kana dikonga akenamaka Lʼatei wa nunu akumi anei lu Isariyele uka?