Jeremiya 18:8 - La Bible en Otetela (Bible K'Ekila) 1991

⁸ naka wudja ako wakamataka aui wayukadimo uma lu kolo yawo, dimi layolemba utema dia kolo kakamasanguya mbatshela.

Jeremiya 18:8 Iomraidhean Croise

2 Ekondo 12:6

Ewandji wa Isariyele la khumʼekanga wakayakitshakitsha, wakati vati: Latuyalaka keli ololo.

Esambu 106:45

Ndi akuho daka diandi le wo, Akalembe utema, ne dia efula ka ngandji kandi ka shikaa.

Esambu 135:14

Latuyalaka ayulumbuya wudja andi, Ku ndi ayolemba utema le ekambi andi.

Esambu 90:13

We Latuyalaka, etena kakona kayuyukalula? Uki ekambi aye ketshi!

Etumbelu 32:12

Ukundi ukuki asi Edjibitu mvuta vati: La kanyi ya mbatshela kolo mbakandatundja, dia mbadiaka lu ekungu, la mbashila ushiki ladiku dia kete? Ukadimo uma lʼududu wa kele kaye, olembe utema uma lu kolo kene, tutshelaki wudja aye kolo.

Etumbelu 32:14

Latuyalaka akalembe utema uma lu kolo kakandakani dia ntshela wudja andi.

Jeremiya 12:16

Naka wedja ene wayokolamela mbekela ditshelu dia wudja ami, dia ntshiba lu lukumbu lami vati: Uku eli Latuyalaka la lumu! Uku akawetsha wudja ami dia ntshibela Bala, ku vo wayongona lʼatei a wudja ami.

Jeremiya 15:6

We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 26:13

Okone nyolongosole mbuka yanyu la etsha anyu kakiane, nyukitanyia diui dia Latuyalaka, Unyashungu anyu. Ku ndi ayolemba utema lu elanyelu kakandati lu dikambu dianyu.

Jeremiya 26:19

Hezekiya, khumʼekanga ka Juda, la Juda tshe wakudiaki uka? Undi, ndi kumbuka Latuyalaka woma? Ndi konsengasenga Latuyalaka dia ndi mbuka ketshi? Latuyalaka konemba utema lu elanyelu kakandati dikambu diawo uka? Shu tuyanga ndjatungela unungu a wuki.

Jeremiya 26:3

Undu, vo wayulunga, wayukadimo untu lʼuntu uma lu mbuka kandi ka kolo, dia dimi nemba utema uma lʼelanyelu kakamasanguya mbatshela, ne dia etsha awo wa kolo.

Jeremiya 36:3

Ku lamʼayuka khumbu ka Juda lukumu la elanyelu tshe kamumusanguya mbatshela, undu, vo wayuka-dimo untu lʼuntu uma lu mbuka kandi ka kolo, ku dimi layadimanyia ehedia awo la kolo kawo.

Jeremiya 42:10

Naka nyu nyayutshikala lu kete nye, dimi layunyushikike loko. Dimi halunyudiaka. Dimi layunyune, halunyu-nula, ne dia lambuyatshumuya dia kolo kakamanyutshela.

Ezekiyele 18:21

Naka untu a kolo ayukadimo uma lu kolo yandi yakandatshaka, ndu ayulamaka elembe ami, la ayutshaka kene keli ololo ndu usimbwi, mete ndi ayulumba; ndi liuvo.

Ezekiyele 33:11

Uwateli wati: Khumadiondjo Latuyalaka kata ati: Uku wemi la lumu! Dimi hangenangena nyoi kʼuntu a kolo! Dimi nangaka ndi nkalula uma lu kolo kandi, la ndi ndjaja la lumu. Nyukaluli, nyukaluli uma lu mbuka yanyu ya kolo. Khumbu ka Isariyele, ukundi alanganyu mvo?

Ezekiyele 33:12

We onʼa untu, uteli asi wudja aye wati. Ololo wʼuntu ololo huwahandja lu lushi lʼuhedia andi; la kolo kʼuntu a kolo huwalembia lu lushi lalangandi mumo uma lu kolo kandi; pupu ndu untu ololo heyi ntshikala la lumu lu ololo andi lu lushi lʼuhedia andi.

Ezekiyele 33:13

Kuyanga dimi lambutela untu ololo dia ndi numba, keli naka ndi ayekama ololo andi, ndu ambutsha kolo, etsha andi wʼololo tshe wayuhamamela. Ku ndi ayuvo lu kolo kakandatshi.

Ezekiyele 33:14

Ndu naka dimi lambutela untu a kolo nti: Mete, we ayuvo! Keli naka ndi ambukalula uma lu kolo kandi, ambutsha akambu wʼusimbwi la wʼololo,

Hosea 11:8

Ukundi eyami nkukadja, we Efarayima? Ukundi eyami nkukimo, we Isariyele? Ukundi eyami nkete uku Adem? Ukundi eyami nkutshela uku Zeboyima? Utema ami ambulungula; Ketshi kami kambuyala otekoya.

Amose 5:15

Nyuhetsha kolo, nyulangi ololo, Nyushikike sambu kʼololo la suku, Undu Latuyalaka, Unyashungu Kanga lulimbilimbi, Mbeyaka mbuka atshikadi wa Josefu ketshi.

Jona 4:2

Ndi akalombe Latuyalaka ati: Latuyalaka li, ulungi, aha dikambu ne mbakamatakutedi lamʼakimi lu kete yasu? Uma lu dikambu diako, mbakamasamanya dia ndawo utsha la Tarashishi. Dimi lakeyi nti. We eli Unyashungu, kanga ngandji ka mamba, lahatukaka kele esadi, luludi too la ngandji ka shikaa, latolembaka utema, diaha ntshela antu kolo.

Euhwelu kʼElembe 32:36

Latuyalaka ayamela wudja andi; Ayuka ekambi andi ketshi Lamʼayundena ati: Wulu awo ambushila, La nduku otoi wekeko, fumbi kana luyadjasedi.

Embadi 2:18

Lamʼakatundjiya Latuyalaka embadi, Latuyalaka akayalaka kame lʼumbadi, akashimbela uma lʼanya wʼatunyi awo lu nshi tshe ya lumu lʼumbadi ako. Ne dia Latuyalaka akalembe utema lamʼakawakhumaka akhumu ne dia asui wakawasuyaka.