Jeremiya 18:12 - La Bible en Otetela (Bible K'Ekila) 1991

¹² Keli vo mvutaka vati: Dikambu so anyanya! Shu tayuyelaka paka tukanyi tasu, shu tshe tayutshaka uku saki yʼetema asu wa kolo.

Jeremiya 18:12 Iomraidhean Croise

Etatelu 6:5

Latuyalaka akenyi ati: Kolo kʼantu kambuhama efula la kete, ndu tukanyi tshe tʼetema awo ndjalaka kolo ketu nshi tshe.

Etatelu 8:21

Lamʼakuki Latuyalaka upumu wʼololo wʼulambu, ndiakati lʼutema andi ati: Dimi handjudja kete mananu ntu dikambu dia kolo kʼuntu. Mete, tukanyi tʼutema wʼuntu mbatuyalaka kolo umaka nshi yandi ya dikenda. Dimi handjulanya diango tshe dieli la lumu ntu uku akamatshi.

2 Khumi ya Dikanga 6:33

Kama akandateketaka la wo, ku khumʼekanga ambukuma. Ndi akati ati: Enda, kolo kene kambuya uma le Latuyalaka; kakamalungamela ntu uma le Latuyalaka?

Isaya 57:10

Nyu nyakalembe lu lokendo lanyu. Nyu kumvuta nyati: Tambuheko. Nyakakundja wulu wʼuyuyu, mbakinyu kunkita balakata.

Isaya 65:2

Dimi lakasimbula anya ami nshi tshe Le wudja wʼakanga wʼuhedia, Watokendakendaka lu mbuka ya kolo, Watuyelaka tukanyi tawo.

Jeremiya 11:8

Keli vo kunkitanyia kuyanga mpuke atui. Vo tshe wakayelaka saki yʼetema awo wa kolo. Diako mbakamashidiya aui tshe wa sheki nye, yakamawadjangela dia nama, keli vo kumbalama.

Jeremiya 16:12

Keli nyu nyakatshi kolo ndeka washenyu, ne dia nyu tshe untu lʼuntu akayelaka saki kʼutema andi a kolo. Nyu kumbukelami.

Jeremiya 2:25

Tanyutshikaki ekulu anyu hwe, tanyumiaki weudi anyu tu! Keli nyu mvutaka nyati: Kema, aui aso anyanya, Ne dia shu tatulangaka ditemolatemola dia wedja, tayudiyelaka.

Jeremiya 23:17

Vo watutelaka waku watutunaka vati: Latuyalaka kata ati: Nyu nyayuyala la ki. Vo watutelaka waku tshe watuyelaka saki yʼetema awo vati: Nduku kolo kayukuma le nyu.

Jeremiya 3:17

Lu etena keso, wayeta Jerusalema vati: Kiti ka diulelu ka Latuyalaka. Wedja tshe wayusangana la Jerusalema lu lukumbu la Latuyalaka. Vo hawuyela saki yʼetema awo wa kolo.

Jeremiya 44:17

Keli shu tayutshaka akambu tshe uku wutshisu dia ntshumbela khumʼekanga ka umuntu ka lʼulungu malashi, la dia mbulambulaka elambu wa lutela, uku akatatshaka, shu la washesu, khumi ya dikanga yasu la ewandji asu lu esumba wa Juda ndu lu tushinga ta Jerusalema, ne dia lu nshi sho, shu takayalaka la mbu ya nde efula, takenaka olo, kumpumoka nduku lukulu lʼengeno.

Jeremiya 6:17

Dimi lakakitsha alami lasuki la wudja aye nti: Nyuhukami lundju la dimama! Keli vo wakakaluya diui vati: Shu hatuhukama.

Jeremiya 7:24

Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu.

Ezekiyele 37:11

Ndi akamvutela ati: Onʼa untu, weka ene weli khumbu ka Isariyele tshe. Ku vo mvutaka vati: Weka asu wakumi, elungamelu kasu kakashili; shu takombiombiama tshe.

Malaki 3:14

Nyu nyakati nyati: Eko anyanya dia ntemola Unyashungu. Waho akona weko, wakatahumbi nama okende andi, ndu wakatahumbi nkendakenda la ntundu ka Latuyalaka Kanga lulimbilimbi?

Luka 1:51

Ndi akenya antu wulu wa lunya landi. Ndi akadianganya akanga wʼetaku lu tukanyi tʼetema awo.

Euhwelu kʼElembe 29:19

Okone lamʼayuka untu ako aui wa daka ne, ndi atukuyasema lʼutema andi ati: Dimi layuyala la ki, kuyanga layuyala la lunyu lʼutema ami. Dikambu so mbeyaka minya ashashi ndu wumu pupu.