Jeremiya 18:11 - La Bible en Otetela (Bible K'Ekila) 1991

¹¹ Okone, kakiane otekete lʼasi Juda la wane wudjashi la Jerusalema wati: Latuyalaka kata ati: Nyulungi, lambolongosola elanyelu dikambu dianyu. Dimi lambusanguya dia nyutshela kolo. Nyukaluli untu lʼuntu uma lu mbuka kandi ka kolo, nyolongosole mbuka yanyu la ditshelu dianyu.

Jeremiya 18:11 Iomraidhean Croise

Etatelu 11:7

Tutshu, tuhulo, tutufutanya oteketa awo, vo watukukana lamʼateketawo.

1 Khumi ya Dikanga 22:23

Okone nyulungi, Latuyalaka akadji nyuma ka kashi lu enyo wʼamvutshi aye ane tshe; Latuyalaka akati kolo lu dikambu diaye.

2 Khumi ya Dikanga 17:13

Latuyalaka akatela Isariyele la Judalʼunyo wʼumvutshi tshe ndu lʼunyo wʼomenyi tshe wʼakambu wahatayi ati: Nyukadimo uma lu mbuka yanyu ya kolo, nyukitanyia elembe ami la adjangu ami, uku elembe tshe wakamadjela washenyu, ndu wakamanyutumela le ekambi ami amvutshi.

2 Khumi ya Dikanga 22:13

Nyutshu, nyututumbweli Latuyalaka, dimi, wudja la Juda she, lu dikambu dia aui weli lu buku ne diakawashudi. Ududu wa Latuyalaka waya wuki le su, ne dia washesu kunkitanyia aui wʼuma lu buku ne ndu kuntsha kene kakafundami loko lu dikambu diasu.

2 Khumi ya Dikanga 5:5

Ku khumʼekanga ka Suriya akawutela ati: Uneli, utshu la Samariya, dimi layutumela khumʼekanga ka Isariyele mukanda. Ndi akatshu kame la talata ya fesa dikumi, la toshekele ta paunyi nunu samalu, la ahondo dikumi wa ndota.

Isaya 5:5

Kakiane dimi layukutela Kene kayumutshela ekambo kami. Dimi layuhandjula lukumbu lato, Ku to kayutshumbama. Dimi layunyukula peli diato, Ku to kayukamamela la ekulu.

Isaya 57:1

Untu ololo avo, ku nduku untu ladja yimba lu dikambu diako. Akanga wa ketshi watunyemaka, ku nduku lakana ati: Untu ololo ambunyema la ntundu kʼelanyelu.

Jeremiya 11:11

Diako mbata Latuyalaka ati: Dimi layuwaela elanyelu kahaweya mpanda. Vo wayundelelela, keli dimi haluwaukela.

Jeremiya 11:19

Dimi laki uku onʼokoko latawalombola utsha lʼediakelu. Dimi kumbeya sheki yakawambidjela vati: Tulanya utamba kame la elua awo! Tuwunya uma lu kete ya wasena, Diaha antu mbuho lukumbu landi ntu.

Jeremiya 18:18

Vo wakatanela vati: Nyeso, tudjeli Jeremiya sheki, ne dia elembe hawushisho le elombedi, alaka le akanga a yimba, kuyanga aui le amvutshi. Nyuyeti, tutudiaki lʼaui, tatulungaki aui andi nduku yema.

Jeremiya 19:15

Latuyalaka, Unyashungu wa Tsariyele, Kanga lulimbilimbi, kata ati: Nyuki, dimi lutsha mbela elanyelu lu usumba one la ngelu tshe ya lʼokongo awo, kakamataka lu dikambu diawo, ne dia vo wakayala la ete wulu, diaha vo nunga aui ami.

Jeremiya 19:3

Kuti wati: Nyu khumi ya dikanga ya Juda, nyu asi Jerusalema, nyulungi aui wa Latuyalaka. Latuyalaka, Unyashungu wa Isariyele, Kanga lulimbilimbi, kata okone ati: Nyuki, dimi lutsha mbela elanyelu lu dihuli ne, wuhu wayula atui a waku wayuka.

Jeremiya 25:2

Diui diako mbakatela umvutshi Jeremiya wudja tshe wa Juda la waku tshe wakadjashi la Jerusalema, ati:

Jeremiya 25:5

Nyukaluli nyu tshe untu lʼuntu uma lu mbuka kandi ka kolo, ndu uma lu kolo kʼetsha anyu. Nyudjase lu kete yakanyusha Latuyalaka, nyu la washenyu, uma lu nshi yʼedjedja edja ndu pundju.

Jeremiya 26:13

Okone nyolongosole mbuka yanyu la etsha anyu kakiane, nyukitanyia diui dia Latuyalaka, Unyashungu anyu. Ku ndi ayolemba utema lu elanyelu kakandati lu dikambu dianyu.

Jeremiya 26:3

Undu, vo wayulunga, wayukadimo untu lʼuntu uma lu mbuka kandi ka kolo, dia dimi nemba utema uma lʼelanyelu kakamasanguya mbatshela, ne dia etsha awo wa kolo.

Jeremiya 3:1

Vo mvutaka vati: Naka pami amboseka wadendi, la umuntu ambumo lakandi, Ku ndi ambututshukama la pami kekina, pami kako ayukaluya ntu uka? Undi, ndu kete hayusana la dikambu diako? Nyu nyakanseke, nyakatemola ditemolatemola efula. Keli nyukaluli le mi, mbata Latuyalaka.

Jeremiya 3:22

Nyu ana wʼehedia, nyukaluli, Ku dimi layunyudimanyia ehedia anyu. Nyendi, shu tambuya le ye, Ne dia we keli Latuyalaka, Unyashungu asu.

Jeremiya 35:15

Ndu dimi lakanyutumelaka ekambi ami amvutshi umaka pindju, dia nyutela vati: Nyukaluli kakiane untu lʼuntu uma lu mbuka kandi ka kolo, nyolongosole akambu anyu, tanyuyelaki ditemolatemola dia ditemola, ku nyu nyayudjase lu kete yakamanyusha, nyu la washenyu. Keli nyu kumpuke atui, kumbukelami.

Jeremiya 36:3

Ku lamʼayuka khumbu ka Juda lukumu la elanyelu tshe kamumusanguya mbatshela, undu, vo wayuka-dimo untu lʼuntu uma lu mbuka kandi ka kolo, ku dimi layadimanyia ehedia awo la kolo kawo.

Jeremiya 36:7

Undu, vo wayuyakitshakitsha lʼosengosengo la ntundu ka Latuyalaka. Undu, vo tshe untu lʼuntu ayukalula uma lu mbuka kandi ka kolo, uma lʼaui wakati Latuyalaka. Kele kandi la ududu andi wambufulanela le wudja one.

Jeremiya 4:1

Isariyele li, naka nyu nyayukalula, mbata Latuyalaka, Le mi kahumbanyu nkalula. Naka nyu nyayunya akambu anyu wa wononyi la ntundu kami, Nyu hanyuyala tekeko.

Jeremiya 4:14

Asi Jerusalema li, nyedia etema uma lu kolo, Dia nyu nshimbamela! Edja ndu kaandi ayunyukimo nama tukanyi ta kolo lu etema anyu?

Jeremiya 4:23

Dimi lakenyi andja, Ku vo waki anyanya ndu watalongoswama. Lakenyi ulungu, ku vo kundjala lʼusasi.

Jeremiya 4:6

Nyedia ekuhu ka koi utsha la Siona. Nyulawo, nvuyashimbeli, tanyutshimbatshimbaki, Ne dia dimi lutsha mbela kolo uma la ngelʼa kushi, elanyelu ka wuki.

Jeremiya 51:11

Nyoketemole akhuwa! Nyukimeli dingawu. Latuyalaka ambutshutshiya, ndu ambuhashahasha tukanyi ta khumi ya dikanga yʼasi Mediya, ne dia ndi ambusanguya nanya Babilona. Oso eli esombweyo ka Latuyalaka, ee, esombweyo ka etemwelo kandi!

Jeremiya 7:3

Latuyalaka Kanga lulimbilimbi, Unyashungu wa Isariyele, kata ati: Nyolongosole akambu anyu la etsha anyu, ku dimi layetawo nyu mbidjase lu dihuli ne.

Ezekiyele 13:22

Nyu nyakanyangia etema wʼantu wʼololo la kashi, wakimi kunyangia. Nyu nyakakikitsha anya wʼantu wa kolo, ne dia vo watukukalula uma lu mbuka yawo ya kolo la numba.

Ezekiyele 18:23

Khumadiondjo Latuyalaka kambula ati: Undi, dimi layongenangena lu nyoi kʼuntu a kolo? Dimi haleki nanga ndi nkalula uma lu mbuka kandi ka kolo, la ndi numba uka?

Jona 3:8

Keli ndu antu ndu nyama walote akutu, waleleli Unyashungu wulu. Vo tshe, untu lʼuntu akaluli uma lu mbuka kandi ka kolo, ndu uma lu akambu wa ngala weli lʼanya andi.

Mika 2:3

Diako mbata Latuyalaka ati: Nyuki, dimi lambusanguya dia ntshela khumbu kene kolo, Kahanyeya ndawuya kingu yanyu, Kuyanga nkendakenda lʼutaku, Ne dia oso ayuyala etena ka kolo.

Zekariya 1:3

Okone utuwateli wati: Latuyalaka Kanga lulimbilimbi kata ati: Nyukaluli le mi, ku dimi layukalula le nyu.

Etsha wa Atumami 26:20

Ntundu, dimi lakatela wa la Damaseke, ndu wa la Jerusalema, ndu wa lu leke la Judiya tshe, ndu asi wedja nti: Nyukadimuli etema le Unyashungu. Nyutshaki akambu uku ukadimudinyu etema.

Jakoba 4:13

Nyuyi nyu wane watutaka nyati Elo kana lui tayutsho lʼusumba a wuhu one la wuhu one, tayutshikala leko eleku tshe, tayetetaka ukanda, tayukundja waho.

Jakoba 5:1

Keli nyu, akanga wʼengonyi, nyuyi, nyuleli, nyawani, ne dia asui waya ka ndjate nyu!