Jeremiya 18:10 - La Bible en Otetela (Bible K'Ekila) 1991

¹⁰ naka wudja ako wayutsha kolo la ntundu kami, diaha nkitanyia aui ami, dimi layukadimo uma lʼololo wakamasanguya mbatshela.

Jeremiya 18:10 Iomraidhean Croise

Esambu 125:5

Keli waku watetolaka lu mbuka yahasimbwi, Latuyalaka alombole utsha lʼelanyelu kame la atshi wa kolo! Keli ki kayali le Isariyele.

Ezekiyele 18:24

Keli naka untu ololo ayukadimo uma lu ololo andi, naka ndi ayutsha kolo, ndu ayutsha akambu tshe wa wononyi watutshaka untu a kolo, ndi ayulumba uka? Akambu andi tshe wʼololo wakandatshaka wayuhamela. Lu uhedia wakandatshi ndu lu kolo kaka-ndatshi, kayunduvo.

Ezekiyele 33:12

We onʼa untu, uteli asi wudja aye wati. Ololo wʼuntu ololo huwahandja lu lushi lʼuhedia andi; la kolo kʼuntu a kolo huwalembia lu lushi lalangandi mumo uma lu kolo kandi; pupu ndu untu ololo heyi ntshikala la lumu lu ololo andi lu lushi lʼuhedia andi.

Ezekiyele 33:18

Naka untu ololo ambukadimo uma lʼololo andi, ambutsha kolo, ndi ayuvo lu kolo kako.

Ezekiyele 45:20

Kutshelaki wane watutshaka kolo ya-hawatungi lutunga, kana uma lu dinginya diawo, wuhu ako lu lushi lʼesambeli la ngondo. Osoku mbayunyedia etemwelo.

Zefaniya 1:6

Waku wakakadimo uma le Latuyalaka, Waki kunyanga Latuyalaka kuyanga mbumbula ushiki.

Walelu 14:22

antu ako tshe wakenyi lutumbu lami ndu tulimbitelu takamatshaka lʼEdjibitu, ndu lʼusui wa shenga, wakambedika tena dikumi ndu kumbukaka diui diami,

Walelu 14:23

hawena kete yakamalaki dia mbisha washewo. Waku tshe wakamonyola, hawuyena.

Walelu 14:34

Uku efula ka nshi yakanyatshu dia ntukemba kete, nshi akumi anei, mbayunyusuwa deku akumi anei uma lu kolo kanyu. Lushi otoi layuyala eleku otoi. Ku nyu nyayulimbitela lunyangu lami.

1 Samuele 13:13

Samuele akakaluya Saulu diui ati: We ambutsha uku enginya. We kunama olembe wakakundjela Latuyalaka, Unyashungu aye. Latuyalaka akalangi nshikike diulelu diaye lu Isariyele pundju.

1 Samuele 15:11

Dimi lambuyatshumuya ne dia lakadji Saulu khumʼekanga, ne dia ndi ambukadimo uma le mi, hayukitanyia elembe ami. Samuele akuki kele, akaleli utshu tshe la ntundu ka Latuyalak

1 Samuele 15:35

Samuele kuntsho ntu la ntenana la Saulu edja ndu lushi landi la nyoi. Keli Samuele akalelaka lu dikambu dia Saulu. Ndu Latuyalaka akayatshumuya, ne dia ndi akadji Saulu khumʼekanga ka Isariyele.

1 Samuele 2:30

Okone Latuyalaka, Unyashungu wa Isariyele, kata ati: Dimi lakataka nti: Mete, wa lu luudu laye la wa lu luudu la sho wayokendakendaka la ntundu kami pundju. Keli kakiane dimi Latuyalaka, kata nti: Kanyi sho yeko etali uma le mi. Wane watonemiaka, mbayumolemia, la wane watomonyolaka, wayonywama.