Jeremiya 17:5 - La Bible en Otetela (Bible K'Ekila) 1991

⁵ Latuyalaka kata ati: Mananu kayali le untu latekamaka untu, Lateteka umunyi usuko andi, Latetoyaka utema andi uma le Latuyalaka.

Jeremiya 17:5 Iomraidhean Croise

2 Ekondo 16:12

Asa akayala la kandji lu akaka lu eleku kʼakumi asatu la divwa ka diulelu diandi. Kandji kako kakuheki wulu. Kuyanga mbakindi la kandji, ndi kunyanga Latuyalaka, akayangi paka wetshi.

2 Ekondo 32:8

Lunya lʼuntu mbeli kame la ndi, keli Latuyalaka, Unyashungu asu, eko kame la su dia ntukimanyia la ntolwela ata asu. Ku wudja wakekama aui wa Hezekiya, khumʼekanga ka Juda.

Esambu 18:21

Ne dia dimi lakakolamelaka lu mbuka ya Latuyalaka, Dimi kundjala la dikambu dia kolo dia minyami uma le Unyashungu ami.

Esambu 62:9

Mete antu kʼantu, anyanya mbewo. Ndu antu a waki, akanga kashi mbewo. Naka vo wayedikama lu kilo, Vo tshe kame wayuleka luwi lafufa untu usadi.

Isaya 2:22

Nyukimo mbekama le untu, Latutundjaka etenyi ka lumu lʼehembe andi, Na engo kendi na?

Isaya 20:5

Wayu-ndama la woma, wayolombo la sonyi, dikambu dia Etiyopiya diakawalungamelaka, la dikambu dia Edjibitu diakawayasemaka.

Isaya 36:6

Enda, we ambekama ukalimba wʼEdjibitu, lo-kombe lambowele. Lo layuhumuya untu tshe layulekama, layutundula lunya landi. Osoku mbatutshelaka Farayo, khumʼekanga kʼEdjibitu, antu tshe watuwekamaka.

Isaya 59:15

Mete kakahumbama. Okone one latumoka uma lu kolo, atundamaka. Latuyalaka akenyi dikambu so, keli ndi kongenangena, Ne dia akambu wʼusimbwi tawakiko.

Jeremiya 11:3

Uwateli wati: Latuyalaka, Unyashungu wa Isariyele, kata ati: Mananu kayali le untu lahalungi aui wa sheki nye!

Ezekiyele 6:9

Wane wayutshikala lʼatei anyu, wayutumbuho lʼatei a wedja wayuwotolama fumbi lamʼayumata etemʼawo wa kolo wakawanganyia uma le mi, ndu lamʼayumula ashu awo wakawaetoya dia vo ntemola dikishi. Vo wayutuyahetsha dia kolo yakawatshaka, ndu ne dia akambu awo tshe wa wononyi.

Hosea 1:2

Etena ka ntundu kakateketa Latuyalaka le Hosea, Latuyalaka akatela Hosea ati: Tshoka, ututshuki umuntu kanga luseka, kuti la kanga luseka ana, ne dia wudja one watekamaka ditemolatemola, wambumo uma le mi, dimi Latuyalaka.