Jeremiya 17:3 - La Bible en Otetela (Bible K'Ekila) 1991

³ Ekungu ami wa lʼusui li, dimi layukimo ukundji anyu la ongonyi anyu diango dia dimbu, ndu ahuli anyu wa ladiku lu kete yanyu tshe, ne dia kolo yanyu.

Jeremiya 17:3 Iomraidhean Croise

2 Khumi ya Dikanga 24:13

Ndi akatundja diango tshe uma lu waumbelu wa lu luudu la Latuyalaka, la uma lu waumbelu wa luudu la khumʼekanga. Ndi akudiudia diango diʼulimu tshe wa paunyi wakatatshi Solomona, khumʼekanga ka Isariyele, lu luudu la Latuyalaka, uku akati Latuyalaka.

Esambu 78:58

Vo wakawukia kele lu temwelo diawo dia lu alunga, Wakawukia kandjema la dikishi diawo.

Isaya 27:9

Kolo ka Jakoba kayudimanyiama. Ku ulua wʼedimanyelu ka kolo kandi ayenama okone: Ndi ayete ave tshe wʼediakelu efushi etu, uku pembe, Edja ndu dikishi dia WaAshera la difanyelu dia unya hadienama ntu.

Jeremiya 12:12

Ananyishi wambudela lu ete wʼakuna tshe wa lʼusui, Ne dia yombo ya Latuyalaka yatudiakaka Uma lu kuma ka kete kemotshi edja ndu kuma kekina. Nduku untu leli la ki.

Jeremiya 15:13

Dimi layukimo diango dianyu la engonyi anyu ukimokimo, dia vo ndjala diango dia dimbu dikambu dia kolo yanyu tshe, lu kete yanyu tshe.

Jeremiya 20:5

Dimi layukimo ekundji tshe wʼusumba one, engonyi awo tshe, diango diawo tshe diʼushinga a wulu, waumbelu wa khumi ya dikanga ya Juda, lu anya wʼatunyi awo. Vo wayuwamba, wayuwaosa, wayatola utsha la Babilona.

Jeremiya 21:13

We usumba wudjashi lʼukidi ladiku dia dive dia lʼusui, Dimi la ye dikambu, mbata Latuyalaka. Nyu mvutaka nyati: Akona eya mpulo dia ndjolo la su? Akona eya mboto lu adjaselu asu?

Jeremiya 26:18

Mika, usi Moreshete, akataka akambu wahatayi lu nshi ya Hezekiya, khumʼekanga ka Juda. Ndi akatela wudja wa Juda tshe ati: Latuyalaka Kanga lulimbilimbi kata ati: Siona ayufusama uku lafusa ekambo. Jerusalema ayuyala tuta diʼave La ukungu wa luudu la Latuyalaka ayuyala uku ukunda wa lʼukungu

Delu dia Jeremiya 1:10

Utunyi ambusimbula anya andi Ladiku dia diango diayo tshe diʼushinga a wulu. Ee, yo yakenyi wedja wamba Diango dia lu etemwelo kayo, Waku wakaseke dia mboto lʼului wʼantu aye!

Ezekiyele 16:39

Dimi layukukimo lu anya awo. Vo wayunyukula luudu laye lʼetemolatemola, wayulanya ahuli aye wa ladiku. Vo wayukukulula ahondo aye, wayukohotola dengalenga diaye, wayukutshika utakataka.

Ezekiyele 23:46

Khumadiondjo Latuyalaka kata ati: Dimi layutuma ului wʼantu dia ndo la wo, dimi layakimo lu anya awo dia vo mbasuya la mbahotola diango.

Ezekiyele 6:3

Nyu ekungu wa Isariyele, nyulungi diui dia Khumadiondjo Latuyalaka. Khumadiondjo Latuyalaka kata lu dikambu diʼekungu la akuna, dia ekedi la ekidi ati: Enda, dimi lutsha mbela yombo dia ndo la nyu, layulanya alunga anyu.

Akambu wʼAsi Lewi 26:30

Dimi layulanya alunga anyu, layuhandjula diakelu dianyu dia tsho. Layukadja edu anyu ladiku dia edu wa dikishi dianyu. Ku utema ami wayunyuka wononyi.

Mika 3:12

Okone, lu dikambu dianyi mbayukambema Siona uku ekambo, Mbayuyala Jerusalema tuta diʼelanyelu. Ukungu wa luudu wayuyala ukunda utu ladiku.

Zefaniya 1:13

Ekundji awo wayuyala diango dia dimbu, Mvudu yawo yayuyala elanyelu ketu. Vo wayuhika mvudu, keli hawudjase loko. Vo wayune ekodi wa vinyo lu dikambo, Keli hawono ashi awo wʼelua.