Jeremiya 17:18 - La Bible en Otetela (Bible K'Ekila) 1991

¹⁸ Waku watunsuyaka, wutshami sonyi, Keli dimi tambutshamaki sonyi. Vo wasaki lukumba, Keli dimi tansakaki lukumba, Uwaela lushi lʼelanyelu uwalanya lʼasui a wulu.

Jeremiya 17:18 Iomraidhean Croise

Jobo 16:14

Ndi akambete eshu eshu, Akamumbamela uku ondoshi wa ta.

Esambu 35:4

Utsha wane watuyangaka lumu lami sonyi, afutanya. Waku wakana yimba dia eshishwelu kami, wakaluli ekongokongo wahukusani!

Esambu 35:8

Elanyelu kayi le wo shashimuya; Watali vame lu otei wakawambi, Wako loko, walanyemi!

Esambu 40:14

Wane watuyangaka dia nanya utema ami Wutshami sonyi, wonywami vo tshe kame! Wane watongenangenaka lʼelanyelu kami Wakaluli esokosoko, wonywami!

Esambu 70:2

Waku watuyangaka lumu lami, Wutshami sonyi, wahukusani; Waku watulangaka dimi nsuyama, Wakaluli ekongokongo, wonywami.

Esambu 71:1

Latuyalaka li, we kekamimi. Tetawoki dimi mbutshama sonyi pundju.

Jeremiya 1:17

Uneli, ukikitsha uya, uwateli kene tshe kayumukutela. Tudidimaki la ntundu kawo, ne dia dimi latukukudidimia la ntundu kawo.

Jeremiya 11:20

Keli we Latuyalaka Kanga lulimbilimbi, Latusambulaka akambu ololo, latedikaka etema la tukanyi tʼantu, Omenya esombweyo kaye le wo, Ne dia lambushula dikambu diami le ye.

Jeremiya 12:3

Keli we Latuyalaka mbeyakami; We mendakami, la we mbedikaka utema ami uku wewo le ye. Uwatundja uku ekoko wayangawo ndjaka. Uwakitsha laandi edja ndu lushi lʼediakelu!

Jeremiya 14:17

Uwateli diui ne wati: Ashu ami wakediaki asoi ndu la yanyi ndu lʼutshu. Tawuhimboki nkela Ne dia ona umuntu a wudja ami lʼemuma Ambuhumo puta ka wuki, puta ka wulu kahangone.

Jeremiya 16:18

Dimi layosomboya kolo kawo tena pendi, ne dia vo wakalanya kete yami la ditemolatemola diawo dia kolo, diaha la lumu Vo wambuludia etenyi kami kʼukito lʼakambu awo wa wononyi.

Jeremiya 17:13

Latuyalaka, we keli elungamelu ka Isariyele. Waku tshe watukosekaka, wayutshama sonyi. Waku wambangana uma le ye, Wayufundama kumbu la kete, Ne dia vo wambukoseka we Latuyalaka, eteko kʼashi wa lumu.

Jeremiya 17:16

Dimi kunkohenyahenya dia ntuma kolo esadi. Dimi kunanga lushi lʼelanyelu nduku yema. We mbeyaka dikambu so. Aui tshe wakamataka waki la ntundu kaye.

Jeremiya 17:19

Latuyalaka akamvutela ati: Tshoka, temali la suku dia Bendjamina, lene atotokaka ndu atutumbaka khumi ya dikanga ya Juda, ndu lu asuku tshe wa Jerusalema.

Jeremiya 20:11

Latuyalaka eko la mi, uku dihuka diukawo woma. Diako mbayutakana wane watunsuyaka, mbahawonembia. Vo wayutshama sonyi ka mamba, Ne dia vo kuntsha la yimba, Sonyi kawo ka pundju hakuhamamelaki.

Euhwelu kʼElembe 33:11

Latuyalaka li, otshokole ukundji wa Lewi! Eta wo ulimu wʼanya andi! Owediawedia ekongo wʼapetshi andi, A waku watuhetshaka, vo tawunelaki ntu.

Enyelo 18:6

Nyukitsheli uku akatatshela akina, Wuleki tena pendi, uku weli etsha ato. Lu dikoho diakatasohanya diango, Nyukisohanyia loko tena pendi.