Jeremiya 16:4 - La Bible en Otetela (Bible K'Ekila) 1991

⁴ Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 16:4 Iomraidhean Croise

2 Khumi ya Dikanga 9:10

Fo yayole Jezebele lʼusumba wa Jezerele, nduku untu layukhunde. Ku ndi akadihula lukuki, akalawo.

Esambu 78:64

Elombedi awo wakadiakema la yombo. Wadi waki edu lʼatei awo, kumbeya ndela.

Esambu 83:10

Vo wakalanyema la Ene-Dora, Wakayala eteto ka ntemia kete.

Isaya 18:6

Ekodi ako tshe wayukimwama Le fudu ya lʼekungu la le nyama ya la kete. Ku fudu yayahemaka ladiku diawo lu nshi yʼowo, Ku nyama tshe yayetamaka loko lu nshi ya diye.

Isaya 5:25

Okone kele ka Latuyalaka kambufulanela le wudja andi. Ndi ambusimbula lunya landi dia mbasuya; Ekungu wambudidima; Ndu edu awo wambuyala uku ndjetete lu esese. Kuyanga akambu aso tshe wakatshama, kele kandi kumumo. Ndu lunya landi lakasimbwi tshu.

Jeremiya 19:7

Dimi layulanya sangweyu dia Juda la Jerusalema lu dihuli ne. Dimi layakosha la ntundu kʼatunyi awo ndu lʼanya a waku watuyangaka mbadiaka. Dimi layukimo edu awo le fudu ya lʼu-lungu la nyama ya la kete, dia yo mbele.

Jeremiya 21:6

Dimi layudiaka wa lʼusumba one ndu antu ndu nyama. Vo wayuvo la elandu a wulu.

Jeremiya 25:33

Lushi lako, wane wayudiakema le Latuyalaka, wayukalema kalakala uma la kuma kemotshi ka kete pulu ndu la kuma kekina. Vo hawulelama, hawembama, hawukhundema. Vo wayuyala uku tumi ladiku dia kete.

Jeremiya 34:17

Okone mbata Latuyalaka ati: Nyu kumbukelami, dia nyu tshe ntshungula untu lʼuntu onangu, la untu lʼuntu unyandi. Nyendi, dimi lutsha nyusha ndjadjasela ka nyu ndjakema la tombo, elandu, la ndjala ka kasha. Dimi layunyete engo ka wononyi le waulelu tshe wa la kete.

Jeremiya 34:20

Dimi layakimo lʼanya wʼatunyi awo, lu anya a waku watuyangaka mbadiaka. Ku edu awo wayuyala mbu ya nde ya fudu ya lʼulungu la ya nyama ya la kete.

Jeremiya 36:30

Diako mbata Latuyalaka lu dikambu dia Jehoyakima, khumʼekanga ka Juda, ati: Nduku onʼandi ayudjase lu kiti ka diulelu ka Davidi. Udu andi ayukalema lu lahaladi la yanyi ndu lu tshitshi kʼutshu.

Jeremiya 44:12

Dimi layunda atshikadi wa Juda wakediya dundji diawo utsha lu kete ya Edjibitu, dia ntudjase leko. Vo wayushila ushiki, wayoko lu kete ya Edjibitu, wayudiakema la yombo ndu la ndjala ka kasha. Vo wayuvo ndu wa waki ndu wa tshitshe la yombo ndu la ndjala ka kasha. Vo wayuyala engo ka mpongwela soi, engo ka nkashimo, engo ka mananu, la engo ka dionyo.

Jeremiya 44:27

Nyuki, dimi latuwaendaka dia mbatshela kolo, aha ololo. Asi Juda tshe weli lu kete ya Edjibitu wayuvo la yombo ndu la ndjala ka kasha edja ndu wambushila ushiki.

Jeremiya 7:33

Edu wʼantu ane wayuyala ma dia fudu ya lʼulungu la nyama ya la kete, ku nduku untu layuyitshanya.

Jeremiya 9:22

Uti wati: Latuyalaka kata okone ati: Edu wʼantu wayukalema uku tumi lʼusui, Uku washa lʼokongo wʼumunyi, ku nduku layatongona.

Delu dia Jeremiya 4:9

Wane wakadiakema la yombo, ndeka wane wakavu la ndjala diese. Waku watondaka, watundamaka la ndjala ka mbu ya nde.

Ezekiyele 24:21

Uteli khumbu ka Isariyele wati: Khumadiondjo Latuyalaka kata ati: Nyendi, dimi lutsha nanya etemwelo kami, utaku a wulu anyu, kene kulekinyu nanga, la kene kukanyu ketshi. Anʼanyu wʼapami la anʼanyu wʼamantu wakanyatshiki lʼokongo, wayudiakema la yombo.

Ezekiyele 5:12

Etenyi ka satu kanyu kayuvo la elandu, la ndjala ka kasha kayashila ushiki lʼatei anyu. Etenyi ka satu kanyu kayudiakema la yombo lʼutshimba anyu. Dimi layuhandjula etenyi ka satu kanyu lu beke tshe dia la kete. Ku dimi layosomola yombo dia ndjelana la wo.

Zefaniya 1:17

Dimi layela asui le antu Dia vo nkendakenda uku akanga a tutshungu, Ne dia wakantshela, dimi Latuyalaka, kolo. Dikila diawo diayutshulwama uku ditshu, La emunyi awo uku tumi.

Euhwelu kʼElembe 28:22

Latuyalaka ayunyusuyaka la diondjelo, dimba dja, adada, luhaladi la owo a wulu, elungwelu ka tumbatumba la ukandu. Vo wayunyohenyahenyaka edja ndu lamʼayunyulanyema.

Euhwelu kʼElembe 28:26

Edu anyu wayuyala ma dia fudu tshe ya lʼulungu, ndu dia nyama ya la kete. Nduku untu laj uyitshanya.