Jeremiya 16:21 - La Bible en Otetela (Bible K'Ekila) 1991

²¹ Ulungi, dimi layalimbitshiya, layuwaenya lunya lami la wulu ami etena kene ketu. Ku vo wayeya vati: Lukumbu lami leli Latuyalaka.

Jeremiya 16:21 Iomraidhean Croise

Esambu 83:18

Kaweyi vati: We latuwetaka vati: Latuyalaka, Weme keli KhumʼUlungu, umbuledi wa kete tshe.

Esambu 9:16

Latuyalaka atuyaenyaka, atalaka dialelu diʼololo. Ndi atundaka untu a kolo lu djunga yakandambi ndame.

Etumbelu 14:4

Dimi layukikitsha utema a Farayo; ndi ayayela. Dimi layukundja lutumbu lu dikambu dia Farayo la ului andi tshe wʼalimbi. Ku asi Edjibitu wayeya vati: Dimi keli Latuyalaka. Ku vo wakatshi osoku.

Etumbelu 15:3

Latuyalaka eli ondoshi wa ta. Latuyalaka keli lukumbu landi.

Etumbelu 6:3

Dimi lakene le Abarahama, le Isaka ndu le Jakoba, uku Unyashungu, Kanga-Wulu-Tshe. Keli uma lu lukumbu lami Latuyalaka, dimi kundjaenya dime le wo.

Isaya 43:3

Dimi leli Latuyalaka, Unyashungu aye, LʼEkila lʼIsariyele, Ushimbedi aye. Lambukimo Edjibitu uku etshungwelu kaye, Ndu Etiyopiya la Seba lu dihuli diaye.

Jeremiya 33:2

Latuyalaka lakatungi kete, lakayilongosola ndu lakayikikitsha, lukanga lukumbu leli Latuyalaka, kata ati:

Ezekiyele 24:24

Ukuku mbayuyala Ezekiyele djimbitelu le nvu uku akandatshi lu akambu tshe, mbayunyutsha ndu nyu. Lamʼayuyala akambu ane, nyu nyayeya nyati: Dimi keli Khumadiondjo Latuyalaka.

Ezekiyele 24:27

Lʼetena kako, unyo aye ayudiho le one lakahandi. Ku we ayoteketa, aha ndjala kanga lumi ntu. Osoku mbayuyuyala ndjimbitelu, ku vo wayeya vati: Dimi keli Latuyalaka.

Ezekiyele 25:14

Dimi ayosomboya Edome lʼanya wa wudja ami wa Isariyele. Vo wayutshela Edome uku kele la ududu ami. Ku vo wayulimbitela esombweyo kami, mbata Khumadiondjo Latuyalaka.

Ezekiyele 6:7

Antu wayudiakema, wayukalema kalakala lʼatei anyu. Ku nyu nyayeya nyati: Dimi keli Latuyalaka.

Amose 5:8

Nyuyangi one lakatungi “Ana wʼUlui”, “Tshula la Fo la Nyaira” One latukadimulaka dedi dia nyoi pindju, Latukadimulaka yanyi utshu, Latetaka ashi ama lʼashi a wuki, Ndu latatshululaka ladiku dia kete, Latuyalaka keli lukumbu landi.