Jeremiya 16:18 - La Bible en Otetela (Bible K'Ekila) 1991

¹⁸ Dimi layosomboya kolo kawo tena pendi, ne dia vo wakalanya kete yami la ditemolatemola diawo dia kolo, diaha la lumu Vo wambuludia etenyi kami kʼukito lʼakambu awo wa wononyi.

Jeremiya 16:18 Iomraidhean Croise

Isaya 40:2

Nyuteli asi Jerusalema aui ololo, Dia nsamba etema awo. Nyuwateli la diui dia wulu nyati: Nshi yawo yʼata yambushila, Kolo yawo yambudimanyema. Vo wambulungula asui tena pendi uma le Latuyalaka, Ne dia kolo yawo tshe.

Enyelo 18:6

Nyukitsheli uku akatatshela akina, Wuleki tena pendi, uku weli etsha ato. Lu dikoho diakatasohanya diango, Nyukisohanyia loko tena pendi.

Ezekiyele 11:21

Keli lu dikambu dia waku watuyelaka dikishi diawo la diango dia wononyi, dimi layakaluya etsha awo lu ete awo, mbata Khumadiondjo Latuyalaka.

Jeremiya 17:18

Waku watunsuyaka, wutshami sonyi, Keli dimi tambutshamaki sonyi. Vo wasaki lukumba, Keli dimi tansakaki lukumba, Uwaela lushi lʼelanyelu uwalanya lʼasui a wulu.

Jeremiya 2:7

Dimi lakanyela uya lu kete ya mbu efula ya nyu nde, Elua wʼuma loko weko mbu ya nde yuleki ololo. Keli lamʼakanyakumi, nyu nyakasuwula kete yami, Nyakete ukito ami wononyi.

Ezekiyele 11:18

Vo wayutsho utsha leko, ku wayutunya dikishi tshe la diango tshe dia wononyi leko.

Jeremiya 3:9

Uma lu tunginyanginya tawo, mbakawasanya kete, mbakawatemola ave la etamba.

Isaya 61:7

Nyu nyayukundja difutu tena pendi lu dihuli dia sonyi. Nyayongenangena lu sangu dianyu lu dihuli dia dionyo. Okone nyu nyayukita diango pendi pendi lu kete yanyu, Nyayuyala la ongenongeno wa pundju.

Mika 2:10

Nyuneli, nyutshu, Ne dia one kema dihuli dianyu dia mumuya. Mindu kambudilanya, la elanyelu ka wulu.

Isaya 24:5

Kete yambulanyema uma le wane wudjashi loko, Ne dia vo wakahediaka elembe. Vo watutunaka adjangu, wakalanya sheki ya pundju.

Esambu 106:38

Vo wakatundja dikila diʼantu waha la unungu, Ee, dikila dia ana awo wʼapami ndu dia anʼawo wʼamantu, Wakadiakela dikishi diʼasi Kanana, Ku kete yakalana la dikila.

Akambu wʼAsi Lewi 26:30

Dimi layulanya alunga anyu, layuhandjula diakelu dianyu dia tsho. Layukadja edu anyu ladiku dia edu wa dikishi dianyu. Ku utema ami wayunyuka wononyi.

Isaya 65:6

Enda, kene kakamasanguya la ntundu kami nti: Dimi halolembohala, keli layunyusuya, Ee, dimi layunyusuya lu tulu yawo,

Jeremiya 7:30

Asi Juda wakatshaka kene kaki kolo lu ashu ami, mbata Latuyalaka. Vo wakakitsha diango diawo dia wononyi lu luudu latuwetaka lukumbu lami, La dio lulanya.

Jeremiya 44:4

Keli dimi lakanyutumelaka ekambi ami amvutshi umaka pindju, dia vo ndjunyutela vati: Tanyutshaki dikambu dia wononyi ne diatumuhetshaka.

Ezekiyele 5:11

Okone Khumadiondjo Latuyalaka kata ati: Uku wemi la lumu! ne dia nyu nyakalanya etemwelo kami la diango dianyu tshe dia sonyi la dia wononyi, diako mbayumunyudiaka. Ashu ami hawunyuhandja; dimi halunyuka ketshi.

Hosea 9:7

Nshi yʼasui yambukuka, nshi yʼesombweyo yambuya. Isariyele utsha mbeya dikambu so. Umvutshi eko enginya, La one leya akambu wushami eko kanga dadi, Ne dia wuki wa kolo yanyu, la wa luhetshu lanyu.

Isaya 65:7

Ne dia kolo yanyu, ndu ne dia kolo ya washenyu, Wakatshumbaka malashi lu ekungu Ndu wakantengaka lu akuna, mbata Latuyalaka. Okone layuwaedikela difutu uku etsha a wo wa ntundu.

Ezekiyele 36:18

Okone dimi lakatshulwela ududu ami, ne dia dikila diakawatshulula lu kete, ndu ne dia vo wakayisanya la dikishi.