Jeremiya 15:6 - La Bible en Otetela (Bible K'Ekila) 1991

⁶ We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 15:6 Iomraidhean Croise

Isaya 1:4

Yee, wudja a kolo, antu wuludi too la wutshu wa kolo, Diuhu diʼatshi wa kolo, ana watutshaka akambu wa sonyi li! Vo wakaseke Latuyalaka, wakonyola lʼEkila lʼIsariyele; Wakamo uma le mi, wakakaluya ekongokongo.

Isaya 28:13

Okone diui dia Latuyalaka diayuyala le wo: Didjangu ladiku dia didjangu, didjangu ladiku dia didjangu; Wetshelu ladiku dia wetshelu, wetshelu ladiku dia wetshelu; Yema lane, yema lane. Okone lamʼatawatshu, vo watokokaka akalikali, Watowediawediamaka, wundami, wukelekami.

Isaya 31:3

Asi Edjibitu weko antu, vo kema Unyashungu. Falasa yawo yeko paka emunyi, aha pundju. Lamʼayusimbula Latuyalaka lunya landi, Ukimanyidi ayudidima, la one lakimanyiama, ayoko. Ku vo tshe wayulanyema kame.

Jeremiya 1:16

Dimi layalumbuya dikambu dia kolo yawo tshe, ne dia vo wakanseke, wakatshumbela ditemolatemola malashi, ndu wakatemola elimu wakawatshi lʼanya awo.

Jeremiya 13:14

Dimi layaloshanya, untu la unyandi, ambutshi la anʼawo, mbata Latuyalaka. Dimi haluwauka ketshi, haluwamela kuyanga mbatshela la memakana, diaha dimi mbashila ushiki.

Jeremiya 2:13

Wudja ami wambutsha kolo hyendi: Vo wakanseke, dimi eteko kʼashi wa lumu, Ndu wakayatshimela afuku wʼashi, Wako weli la elonge, waheyi nkimela ashi.

Jeremiya 2:17

Aha ne dia nyu nyakaseke Latuyalaka, Unyashungu anyu, Lamʼakandayanyolombolaka lu mbuka, Mbambuyala dikambu ne le nyu?

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 20:9

Naka dimi layuta nti: Dimi haludimula lukumbu landi ntu, Dimi haloteketa ntu lu lukumbu landi, Ku ndjalaka lʼutema ami uku dja yadikita, Mbambudihama lu weka ami. Dimi mpimbaka mbikike, keli hakuki.

Jeremiya 44:22

Latuyalaka kumbeya ndjakimela ntu, ne dia kolo ka etsha anyu la akambu wa wononyi wakanyatshaka. Diako mbambuyala kete yanyu tongo tu, aha la untu, engo ka nkashimo ndu engo ka mananu, uku weyo elo.

Jeremiya 6:11

Diako mbamumulula too la ududu wa Latuyalaka, Handjeya mbukike ntu. Utshululi ladiku diʼana weli lʼosese, Ladiku diʼelongo wʼapami wusanganyi kame, Ne dia umi la wadi wayosama kame, Ndu ekumanyi la usumbi wa lukusumbi kame.

Jeremiya 6:12

Mvudu yawo, dikambo diawo, La wadiewo wayukimwama le akina, Ne dia dimi layusimbula lunya lami Ladiku dia kete nye, mbata Latuyalaka.

Jeremiya 6:19

Kete li, uhukami! Ulungi, dimi lutsha mbela elanyelu le wudja one, Ulua wa tukanyi tawo, Ne dia vo kumpukama aui ami. Vo wakonyola elembe ami.

Jeremiya 7:16

Okone tolombelaki wudja one, tediaki diui dia mbalelela, kana mbasengesengela, kuyanga mbateketela la ntundu kami, ne dia dimi halukukela.

Jeremiya 7:24

Vo kununga, kumpuke atui. Vo wakakendakenda lu tukanyi tawo ndu lu saki yʼetema awo wa kolo, wakakalula ekongokongo, kuntsho utsha la ntundu.

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Jeremiya 8:9

Asi yimba wambutshama sonyi, wambukanana, wambundama. Nyulungi, vo wambutuna diui dia Latuyalaka, Na wuhu wa yimba yeli la wo?

Ezekiyele 14:9

Naka umvutshi ambukesama, ambuta diui, keti dimi Latuyalaka kambukesa. Dimi layusimbula lunya lami le ndi, layuwunya uma lʼatei a wudja ami, Isariyele.

Ezekiyele 25:7

Diako mbamumusimbula lunya lami ladiku dianyu, dia nyukimo uku engo ka dimbu le wedja. Dimi layunyushila ushiki, layunyushisha uma lʼatei a waulelu, layunyulanya. Ku nyu nyayeya nyati: Dimi keli Latuyalaka.

Ezekiyele 35:3

Uwuteli wati: Khumadiondjo Latuyalaka kata ati: We Ukungu a Seire, dimi layendana la ye. Dimi lambusimbe lunya lami ladiku diaye, layukete tongo la engo ka nkashimo.

Hosea 11:7

Wudja ami watukikitshaka utema dia mangana uma le mi; Watuwaetaka uya le KhumʼUlungu, Keli nduku otoi lʼatei awo atutumbulaka.

Hosea 13:14

Undi, dimi layatshungula, Uma lu wulu wʼudimu a Pengandu? Dimi layashimbela uma le Nyoi? We Nyoi, lendʼeli asui aye? Udimu a Pengandu elanyelu kaye eto? Ketshi kambushama uma lu washu ami.

Hosea 4:16

Isariyele wambushikikala uku ngombe ka wadi kahateke a lokoho. Ku kakiane, Latuyalaka ayalesha Uku onʼa okoko lʼusui a wuki uka?

Zefaniya 1:4

Dimi layusimbula lunya lami dia ndo la Juda, Ndu dia ndo la asi Jerusalema tshe. Dimi layushila atshikadi wa Bala ushiki uma lu dinuli ne, Ndu layunya lukumbu lʼelombedi, atemodi wa dikishi.

Zekariya 7:11

Keli vo wakatuni dia mpukama, wakanyonye aheka, wakadihi atui awo diaha vo mbuka.