Jeremiya 14:7 - La Bible en Otetela (Bible K'Ekila) 1991

⁷ Kuyanga kolo yasu yambutamia, we Latuyalaka, Ukambeli lukumbu laye ulimu, Ne dia ehedia asu weko efula. Shu takakutshela kolo.

Jeremiya 14:7 Iomraidhean Croise

Ezera 9:15

Latuyalaka li, Unyashungu wa Isariyele, we keli ololo! Shu atshikadi amotshi teko elo. Shu akanga wʼenungu ane teko la ntundu kaye. Keli nduku otoi asu lukuki memala la ntundu kaye.

Esambu 115:1

Tawututumbulaki shu, we Latuyalaka, tawututumbulaki! Keli lukumbu laye latumbwami, Ne dia ngandji kaye ka shikaa, ndu mete kaye.

Esambu 25:11

Latuyalaka li, ne dia lukumbu laye, Unyimanyiya kolo kami, ne dia to keko wuki!

Esambu 79:9

We Unyashungu a panda kasu, Utukimanyia dia lukumbu laye ntumbwama. Ututshunguli, Ne dia lukumbu laye, utudimanyia kolo yasu,

Isaya 48:11

Ne dia dikambu diami, Ee, ne dia dikambu diami, mbayumutsha akambu ane. Ukundi ayonywama lukumbu lami? Dimi hakimo lutumbu lami le untu ukina.

Isaya 59:12

Ne dia ehedia asu waya efula la ntundu kaye, La kolo yasu yeko emenyi asu. Mete, ehedia asu weko kame la su, Shu mbeyaka kolo yasu.

Jeremiya 10:19

Yee! lambowediawediama la sui ne! Puta kami keko kandji efula. Keli dimi lakati nti: Ohenyohenyo one wambuya le mi, Dieli la mi dia mbemba.

Jeremiya 2:19

Kolo kanyu kayunyuhangwela, la uhedia anyu wayunyusuya. Nyeyi, ndu nyulimbiteli nyati: Dikambu ne diakanyatshi dia nseka Latuyalaka, Unyashungu anyu, La diaha mbuka woma dieko kolo ndu ululu Mbata Khumadiondjo, Latuyalaka Kanga lulimbilimbi.

Jeremiya 3:25

Tetami lu sonyi kasu, ufutanu asu watukumbi, ne dia shu takatshela Latuyalaka, Unyashungu asu, kolo, ndu shu ndu washesu umaka nshi yasu yʼakenda edja ndu elo. Shu kunkitanyiaka diui dia Latuyalaka, Unyashungu asu.

Jeremiya 3:6

Latuyalaka akamumbula ntu lu nshi ya khumʼekanga Josiya ati: We akenyi kene kambutsha asi Isariyele, akanga wʼuhedia? Vo wakatshokaka ladiku diʼukungu wʼutali tshe, ndu la tshina diʼutamba tshe wʼuyuyu, dia ntotemolaka.

Jeremiya 5:25

Ehedia anyu mbakanyetwela akambu ane, La kolo yanyu mbakanyuhumbia ololo one.

Jeremiya 5:6

Diako mbayadiaka tambwe ka lʼukunda, Mbayalanya laundu la lʼusui wa shenga, Mbayahulanela koi lu esumba awo. Wane tshe wayutumba uma loko, wayundama, Ne dia diakelu diawo diʼelembe diaya efula, La ehedia awo wambufulanela.

Jeremiya 8:14

Okoko wana wadjasesu udjasedjase? Nyusangani tutshu utsha lʼesumba wudingami kumbu, Tutuvu leko; ne dia Latuyalali, Unyashungu asu, kambutukimo dia shu mvo. Ndi akatonosha ashi wa lolengo, Ne dia shu takutshela kolo.

Jeremiya 8:5

Ku dikambu kuna diatokolamelaka wudja one nkalula ekongokongo? Vo watushikikalaka lu lukesu, hawetawo nkalula.

Ezekiyele 20:14

Keli dimi lakayakimela ne dia lukumu la lukumbu lami, diaha lo monywama la ntundu ka wedja waki lene akamatundja.

Ezekiyele 20:22

Keli dimi lakanya lunya, lakakambela lukumu la lukumbu lami ulimu, diaha lo monywama la ntundu ka wedja waki lene akamatundja.

Ezekiyele 20:9

Keli dimi lakayakimela ne dia lukumu la lukumbu lami, diaha lo monywama la ntundu ka wedja waki lene akamayaenya le wudja ami, dia mbatundja uma lu kete ya Edjibitu.

Hosea 5:5

Utaku wa Isariyele wambuyala omenyi lu dikambu diawo. Okone Efarayima ayoko la uhedia awo, Ndu Juda wayoko kame la wo.

Hosea 7:10

Utaku wa Isariyele wambuyala omenyi lu dikambu diawo. Vo hawukalula le Latuyalaka, Unyashungu awo, Kuyanga mbuyanga lu akambu aso tshe.

Amose 7:2

Lʼokongo diku lamʼakawashili nde adiyu wa la kete, ku dimi lakati nti: We Khumadiondjo Latuyalaka, udimanyia Jakoba kolo, Mbakosengasengami. Ukundi ayundeya memala? Ndi eko tshitshe!

Mika 7:9

Dimi layukike kele ka Latuyalaka, Ne dia dimi lakutshela kolo, Edja ndu ndi ambulumbula dikambu diami. Ndi ayuntudja lu usasi, Ku dimi layena etshungwelu kandi.

Efeso 1:12

ne dia shu ndjala la diandu dia lutumbu landi, shu wane wakalungamela Kristu ntundu.

Efeso 1:6

Lu diandu dia lutumbu la ngandji kandi ka mamba kakandatusha ushasha lu dikambu dia ulangimi andi,

Euhwelu kʼElembe 32:27

Keli dimi lakuki hyediya yʼote yʼutunyi woma, Ne dia atunyi awo watukunga lu tukanyi tawo, Ne dia vo watukuta vati: Lunya lasu leko wulu, Latuyalaka kuntsha akambu ane tshe.

Jashua 7:9

Lamʼayuka asi Kanana la asi kete nye tshe lukumu lone, vo wayutudinga, wayushisha lukumbu lasu la kete. Ku ngandi ayuyutsha dia lukumbu laye la wuki?