Jeremiya 14:16 - La Bible en Otetela (Bible K'Ekila) 1991

¹⁶ Ndu antu watuwutelaka akambu wahatayi, wayukadjema lu esese wa Jerusalema dikambu dia ndjala ka kasha la yombo. Nduku untu ayuyala leko dia mbakhunde: vo, wadiewo, anʼawo wʼapami kuyanga anʼawo wʼamantu. Dimi lajakaluya kolo yawo lu ete awo.

Jeremiya 14:16 Iomraidhean Croise

Tukedi 1:31

Osoku mbayuwole elua wʼetsha awo, Mbayuwulutshama la tukanyi tawo hita.

Isaya 51:20

Anʼaye wʼapami wamboko la yimba ntshimba, Wambetama lʼesese, uku peli kambundama lʼotei. Vo wambuludiama too la kele ka Latuyalaka, Ndu la luhangu la Unyashungu aye.

Isaya 9:16

Wane watolombolaka wudja one watuwunganyiyaka; La wane watetawoka nombwama, watulanyemaka.

Jeremiya 16:4

Vo wayuvo la elandu a wulu, hawuwalela kuyanga mbakhunde. Vo wayuyala uku tumi ladiku dia kete. Vo wayudiakema la tombo la ndjala ka kasha. Edu awo wayuyala ma dia fudu ya lʼulungu la dia nyama ya la kete.

Jeremiya 18:21

Okone ukimo anʼawo dia vo mvo la ndjala ka kasha. Akimo dia vo ndjakema la yombo. Wadiewo wayali aha la ana, ndu wadi waki edu. Waumewo wadiakemi, elongo awo wʼapami wadiakemi la yombo lu ta.

Jeremiya 20:6

Ndu we Pashura, we la waku tshe wudjashi lu luudu laye, nyayutsho lu fumbi. We ayukuma la Babilona, ayutuvo leko. Leko kayuyutukhundema, we la engenyi aye tshe wakayatelaka akambu wahatayi wa kashi.

Jeremiya 27:15

Latuyalaka kata ati: Dimi kumbatuma, keli vo watutaka akambu wahatayi wa kashi lu lukumbu lami, dia dimi nyutshanya la dia nyu ntuvo, nyu la amvutshi ako watunyutelaka akambu wahatayi wa kashi.

Jeremiya 4:18

Mbuka kanyu la etsha anyu mbambunyutungela akambu ane. Vo weli elua wa kolo yanyu. Vo weli ululu, Ne dia vo nkumaka pulu ndu lʼetema anyu.

Jeremiya 5:31

Amvutshi watutaka kashi lu akambu wahatayi. Elombedi watulelaka antu uku alangawo. Ku wudja ami watongenangenaka akambu aso. Lʼekumelu kʼakambu ako, kayunyutsha na?

Jeremiya 7:33

Edu wʼantu ane wayuyala ma dia fudu ya lʼulungu la nyama ya la kete, ku nduku untu layuyitshanya.

Jeremiya 8:1

Lu etena keso, vo wayutundja weka wa khumi ya dikanga ya Juda, weka wa ewandji awo, weka wa elombedi, weka wa amvutshi ndu weka wʼasi Jerusalema uma lu waumbu awo.

Jeremiya 8:2

Vo wayuwekitsha kalakala la ntundu ka unya, ka ngondo, ndu ka ului tshe wa lʼulungu, wakawukaka ngandji, wakawekamaka, wakawayelaka, wakawayangaka, ndu wa-kawatemolaka. Vo hawusanganyema kuyanga nkhundema. Vo wayuyala uku tumi ladiku dia kete.

Jeremiya 9:20

Nyu amantu, nyuki diui dia Latuyalaka, Nyuhuke atui lu aui watandi, Nyetsha anʼanyu wʼamantu kimbu yʼutanda. Nyu tshe untu lʼuntu etsha unyandi djuwa,

Jeremiya 9:22

Uti wati: Latuyalaka kata okone ati: Edu wʼantu wayukalema uku tumi lʼusui, Uku washa lʼokongo wʼumunyi, ku nduku layatongona.

Ezekiyele 39:14

Vo wayosonola antu wayukambaka nshi tshe lʼulimu one wa mbeteta lu kete la nkhunde waku wambutshikala ladiku dia kete, dia yedia. Ku lʼokongo a ngondo esambeli etundu, vo wayuyangiayangia.

Amose 7:17

Uma lu dikambu so, mbata Latuyalaka ati: Wadeye ayuyala kanga munanyi lʼusumba. Anʼaye wʼapami la anʼaye wʼamantu Wayudiakema la yombo, La kete yaye yayukahanyema lʼokodi. Weme ayuvo lu kete ya mindu. Mete, Isariyele wayotolama lu fumbi, Etali uma lu kete yawo.

Mateu 15:14

Nyuwaete; elombodi wa tutshungu mbewo. Naka kanga tshungu ayolombola kanga tshungu, vo ahendi wayoko lu difuku.

Enyelo 16:1

Dimi lakuki diui dia wulu uma lʼetemwelo, diakatela andjelo esambeli ati: Nyutshu, nyututshululi akoho esambeli wa kele ka Unyashungu utsha la kete.