Jeremiya 13:25 - La Bible en Otetela (Bible K'Ekila) 1991

²⁵ Oso eli etenyi kanyu kʼukito kakamanyedikela, Ne dia nyu nyakambuhela, nyakambuhela, Nyakekama kashi, mbata Latuyalaka.

Jeremiya 13:25 Iomraidhean Croise

Jobo 20:29

Oso eli etenyi kambulamela Unyashungu untu a kolo, Sangu diambukitshiya Unyashungu.

Esambu 11:6

Ndi atoloshiyaka antu wa kolo Akalanga wa dja la tsho la lopepe dia mbatshumba. Oso eli etenyi kawo ka dikoho diʼukito.

Esambu 9:17

Antu wa kolo wayuhulo lu Dihuli diʼEdu Kame la wedja tshe watuhelaka Unyashungu.

Isaya 17:4

Lushi loso, lutumbu la Jakoba layukitakita, Ndu dimba diandi diayonda.

Isaya 28:15

Nyu nyatutaka nyati; Shu takadji la nyoi sheki, Ndu takukana la Udimu a Pengandu. Lamʼayeta sui dia wulu, dio hadiusukana la su, Ne dia shu tambete kashi eshamelu kasu, La lukesu elawelu kasu.

Isaya 34:17

Lunya landi lakawaedikela ahuli lʼokodi, Ku ndi akasonoya ahuli lu kete yako. Okone vo wayuyala akanga ayo pundju; Wayudjaseka loko lu lolonga la lolonga.

Isaya 65:7

Ne dia kolo yanyu, ndu ne dia kolo ya washenyu, Wakatshumbaka malashi lu ekungu Ndu wakantengaka lu akuna, mbata Latuyalaka. Okone layuwaedikela difutu uku etsha a wo wa ntundu.

Jeremiya 10:14

Untu tshe atuyalaka enginya lu yimba yandi. Utshudi a paunyi tshe atutshamake sonyi Uma lʼekishi kandi ka losela, Ne dia dikishi diandi dia lolelola dieli kashi, dio kema la lumu.

Jeremiya 18:15

Wudja ami wambumbuhela, Wambutshumbela ditemolatemola malashi. Vo wakatakana lu ditshelu diawo Lamʼakawakendakendaka lu mbuka yʼedjedja. Vo waketetaka lu tuwuka, lu mbuka yahatalongoswama.

Jeremiya 2:13

Wudja ami wambutsha kolo hyendi: Vo wakanseke, dimi eteko kʼashi wa lumu, Ndu wakayatshimela afuku wʼashi, Wako weli la elonge, waheyi nkimela ashi.

Jeremiya 2:32

Undi, usekaseka a umuntu mbeyaka mbuhela dengalenga diandi. Kana wadi uyuyu, eloto andi wa tshuki? Keli wudja ami wambumbuhela nshi efula yaheyama mbala.

Jeremiya 3:21

Aui wambukema lu ahuli wa ladiku, Alelu la esengosengo wʼasi Isariyele mbewo, Ne dia vo wakalanya mbuka yawo, wakuhela Latuyalaka, Unyashungu awo.

Ezekiyele 23:35

Okone Khumadiondjo Latuyalaka kata ati: We akambuhela, akambuki okongo, diako mbayuyemba wutshu wa kolo yaye la wa luseka laye.

Mika 3:11

Nyu ete wa Jerusalema nyatulumbuyaka Dia nkundja mbu yʼutshu. Nyu elombedi weli loko, Nyu nyatetshaka ne dia nkundja difutu. Nyatulimbitshiyaka akambu wa Unyashungu dia nkundja falanga. Keli nyu nyatekamaka le Latuyalaka, Nyata nyati: Undi, Latuyalaka kema lʼatei asu? Nduku elanyelu kayuya le su.

Zefaniya 3:2

Vo kunkitanyia diui, kumbetawo wetshelu, Kombekama le Latuyalaka, kunsukana le Unyashungu awo.

Mateu 24:51

Ndi ayokomola wulu, ndu ayukitsha kame la akanga a lukesu. Leko, antu wayulela ndu wayokeketanya anyu awo.

Romo 1:25

ne dia vo wakingula mete ka Unyashungu la kashi, ndu wakatemoloka la wakakambelaka utungami lu dihuli dia Utungi latutumbwamaka pundju. Ayali osoku!