Jeremiya 13:19 - La Bible en Otetela (Bible K'Ekila) 1991

¹⁹ Esumba wa la Nengebe wambudihama, Nduku untu eko dia mbedihula. Wambotola Juda tshe lu fumbi, wambatola tshe tshe.

Jeremiya 13:19 Iomraidhean Croise

2 Khumi ya Dikanga 25:21

Khumʼekanga ka Babilona akakomola, akadiaki la Ribila, lu kete ya Hamata. Osoku mbakatolama Juda fumbi uma lu wudja awo.

1 Ekondo 9:1

Wakali Isariyele tshe uku eutwelu kawo, ndu vo wambufundama lu Buku dia Khumi ya dikanga ya Isariyele. Ku Juda akatolama lu fumbi utsha la Babilona ne dia ehedia awo.

Jobo 12:14

Naka ndi ambuhandjula, nduku leya mpika; Naka ndi ambudiha untu, nduku leya mbudihula.

Jeremiya 17:26

Antu wayuya uma lʼesumba wa Juda, ndu uma lʼetshimba wa Jerusalema, uma lu kete ya Bendjamina, uma lʼekidi, uma lu leke lʼekungu, ndu uma la Nengebe, dia mbela elambu wa lutshumba, elambu wa nyama, elambu wa shima, malashi la elambu wʼeukelu ka lusaka uya la luudu la Latuyalaka.

Jeremiya 20:4

Latuyalaka kata okone ati: Ulungi, dimi layukutsha woma wa mamba, we la engenyi aye tshe. Vo wayudiakema la tombo tʼatunyi awo. We ayena dikambu diako la ashu aye. Dimi layukimo Juda tshe lu anya wa khumʼekanga ka Babilona. Ndi ayatola lu fumbi utsha la Babilona, ayutadiaka la yombo.

Jeremiya 24:1

Lʼokongo a la nʼakatole Nebukadineza, khumʼekanga ka Babilona, Koniya, onʼa Jehoyakima, khumʼekanga ka Juda, ewandji wa Juda kame la etshudi wʼabaya la etshudi wa mbulu uma la Jerusalema utsha la Babilona, Latuyalaka akamenya asaka ahendi wa fingu wukitshami la ntundu kʼetemwelo kandi lu do.

Jeremiya 28:4

Dimi layukaluya ndu Jekoniya, onʼa Jehoyakima, khumʼekanga ka Juda, kame la asi Juda wakatolama lu fumbi, ne dia dimi lutsha mbokola lokoho la khumʼekanga ka Babilona, mbata Latuyalaka.

Jeremiya 32:44

Antu wayusumbaka dikambo la falanga, wayufundaka dakanelu, wayudimataka ematelu, wayetaka emenyi lu kete ya Bendjamina, lu ahuli wa lʼutshimba wa Jerusalema, lu esumba wa la Juda, lu esumba wa lu leke lʼakuna, lu esumba wa la Shefela, ndu lʼesumba wa la Nengebe, ne dia dimi layakaluya ekundji awo, mbata Latuyalaka.

Jeremiya 33:13

lu esumba wa lu leke lʼakuna, lʼesumba wa la Shefela, lʼesumba wa la Nengebe, lu kete ya Bendjamina, lu ahuli tshe wa lʼutshimba wa Jerusalema, ndu lʼesumba wa Juda, ekoko wayetaka lʼesi a lunya la one latuwalaka, mbata Latuyalaka.

Jeremiya 39:9

Nebuzaradana, olombodi wʼalamy akatole atshikadi wa lʼusumba utsha la Babilona: atshikadi wakaseko lu wedi andi, ndu atshikadi waki konseko lu wedi andi.

Jeremiya 52:27

Khumʼekanga ka Babilona akakomola, akadiaki la Ribila lu kete ya Hamata. Osoku mbakatolama Juda fumbi uma lu wudja awo.

Jeremiya 52:28

Lanʼeli antu wakatole Nebukadineza lu fumbi: lu eleku kʼesambeli, asi Juda nunu satu akumi ahendi la asatu.

Jeremiya 52:30

Lu eleku ka akumi ahendi la asatu ka diulelu dia Nebukadineza, Nebuzaradana, olombodi wʼalami akatole asi Juda kama esambeli akumi anei la atanu lu fumbi. Vo tshe waki antu nunu nei la kama shamalu.

Delu dia Jeremiya 1:3

Juda ambotolama lu fumbi, Lʼatei wʼasui ndu wa shoko ya wulu. Vo wambudjase lʼatei a wedja, Keli vo kema la mumuya nduku yema. Wane watusuyaka, wambuwunda lamʼewo la sasi.

Zekariya 7:7

Nyu kumbuka aui wa Latuyalaka aso, wakataka amvutshi wa ntundu, lamʼaki Jerusalema la antu ndu la ongonyi kame la esumba ayo wa lʼutshimba, kete ya la diku dia kushi ndu kete ya lʼukidi la antu uka?

Euhwelu kʼElembe 28:15

Keli naka nyu hanyukitanyia diui dia Latuyalaka, Lʼnyashungu anyu, kana nama la ntsha elembe la adjangu andi tshe wamumunyudjela elo, mananu nye tshe yayunyuhulwela, yayuya le nyu.

Euhwelu kʼElembe 28:52

Vo wayunyudinga kwi lu esumba anyu tshe, edja ndu peli dianyu diʼetali ndu dia wulu diakanyekamaka, diambunyuko lu kete yanyu tshe. Vo wayudinga kwi lu esumba anyu tshe wa lu kete yakanyusha Latuyalaka, Unyashungu anyu.

Jashua 18:5

Kawuyikahanya lu beke esambeli. Asi Juda wayudja la wo ulelu la diku dia kusbi, la khumbu ka Josefu wayudja la wo ulelu la ngelʼa kushi.