Jeremiya 13:14 - La Bible en Otetela (Bible K'Ekila) 1991

¹⁴ Dimi layaloshanya, untu la unyandi, ambutshi la anʼawo, mbata Latuyalaka. Dimi haluwauka ketshi, haluwamela kuyanga mbatshela la memakana, diaha dimi mbashila ushiki.

Jeremiya 13:14 Iomraidhean Croise

2 Ekondo 20:23

Asi Amona la asi Moaba wakunela dia ndosha asi Ukungu a Seire, wakalembia, wakashili ushiki. Lamʼakawashili asi Seire ushiki, vo wakaloshanya vame.

Jobo 27:22

Unyashungu atuwukaka pitu aha la ketshi. Ku untu ako atulangaka ndawo dia ndjihanda.

Esambu 2:9

We ayuwaulela la ukalimba wa luwulu, Ayahandjula lku puki kʼukingi.

Isaya 27:11

Lamʼayolengela avundja, vo wayuhimbwama, Ku amantu wayuya, wayatshumba. Wudja one kema la yimba, Okone one lakatungi huwauka ketshi, Ee, one lakatungi huwahumuya lukulu lʼolo.

Jeremiya 15:5

We Jerusalema, akona ayukuka ketshi, akona ayukulela, Akona ayetola dia nkumbula kana we la wulu?

Jeremiya 15:6

We akantuni, akakalula ekongokongo, mbata Latuyalaka. Diako mbamumusimbula lunya lami dia nkolosha la nkulanya. Dimi lambuheko nkuka ketshi.

Jeremiya 16:5

Totoki lu luudu lʼutanda, tutshoki leko dia ntulela, tuyandjayandjaki kame la wo, ne dia dimi lakanya ki kami, ngandji kami ka shikaa, la ketshi kami, uma le wudja one, mbata Latuyalaka.

Jeremiya 21:7

Lʼokongo diku, dimi layukimo Zedekiya, khumʼekanga ka Juda, ekambi andi, la wudja andi, waku wayuhanda elandu, tombo la ndjala ka kasha lʼusumba lu anya wa Nebukadineza, khumʼekanga ka Babilona, lu anya wʼatunyi watuyangaka mbadiaka. Ku ndi ayadiaka la yombo, ndi huyala lʼote vuvu kuyanga ketshi, mbata Latuyalaka.

Jeremiya 25:16

Vo wayono, wayusukosuko, wayuyala uku akanga wʼaladi, ne dia yombo yayumutuma lʼatei awo.

Jeremiya 47:3

Ambutshi hawewo dia mbosa anʼawo Lamʼayuwuka kindu ya sanga ya falasa yandi, Luhelu la pusupusu yandi ya ta, la lundju lʼetshimbi. Ne dia anya awo wambokomo.

Jeremiya 48:12

Nshi yayuyala, yayumutumela antu dia ntutshulula. Vo wayutshulula diango dieli lu puki yandi, wayula ehundi andi betshi betshi.

Jeremiya 6:21

Diako mbata Latuyalaka ati: Enda, dimi layukitsha etamba wa ntakanya la ntundu ka wudja one. Loko kayuwutakanaka, ndu washi ndu ana kame; Usukanyi ndu ongenyi wayulanyema.

Delu dia Jeremiya 2:21

Olongo a pami la usumbi wambetama lu kete lu esese; Esekaseka ami wʼamantu la elongo ami wʼapami wambudiakema la yombo. We akadiaki lu lushu laye la kele, akadiaki aha la ketshi.

Ezekiyele 24:14

Dimi Latuyalaka lambuta diui, dio diayushidiyama. Dimi layuditsha; dimi haka-dimo, halukuka ketshi, halembe utema. Vo wayukulumbuya uku aki lokewo laye, ndu ditshelu diaye, mbata Khumadiondjo Latuyalaka.

Ezekiyele 7:3

Dianyu ku elo! Dimi layunyuka kele, layunyulumbuya uku etsha anyu, layunyahe akambu anyu tshe wa wononyi.

Ezekiyele 7:4

Ashu ami hawunyuhandja. Dimi halunyuka ketshi, layunyutshela uku etsha anyu, la akambu a wononyi weli lʼatei anyu. Ku nyu nyayeya nyati: Dimi keli Latuyalaka.

Ezekiyele 7:9

Ashu ami hawunyuhandja; dimi halunyuka ketshi. Dimi layunyutshela uku etsha anyu, la akambu anyu a wononyi weli lʼatei anyu. Ku nyu nyayeya nyati: Dimi Latuyalaka kanyusuya.

Ezekiyele 8:18

Diako mbayumasuya la ududu ami. Ashu ami hawahandja; dimi haluwauka ketshi. Kuyanga vo wayulela lʼatui ami la delu dia wulu, dimi haluwaukela.

Ezekiyele 9:10

Okone ashu ami hawahandja; dimi haluwauka ketshi, layukaluya kolo yawo lʼete awo.

Ezekiyele 9:5

Dimi lakuki lamʼakandatela akina ati: Nyutshu lʼokongo andi lʼatei wʼusumba, nyutudiaki antu. Ashu anyu tawuhandjaki untu, ndu tanyukaki untu ketshi.

Hosea 2:4

Dimi haluka anʼandi ketshi, Ne dia vo weli ana wa kanga luseka.

Zekariya 11:6

Dimi haluka wane wudjashi lu kete ku ketshi ntu, mbata Latuyalaka. Dimi layukimo untu lʼuntu lu lunya la unyandi, lu lunya la khumʼekanga kandi. Vo wayulanya kete, keli dimi haluwatshungula nduku otoi uma lʼanya awo.

Mateu 10:21

Onangu ayukimo onangu dia ndi mvo, shi ayukimo onʼandi. Ana wayotombokwela ambutshi awo, wayatungela nyoi.

Mako 13:12

Untu lʼuntu ayukimo onangu dia ndi mvo. Shi ayukimo onʼandi. Ana wayontombokwela ambutshi awo, wayadiaka.

Euhwelu kʼElembe 29:20

Latuyalaka hudimanyia. Keli kele la kandjema ka Latuyalaka wayufulanela le pami kako, la mananu tshe yufundami lu buku ne yayuya le ndi. Ku Latuyalaka ayudimula lukumbu landi uma lʼesi ulungu.

1 Samuele 14:16

Alami wa Saulu waki la Ngibeya ka la Bendjamina wakedia ashu, wenyi ku ului a wuki wʼantu wambuhandjo vwa, watalawo amotshi lene amotshi lene.